¹ Kulu mujtama ta shaab Israel rahalu min sahra ta sin, humon kan bi dowru wara talimat ta Yahwa humon dugu kema fi Refidim, lakin kan mafi moyo hinak ashan shaab bi asurubu. ² Biga shaab kan bi loumu Musa fi zuruf al humon ligo, “wodi le nina moyo shirab.” Musa kelim, “le intakum bi kore kore le ana? Le intakum bi jeribu Yahwa?” ³ Shaab del kan ashanin kalis, wa kan bi kore kore did Musa. Harun kelim, “le inta talan nina bara min Masir? Ashan inta bi ja ratulu nina ma iyal ta nina sawa ma ganamayat be atash moyo?” ⁴ Musa gum kore le Yahweh, “sunu ana bi amulu be shaab del, biga gerib ashan humon bi falagu ana.” ⁵ Yahweh kelim le Musa, “ruwa fi gidam ta shaab del, wa shilu ma inta shiyur tannin ta Israel. Shilu asaya al inta amiru be bahar, wa amshi. ⁶ Ana bi wogif gidam takum hinak fi hajer fi Horeb, wa inta bi wodi talimat le hajer, moyo bi dofugu min fogo le shaab ashan humon bi asurubu” zede Musa amulu fi safa ta shiuk ta Israel. ⁷ Huwo wodi isim ta mahal dak massah wa meribah ashan shaab ta Israel kan bi kore kore wa ashan humon kan jeribu Rabuna wokit humon kelim ‘sei Yahweh zatu fi ma nina wole la”? ⁸ Wa biga jesk ta Amalik ja hujumu Israel fi Refidim. ⁹ Wa Musa kelim le Joshua, “hazilu le inta shuwiya rujal wa talatakum bara. Shakil takum ma Amalik del bukura ana bi wogif fok ras jebel be asaya ta Allah fi idan tai.” ¹⁰ Kida Joshua shakil ma Amalik ze Musa wori le huwo, wokit Musa, harun wa Hur arkab fok fi ras jebel. ¹¹ Kan Musa bi arfa idan bito fok, Israel bi naja: wa kan huwo bi nezil idan bito kede akudu raha, Amalik bi bada naja. ¹² Wokit biga idan ta Musa tegil, Harun wa Hur jibu hujar wa kutu be tehet ashan bi dugaru idanat del fogo. Fi nefsu wokit, Harun wa zol tani fi safa tani. Biga idanat ta Musa sabitu fok lahadi shemis waga. ¹³ Joshua katulu Amalik wan as bito kulu be sef. ¹⁴ Yahweh kelim le Musa, “katibu de fi kitab wa agarau kede Joshua asuma, ashan ana bi masau zikra ta Amalik min tehet samawat.” ¹⁵ Wa Musa bada abinu Mazbah wa Kutu isim bito “Yahweh nesi” ¹⁶ Huwo kelim, ashan idan kan arfau fok le kursi ta Yahweh- gali yahwa bi shakil ma Amalik min jil le jil.”