¹ Baad dak Haggai al nebi wa Zechariah al nebi, jil ta Iddo, itnaba fi al isim ta al Allah ta Israil le al Yahud fi Yahuzah wa Urselim. ² Zerubbabel weled ta Shealtiel wa Jeshua welet ta Jozadak gam fok wa bada le abinu al bet ta Allah fi Urseim ma al ambia al asyidu umon. ³ Baad dak Tattenai al hakim ta al Wulaya Beid min Bahar, Shethar-Bozenai, wa suraka tou ja wa kelim le umon, ''Munu wodi le intum Karar le abinu bet de wa kalasu hetat delin?'' ⁴ Umon kaman kelimu, ''Munu yau al asma ta al rujal al bi abinu mabna de?'' ⁵ Lakin ena ta Allah kan fogo al shiyuk ta Yahudien wa adda tomon biga ma wogif umon. Umon kan bi istena le waraga le bi rasulu le al melik wa le karar le bi rijau le umon be kusus de. ⁶ De yau sura ta juwab ta Tattenai, hakim ta al Wulaya Beid min Bahar, wa Shethar-Bonzenai wa suraka tou fi al Wolaya Beid min Bahar, al umon rasal le Darius al melik. ⁷ Umon rasal kabar, katibu de le Melik Darius, ''Kede kulu salam geni le inta. ⁸ Kede melik arufu gali nina ruwa le Yahudiya le bet ta al Allah azim. Huwo biga abinu ma hujar kubar wa kasabin kutu fi al hetat. Sokol de kalas biga amulu kulu wa bi ruwa gidam kuwes be idenat romon. ⁹ Nina asalu al shiyuk, 'Munu wodi intum karar le abinu bet de wa hetat delin?' ¹⁰ Nina kaman asalu umon asma tomon kida inta biga arufu isim ta ai rajil al gedimu umon. ¹¹ Umon juwabu wa kelim, 'Nina yau kadamin ta al wahid al yau al Allah ta sama wa ard, wa nina yau abinu bet de al kan abinu senawat wara zaman al melik azim ta Israel abinu huwo wa kalasu. ¹² Lakin, zaman judud ta nina zeilu al Allah ta sama, huwo wodi umon fogo al ida ta Nebuchadnezzar melik ta Babylonia, al Khaldien, al demiru bet de wa salu al nas fogo mihijar fi Babylonia. ¹³ Lakin kaman, fi al awel sena zaman Cyrus kan melik ta Babylonia, Cyrus sadar karar le rijau abinu al bet ta Allah. ¹⁴ Melik Cyrus kaman rijau al dahab wa hajat fida tabi le al bet ta Allah al Nebuchadnezzar kan jabu min al haikal fi Urselim le al haikal fi Babilon. Huwo rijau umon le Sheshbazzar, ah huwo kan amulu hakim. ¹⁵ Huwo kelim le huwo, ''Silu hajat delin. Ruwa wa kutu umon fi al haikal fi Urselim. Kede al bet ta Allah biga rijau abinu hinak.'' ¹⁶ Baad dak Sheshbazzar de ja wa kutu al asas le bet ta Allah fi Urselim; wa huwo yau biga abinu, lakin yau lisa ma kalasu.' ¹⁷ Hasa kan huwo kwes le melik, kede huwo biga hagigu fi al bet ta al injazat fi Babilonia kan hukum min melik Cyrus mojud hinak le abinu bet ta Allah de fi Urselim. Biga kede al melik rasulu karar tou le nina.