¹ Biga Musa wa shaab ta Isreal guna guna de Yahwah. ² Yah yahu guwo yai wa guna tai ³ Yahwah yahu mugatil; ⁴ Howo gada arabat ta Faraon wa jesh ta Faraon fi bahar. ⁵ Tehel batna bahar dufunu homon; ⁶ Yahwah, ida taki al yemin, howo mumjad fi gowa; ⁷ Bi jalala taki al guwi inta agilibu deel al jaa deed inta. ⁸ Bi hawa al shedid al tala min anafa kaki moyo kan rejaa lemu; ⁹ Al adu kelim, gal ana bi durudu, and alagu, ana bi shilu hajat tomon ; ¹⁰ Lakin inta fejer howa taki, wa bahar taki tomon; ¹¹ Munu zi inta, yahwah, min biena rabunat? ¹² Inta jaa bi ida taki al yeminh, ¹³ Bi itifagiya taki al gowi inta gedimu shaab al inta angizu. ¹⁴ Shaab bi asuma, wa homon bi kafu; ¹⁵ Biga shiyokh ta Edom bi kafu, ¹⁶ Khof wa kala bi nizil fugu homon. Ashan guwa ta ashilaa taki, humon be kun waigif ze hajar lahadi nas takin bi ruwa, Yahweh -lahadi nas al inta agkisu be futu. ¹⁷ Inta bi jebu homom wa kutu (zara) homon Jebel werisa taki. ¹⁸ Yahwah bi kun melik illal abad al abadin. ¹⁹ Husanat ta faraon wa fursan wa arabat tuo waga fi bahar. Yahwah rejaa moyo ta bahar fi homon. Lakin shaab ta Israel dawuru min mahal al nashif min nus ta bahar. ²⁰ Mariyam al niebe, akhut ta Haron, shilu gitan, wa kulu nusuwan tala bara ma gitarat tomon. Gi alabu ma mariyam. ²¹ Mariyam guna le homon: gun le Yahwah, ashan howo intesir bi mejed. Husanat wan as al gi sugu howo jada fi bahar. ²² Biga Musa shilu shaab ta Israel le gedam min bahar sut- homon tala bara le sahra ta shur- homom safir le muda talata yom fi sahra wa homom ma ligu moyo. ²³ Biga homon wosulu fi mara, lakin homon ma agdeer asurubu moyo de ashan moyo de kan mur. Ashan keda homon nadi mahal de mara. ²⁴ Biga shaab bada kore kore le Musa wa kelim, hasa nina bi asurubu shunu?” ²⁵ Musa kore le Yahwah, wa Yahwah wori le howo shejera. Musa jada shejera de fi moyo wa moyo de tala helu le shiab. Wa hinak Yahwah wodi le homon ga waniin al guwi, wa hinak yahu howo jeribu homon. ²⁶ Howo kelim, kan intum asuma le Yahwah Rabuna takum kwes, wa intum amulu haja al Sali fi ina tuo, wa intum wodi adana le ir shad at tuo wa amulu kulu gawanin tuo ana ma wodi le intum ayan al ana wodi le nas masiriin ashan ana yahu Yahwah al gi aliju intum.” ²⁷ Biga shaab ta Israel jaa fi Elim, mahal al fugu itnashar khur ta moyo wa sebeyeen shejera ta balah. Homon geni hink jambu moyo.