¹ Yalla Yahwa wonusu le Musa, kelimu, ² ''fi awel yom ta shara ta sana jedid inta bi jahizu al taboot, al khayma ta ijtema. ³ Inta bi kutu al taboot ta shehada fogo, wa inta bi ghati al taboot ma sitara. ⁴ Inta bi jibu fi tarabeza wa kutu fogo al hajat al tabe fogo. Yalla inta bi jibu fogo al manara wa kutu fok lamba. ⁵ Inta bi kutu mazbaha min bakuur gedam ta taboot ta shehada, wa inta bi kutu sitara fi bab ta taboot. ⁶ Inta bi mazbaha le haragu zebeha fi gedam ta bab le al taboot, al khyama ta ijtema. ⁷ Inta bi kutu hawd kebir bein al khayma ta ijtema wa al mazbaha wa inta bi kutu moyo fogo. ⁸ Inta bi jahizu saha hawili tou, wa inta bi hligu fok al sitara fi saha ta bab. ⁹ Inta bi shilu zeit ta mesha wa masha al taboot wa kulu hajat al fogo. Inta bi jahizu baeid wa kulu almafrushat tou le ana; yalla huwo bi kun mukadas. Inta bi masha al mazbah le haragu zebeha wa kulu afashat tou. ¹⁰ Inta bi jhizu baeid al mazbaha le ana wa huwo bi kun mukadas le ana. ¹¹ Inta bi masha al hawd al ta bronze wa asas tou wa jahizu baeid le ana. ¹² Intakum bi jibu le Haron wa iyal tou le bab ta khayma ta itema wa intakum bi kasulu huwomon ma moyo. ¹³ Intakum bi kati Haron ma jalabia al kasisu le ana, masha huwo wa kasisu baeid ashan huwo bi kadimu ze gesis. ¹⁴ Intakum bi jibu le iyal tou wa kati huwomon ma sutura. ¹⁵ Intakum bi masha huwmon ze intakum masha abuhat toumon ashan huwomon bi kadimu ana ze gusos. Mesha toumon bi amulu le huwomon kahnut dayim fi kulu jiel ta nas toumon. '' ¹⁶ De yau haja al Musa amulu; huwo tabe kulu al Yahwa kan amiru huwo. Huwo amulu hajat del kulu. ¹⁷ Fa al taboot kan jahizu fok fi awel yom ta awel shar fi sana la tani. ¹⁸ Musa jahzu al tabut, wa huwo kutu hawd tou fi mahal, jahizu haykal tou, roboto qadib tou, wa jahizu amida tou wa markaz tou. ¹⁹ Huwo intashir al kuta fok al aboot wa kutu khayma fogo, ze Yahwa kan amiru huwo. ²⁰ Huwo shilu karar ta itifaqia wa kutu huwomon fi al taboot. Huwo kaman kutu al amida fogo tabut wa kutu al ean ta kaffar fogo. ²¹ Huwo jibu al tabut fi khayma. Huwo jahizu al sitara le huwo ashan bi kati al tabut ta shehada, ze Yahwa al kan amiru huwo. ²² Huwo kutu al tarabeza fi al khayma ta ijtema, fi tija al shamali ta khayma, bara le sitara. ²³ Huwo kutu al rigif fogo ashan fok tarabeza gedam ta Yahwa, ze Yahwa kan amiru huwo. ²⁴ Huwo kutu al manara fi al khayma ta ijtema, fok min al tarabeza, fi tija junub ta khayma. ²⁵ Huwo wala al manara gedma ta Yahwa, ze Yahwa kan amiru huwo. ²⁶ Huwo kutu mazbaha al dahab bakuur fi khayma ta ijtema fi gedam ta sitara. ²⁷ Huwo haragu bakuur fog, ze Yahwa kan amiru huwo. ²⁸ Huwo kutu sitara fi fok ta bab ta khayma. ²⁹ Huwo kutu al mabaha ta haragu zebeha fi bab ta khayma, al khayama ta ijtema. Huwo gedimu fogo zebeha al mahruuk wa zebeha ta hubub, Yahwa kan amiru huwo. ³⁰ Huwo kutu al hawd bein al khayma ta ijtema wa al mazbaha, wa huwo kutu moyo fog le kasulu. ³¹ Musa, Haron, wa iyal tou kasulu edan toumon wa kura toumon fi hawd ³² kullu makan al huwomon ruwa fogo al khayma ta ijtema wa kulla makan huwomon ruwa lahadi fi mazbaha. Huwomon bi kasulu nufus toumon, ze Yahwa kan amiru Musa. ³³ Musa jahizu al saha hawili khayma wa al mazbaha. Huwo jahizu al sitara fi bab ta saha. Fi teriga de, Musa kalasu al shokul. ³⁴ Yalla al sihab kati al khayma ta ijtema, wa mejid ta Yahwa mala khayama. ³⁵ Musa kan ma qader ashan bi dakalu al khayma ta ijtema leanu al sihab kati geni fogo, wa leanu mejid ta Yahwa mala al khayma. ³⁶ Kulla makan sihab kan shilu bara min fok ta khayama, nas ta Israel bi ruwa fi rihila toumon. ³⁷ Lakin kan siha,b ma gum bara min khayma, yalla nas ma bi safar. Huwomon bi geni hata fi yom al bi arufao fok. ³⁸ Leanu sihab ta Yahwa kan fok khayama fi yom, wa nar tou kan fogo fi belel, fi manzar al eadi ta kulu nas ta Israel fi kulu makan ta safar toumon.