¹ Al malaika ta Rabuna ruwa min Gilgal le Kokim, wa kelim, ana tala intum min Masir, wa jibu intum fi ard al ana alifu ashan bi wodi le abuhat takum, ana kelim inu ana ma bi kasuru ahead tai ma intum. ² Intum keli ma amulu ahead ma nas al intum gi geni ma humon fi ard de. Intum lazim keli demiru mazbaha tomon, lakin intum ma asuma le sot tai, de shunu yahu intum amulu ³ Fa hasa ana gi kelim, ana ma bi turudu Canaaniin min gidam takum, lakin humon bi deyegu intum, wa aliha tomon bi kun sherik le intum. ⁴ Zaman malaika ta Rabuna kelimu kalam de iyal ta Israel, nas arfa asuwat tomon wa kore. ⁵ Humon nadi isim ta mahal dak Bokim. Wa hinak humon gedimu zebiha le Rabuna. ⁶ Biga zaman Joshu rasulu nas fi mahalat tomon, iyal ta Israel wa kulu wahid ruwa ashan bi istelimu mahal bi tou wa hak ta ard tou. ⁷ Iyal ta Israel, kan abidu Rabuna fi zaman ta Joshua, wa kalam fi zaman ta Sheyuk tou, de nas al inu hajat al azim al Rabuna amulu, le Israel, ⁸ Joshua jena ta Nun khadam ta Rabuna mat fi umor ta 110 sena. ⁹ Humon dofunu huwo fi hudud ta mahal tou fi Timnatt Heres, fi jebel ta Ephraim, shamal ta jebel Gaash. ¹⁰ Kulu de kan Kaman tabe le abuhat tomon, biga fi jil tani jar aha wara humon de jil al ma arufu Rabuna au hajat al kan Rabuna amulu le Israel. ¹¹ Iyal ta Israel amulu shar fi ena ta Rabuna wa humon abidu baal. ¹² Humon tala bara min Yahweh, Al huwo Rabuna ta Judud tomon, al tala humon bara min ard ta Masir. Humon ruwa wara ta Rabunat taniin, Rabunat tan as al hawli humon, wa humon gi dengiri tehet le humon, ¹³ humon sibu Rabuna zalan, leanu humon tala bara min Rabuna wa gi abidu Baal wa ashtoretth. ¹⁴ Rabuna zalan min Israel, wa huwo wodi humon fi iden ta nas al mujerimin wa haramiyat humon seregu hajat tomon. Rabuna wodi humon ze abid ashan bi istamiru humon ma adu tomon al kan min hawli humon, biga humon ma agder ashan bi defa nefsa tomon did ada tomon. ¹⁵ Iza kan Israel ruwa ashan bi haribu ida tou Rabuna kan did humon, humon ma gi naja. Bes ze ma kan huwo kelim le humon, wa kan hala tomon kan biga saab shedid. ¹⁶ Biga Rabuna gumu guda ashan bi kalisu humon min iden ta mujerimin wa haramiyat al gi serigu mumtalakat tomon. ¹⁷ Lakin humon lesa ma gi asuma le Guda tomon de, humon ma aminiin le Rabuna wa humon wodi nefsa tomon ze nas ta zina wara Rabunat taniin ashan bi abidu. Humon biga tala min sika wa haya al kan abuhat tomon gi ish. Nas al gi ihtaramu wasaya ta Rabuna lakin humon ma gi amulu. ¹⁸ wa iza kan Rabuna gumu Guda le humon, Rabuna gi saidu Guda de ashan bi tala humon min iden ta ada tomon fi tul umur au ayam ta Gadi de. Rabuna gi hiin le humon iza kan gi azibu humon wa gi taabu humon. ¹⁹ Lakin iza kan Gadi mutu, humon gi reja wara wa gi amulu hajat al batal shedid al abuhat tomon ma amulu, humon bi ruwa le Rabunat taniin ashan bi akhdim wa bi abidu, humon ma deir ashan bi wogifu min amulu hajat tomon au min sikat tomon al batal de. ²⁰ Rabuna zalan min iyal ta Israel. Huwo kelim, ashan nas de kasuru ahead ta al kan amulu ma abuhat tomon, ashan humon ma asuma le sot tai. ²¹ Min alela le gidam, ana ma bi turudu min gedam tomon ai nas min al Joshua sibu zaman al huwo mutu. ²² Ana bi amulu kalam de ashan ana bi jeribu Israel, iza kan humon deiru wele umon ma deiru, humon bi hafisu sika ta Rabuna wa bi dowuru fogo, ze ma abuhat tomon hafisu. ²³ De yahu sabab al Rabuna hafisu nas del wa ma turudu humon bara be sura wa wodi humon fi iden ta Joshua.