¹ Hasa juzu adda ta Yahuzah wa Benjamin sima gali al nas al kan biga mihjar kan hasa bi abinu al haikal le Yahwa, al Allah ta Israel. ² Kida umon wajihu Zerubbbabel wa al ruus ta usar judud tomon. Umon kelim le umon, ''Kede nina abinu ma intum, le, ze intum, nina bi fetisu Allah takum wa kalas zabihu le huwo mini al ayom zaman Esarhaddon, melik ta Assur, jabu nina le makan de.'' ³ Lakin Zerubbabel, Jeshua, wa al ruus ta usar judud tomon kelim, ''de yau ma intum, lakin nina al lazim bi abinu al bet ta Allah tanina, leanu de yau nina al bi abinu le Yahwa, al Allah ta Israel, bes ze melik Cyrus ta Persia amiru.'' ⁴ Kida nas ta al ard amulu idenat Yahudiyin deyif; umon amulu al Yahudiuin kafu le abinu. ⁵ Umon kaman wodi rosua le mustusarin le habitu kutat tomon. Umon amulu de fi zaman kulu ayom ta Cyrus wa fijua al hukum ta Darius melik ta Persia. ⁶ Baad dak fi al bidaya ta hukum Ahasuerus umon katab al tuham dit al sukan ta Yahuzah wa Urselim. ⁷ Huwo kan zaman fi aysm ta Artaxerxes al Bishlam, Mithredath, Tabeel, wa suraka tomon katab le Artaxerxes. Al juwab kan moktub be Aramaic wa terjimu. ⁸ Rehum al khaid wa Shimsahai al katib katab teriga de le Artaxerxes an Urselim. ⁹ Baad dak Rehum, Shimshai, wa suraka tomon, al kan guda wa muwazifin tanin fi al hakuma, al Farisien, rujal min Erech wa Babylon, wa al rujal min Susa(de yau, al Elamitien)-umon katab al juwab- ¹⁰ wa umon kan limu be al nas al uzama wa kuat ta qabir Ashurbaipal le geni fi Samiria, kaman ma al bagin al kan fi al Wulaya Beid min Bahar. ¹¹ De yau sura ta juwab al umon rasulu le Artaxerxzes: ''Kadamin taki, rujal ta al Wulaya Beid min Bahar, katifu de: ¹² Kede al melik aruf gali al Yahud al ruwa min itan kalas ja diid nina fi Urselim le abinu medina tamarut. Umon kalas kalasu hos wa amulu siyana ta asas. ¹³ Hasa kede melik arufu gali kan medina de yau abinu wa al heta yau kalasu, umon ma bi wodi ai usur wa daraib, lakin umon bi awugu al muluk. ¹⁴ Be taakit ashan nina kalas akalna mileh al gara, huwo biga ma munasib le nina le aiynu ai adam karama hasil le al melik. Huwo yau ashan ze de nina kalas bi kabiru al melik ¹⁵ le bahisu sejila abuhat takum wa le arufu gali de yau medina al mutmerit al bi awugu muluk wa wulayat. Huwo kalas sabibu masakil ketir le al muluk wa wulayat. Huwo kan biga markas le tamarut mini bedriri sedid. Huwo kan le sabab de kan medina de demiru. ¹⁶ Nina bi kabiru al melik gali kan medina de wa heta kalas abinu, biga inak ma bi kun haja fadulu le inta fi al Wulayat Beid min Bahar.'' ¹⁷ Kida melik rasal bara al rad le Rehum wa Shimshai wa suraka tomon fi Samiria wa al tanin al umon fi al Wulaya Beid min Bahar: ''Kede salam geni le intum. ¹⁸ Juwab al intum rasulu le ana kan kalas terjimu wa agrau le ana. ¹⁹ Kida Ana amiru al tahagigat wa iktasifu gali fi ayom wara umon kan itmaradu wa merid did muluk. ²⁰ Muluk Uzama kalas hakam ala Urselim wa kan indu guwa ala ai haja fi al Wulayat Beid min Bahar. Usur wa daraib kan dafau le umon. ²¹ Hasa, amulu karar le rujal delin le wogifu wa ma bi abinu medina de lahadi Ana amulu karar. ²² Keli intum kun harisn ma le jahilu de. Lee intum sibu tahadid zede le zidu wa sabab kasara aktar le masleh al mulkia? ²³ Zaman karar melik Artaxerxes kan agarau gidam Rehum, Shimshia, wa suraka tomon, umon masa bara be sura le Urselim wa asuru al Yahud le wogifu abinu. ²⁴ Kida al sokol fogo al bet ta Allah fi Urselim wagaf lahadi al sena nimra itnin ta al hukum ta Darius melik ta Persia.