¹ Huwo kan saba sahar bat al nas ta Israel rija wara le mudun tomon, zaman umon limu sawa ze wahid zol fi urselim. ² Jeshua welet ta Jozadak wa akwana tou al kahana, wa Zerubbbabel weled ta Shealtiel, wa akwana tou gamu fok wa abinu Mazba ta Allah ta Israil le gedim tekdimat mahruk ze huwo yau moktub fi al ganun ta Musa al rajul ta Allah. ³ Baad dak umon asisu al mazba fok hamila tou, leanu kof kan fogo umon ashan al nas ta al ard. Umon gedimu tekdimat mahruk le Yahwa fi sabah wa misa. ⁴ Umon kaman ihtefis al Iktifal ta Sakan ze huwo yau moktub wa gedimu tekdimat mahruk yom bat yom al ahasab le al karar, ai wajib yomi fogo yom tou. ⁵ Al ahasab motlub, hinak kan tekdimat mahruk yomiyan wa sahariyan mara wahid wa tekdimat le kulu al iktifalat kutu ta Yahwa, sawa ma kulu al tekdimat hurirada. ⁶ Umon bada le gedim tekdimat mahruk le Yahwa fi al awel yom ta al sahar saba, hata lo al haikal kan lisa ma abinu. ⁷ Kida umon wodi fida le al umal ta hujar wa nas funun, wa umon wodi akil, mosrub, wa zet le al nas ta Sidon wa Tyre, kida umon biga bi jibu aksab cedar be bahar min Lebanon le Joppa, ze kalifu le umon be Cyrus, melik ta Persia. ⁸ Baad dak fi al sahar itnin ta al itnin senawat bat umon ja le al bet ta Allah fi Urselim, Zerubbabel weled ta Shealtiel, Jeshua welet ta Jozadak, al kahana al tanin, al Lawien, wa delin al ja min abudiya wara le Urselim bada al sokol. Umon wodi al Lawien isirin senawat fi umur wa kubar le ragibu al sokol ta al bet ta Yahwa. ⁹ Jeshua wa awulad tao wa akwanu, wa Kadmiel wa awulad tou, al kan ajial ta Hodaviah), wa al awulad ta Henadad wa awulad tomon wa akwana-kulu min umon kan Lawien-damu sawa fi rigaba ta delin sakalin fogo bet ta Allah. ¹⁰ Al banayin kutu asas le al bet ta Yahwa. De biga sibu al kahana agder le wogif be gumasat tomon ma turumbetat, wa al Lawien, awulad ta Asaph, le sabihu Yahwa ma cymbals, bes ze ida ta Daud, melik ta Israel kan amiru. ¹¹ Umon gana ma tesbih wa tasukurat le Yahwa, ''Huwo yau kuwes! Ahat amana tou le Israil bi geni lelabad.'' Kulu al nas kore bara ma suraqh sedid ta farah fi tesbih ta Yahwa ashan al asas haikal kalas biga kutu. ¹² Lakin ketir ta al kahana, Lawien, wa rais judud, delin al kan kubar wa kan aiynu al awel bet, zaman asas bet de kan kutu gidam uyuun tomon, kore shedid. Lakin ketir nas kan sarikin be farah ma moksut wa sort bahja. ¹³ Ze netija, nas kan ma agder le ferigu al farah wa sort bahja min al sort ta nas bi kore, leanu al nas kan bi kore fok ma farah azim, wa al sort kan asmau min beyit sedid.