Ma azraq, arjwani, wa qrumuzi, huwomon salamahbuk nayim le kidma fi mahal al mukadas. Huwomon amulu jalabia ta mahal al mukadas ze Yahwa amiru Musa. ² Bezalel amulu al alrrada min dahab, azraq, arjwani wa qrumuzi, wa malabis mabraum nayim. ³ Huwomon dugu waraqa ta dahab wa kata huwomon le aslak ashan bi istakal huwomon le azaq, arjwani, wa qrumuzi wa fi malabis al nayim, shokul ta zol al indu mahara. ⁴ Huwomon amulu qita katif le rrada, morboot fi etninzawa tou. ⁵ mahbuk tou al nayim hizam kan ze al rrada; huwo kan salao min qita wahid ma al rrada, amulu min mabrum al nayim al huwo dahab, azraq, arjwani, wa qrumuzi, bes zeYahwa kan amiru Musa. ⁶ Huwomon suneaha al hajat al eaqiq, mugofuul fi dubit ta dahab, majmu ma naqsh ze gok khatim ma asmma ta iyal ta Israel. ⁷ Bezalel kutu huwomon fogo qita ta kitfa ta alrrada ashan bi hajar zikira le iyal ta Israel, ze Yahwa amiru Musa. ⁸ Huwo amulu al alssadra, shokul ta zol al indu mahara, terizu ze alrrada. Huwo amulu min dahab, ta azraq, wa qrumuzi, wa malabis al nayim. ⁹ Huwo kan muraba. Huwomon tawa al alssadra mazduwij. Huwo kan wahid aimtidad wasie. ¹⁰ Huwomon hadidu fi arba ssufuf ta hujar al keima. al suf al awel indu yaqut, hajar kerim, wa al aqia. ¹¹ Al saf al tani indu zamarrid, yaqut azraq, wa almas. ¹² Al saf al talit indu zahra, eaqiq nabbat wa lon arjwani. ¹³ Al saf al rabe indu hajar kerim akdar, wa eaqiq yamani wa yashabb(hajar kerim). Al hujar limu fi nizam ta dahab. ¹⁴ Hinak fi etnashar hujar, wahid le kulu asma del ta iyal ta Israel, kulu naqsh ma isim ta etnashar gabayil. ¹⁵ Fogo alssadra huwomon amulu alssalasil ze hibal, madaffir shoku ta dahab al nedif. ¹⁶ Huwomon amulu etnin dabit min dahab wa etninkhawatim min dahab, wa huwomon roboto al etnin khawatim del ashan le etini zawaya ta alssadra. ¹⁷ Huwomon kutu etnin ssalasil al madaffir ta dahab fi etnin khawatim le zawaya ta alssadra. ¹⁸ Huwomon roboto etnin ssalasil al madaffir al taniin fi nihaya le etnin dabit. uwomon roboto huwomon fi kitfa ta al rrada fi gedam tou ¹⁹ Huowmon amulu khawatim min dahab wa kutu huwomon fogo etnin zawaya al taniin ta al ssadra, fogo hafa al tani le hudud al bi juwa. ²⁰ Huwomon amulu etnin khawatim ta dahab taniin wa roboto huwomon tihit ta etnin qita ta kitfa ta gedam ta alrrada, gerib ma darz fok le mahbuk al nayim hizam ta alrrada. ²¹ Huwmom rubotu alssadra ma khawatim tou le khatim ta al rrada ma habil azraq, ashan huwo bi roboto bes fok gas a mahbuk al nayim ta alrrada. De kan ashan alssadra ma bi kun ma murbot min alrrada. De kan amulu ze Yahwa kan amiru Musa. ²² Bezalel amulu habil le alrrada kulu min gumash al azraq, shokul ta hayik. ²³ Huwo indu fatha fogo ras min us. Al fataha indu mahbukhawili toua ashan huwo ma sheretu. ²⁴ Fogo tihit kanjar, huwomon amulu alrrmman min azraq, arjwani, wa qeit qrumuzi wa malabis al nayim ²⁵ Huwomon amulu ajras min dahab al nedif, wa huwomon kutu al ajras bein ramman kulu hawili fogo tihit hafa ta rada, bein al ramman__jras wa ramman, ²⁶ al jras wa ramman__fogo hafa ta rada le Haron ashan bi kadimu fogo. De kan ze Yahwa kan amiru Musa. ²⁷ Huwomon amulu al kisa min malabis al nayim le Haron wa le iyal tou. ²⁸ Huwomon amulu eamama min malabis, al nayim, al muzkharf eaqal, al malabis al nayim malabis al dakiliya ta kitan al nayim, ²⁹ wa washah ta kitan al nayim wa min azraq, arjwani wa qiet qrumuzi, shokul ta al mutrz . De kan ze Yahwa kan amiru Musa. ³⁰ Huwomon amulu al sahan ta taj al mukadas al min dahab al nedif; huwomon hafura fogo huwo, ze naqsh fok khatim, ''Mukadas le Yahwa. ³¹ ''Huwmon Huwomo roboto fi al eamama habil al azraq fok ta eamama. De kan ze Yahwa kan amiru Musa. ³² Fa al shokul fi al taboot, al khayma ta ijtema, kan kalasu. Nas ta Israel amulu kulu hajat. Huwomon tabe kulu taelimat al Yahwa kan wodi le Musa. ³³ Huwomon jibu al taboot le usa__al khayma wa kulu mueaddat, tou almashabi tou, haykal, alhanat, markaz, wa asasat; ³⁴ al kuta ta jilid ta kuruf al ahmar al masbugh, ³⁵ al kuta ta jilid al nayim, wa al sitara ta dusu al taboot ta shehada, ze amida wa ean ta kaffara. ³⁶ Huwomon jibu al tarabeza, kulu afashat tou, wa al rigif ta huduur, ³⁷ al manara ta dahab al nedif wa masabih tou fi saff ma mulhaqat tou wa zeit ta masabih; ³⁸ al mazbaha al dahabi, al zeit ta mesha wa al bakuur; al halaqat le bab ta taboot; ³⁹ al mazbaha al bronze ma hajiz ta bronze wa amida wa afashat wa hawd al kebir ma asas tou. ⁴⁰ Huwomon jibu al halaqat le saha ma amida tou wa asasat, wa al sitara le saha ta bab; hibal tou ma awtad tou wa kulu mueadda le kidma ta taboot, al khayma ta ijtema. ⁴¹ Huwomon jibu almahbuk al nayim malabis le idma fi mahal al mukadas, al malabis al mukadas le Haron al gesis wa iyal tou, ashan huwomon bi kadimu ze gusos. ⁴² Wahakaza nas ta Israel amulu kulu shokul ze Yahwa kan amiru Musa. ⁴³ Musa fahas kulu shokul, fa huwo ayenu huwomon kan amulu kalas. Ze Yahwa kan amiru, fi teriga de huwomon amulu. Yalla Musa bariku huwomon.