¹ Bezalel amulu al mzbaha le haragu zebeha min kasab al sant. Huwo kan kamsa metir tuwil wa kamsa metir wasie wa muraba wa talata metir fok. ² Huwo amulu tamdid ta arba zawaya shikil tou ze tor al indu guruun. Al guruunat del amulu min wahid qita ma mazbaha, wa kati ma bronze. ³ Huwo amulu kulu al mueaddat ta mazbaha__le rumat, majrafa, hawd, laham abu shuk, wa al lujaan Huwo sala del kulu almueaddat del ma bronze. ⁴ Huwo amulu shubak le mazbaha, shabaka min bronze ashan bi kun tihit hafa, fi nus sika tihit le fulata. ⁵ Huwo jada arba khawatim le arba zawaya ta lujan ta bronze, ze sidu ta amida. ⁶ Bezalel amulu amida min kasab al sant wa kati huwomon ma bronze. ⁷ Huwo kutu amida min khawatim fi tijahat ta mazbaha, ashan bi shilu huwo. Huwo amulu al mazbaha fadi, min lawhat. ⁸ Bezalel amulu hawd kebir ta bronze. Huwo amulu al hawd min al maraya al tabe le mara al bi kadimu fi bab ta khayma ta ijtema. ⁹ Huwo kaman amulu saha. Al halagat fogo tija ta junub ta saha kan min malabis al nayim, mia metir tuwil. ¹⁰ Al halagat indu ishiriin amud, ma ishiriin asasat ta bronze. Hinak kan fi sharak morboot fi amud, ze uwad al min fida. ¹¹ Kaman fi tija ta shamal, kan fi hinak halagat mia metir tuwil ma ishiriin amud, ishiriin asasat ta bronze, ¹² Al halagat ta tija al garbi huwomon kamsiin metir, ma ashara amud wa asasat. Al sharak wa uwad ta amud kan min fida. ¹³ Al saha kan kaman kamsiin metir fi tija ta shirik. ¹⁶ Al halagat fi tija al wahid ta bab kan kamistashar metir. Huwomon indu taata amud ma talata asasat. ¹⁵ Fogo tija al tani ta bab ta saha kaman fi halagat kamistashar metir, ma talata amud wa talata asasat. ¹⁴ Kulu al halagat hawili saha kan amulu min malabis al nayim. ¹⁷ Al asasat ta amud kan amulu min bronze. Al sharak wa uwad ta amud kan amulu min fida, wa al kuta ta ras ta amud kan amulu min fida. Kulu saha ta amud kan kati ma fida. ¹⁸ Al sitara al fi saha ta bab kan ishiriin metir. Al sitara kan amulu min azrq, arjuwani wa qrmuzi malabis al nayim, mubrum, wa kan ishiriin metir. Huwo kan ishiriin metir fi tul wa kamsa metir fok, ze sitara ta saha. ¹⁹ Huwo indu arba asasat bronze wa sharak min dahab. Kuta fok ras toumon wa le uwad tou amulu min fida. ²⁰ Kulu al ashara awtad ta taboot wa saha kan amulu min bronze. ²¹ De yau almakhzun ta taboot, al taboot ta amr ta itifaqia, ze ma kan shilu baad talimat al le Musa. Huwo kan shokul ta nas Lawieen tihit tawjihat ta ta Ithamar jena ta Haron al gesis. ²² Bezalel jena ta Uri jena ta Hur, min gabila ta Yahuza, lamulu kulu haja al Yahwa kan amru ma Musa. ²³ Oholiab jena ta Ahisamak, min gabila ta Dna, ishtakal ma Bezalel ze hafaar, ze zol al indu mahara wa ze altraz fi arjwani, wa suuf qrumuzi wa malabis al nayim. ²⁴ Kulu al dahab al kan istamilu le mashrue, fi kulu shokul al morboot ma mahal al mukadas__al dahab min mawja ta zebeha__kan tisa wa ishiriin mawhiba wa 730 shayakal. qisu am mustawaa ta shayakal ta haykal. ²⁵ Al dahab wodi ma majtama wazin tou mia mawhib wa 1,775 shayakal, hasab shayakal ta haykal, ²⁶ aw wahid beka le zol, al huwo nus shayakal qisu min shayakal ta haykal. Raqam de kan wasal fogo asasat ta kulu zol al kan edu fi adad fi ishiriin sena wa akbar sana__603,550 rijal kulu. ²⁷ Mia mawahib ta fida kan jadao le asasat ta mahal al mukadas wa al asasat ta sitara__mia asasat, wahid mawhiba le kulu asas. ²⁸ Ma bagi 1,775 shayakl ta fida, Bezalel sala sharak le amud, kati fok ta amud, wa sala uwad min mhuwomon. ²⁹ Al bronze min zebeha al mawja wazun tou sabayiin mawhib wa 2,400 shayakal. ³⁰ Ma de huwo amulu al asasat le bab al le khayama ta ijtema, al mazbaha ta bronz, shobak ta bronze, kulu al meaddat ta mazbaha, ³¹ al asasat ta saha, al asasat ta sahah ta aba, kulu awtad ta taboot, wa kulu awtad ta saha.