¹ Biga Yahwa wonusu le musa, gal, ² “kelim le shaab ta Israel kkeli homon rejaa wa nezil gidam Foun hiram biena Magdal wa bahar, gedam baal zifan. Keli hamon nezil le bahar magabil fam hiros. ³ Wa Faraon bi kelim ana shaab ta Israel gal, hamon woduru wag i lifu fi al ardi. Sahra gufulu gidam tomon. ⁴ Ana bi gelba ta Faraon wa howo bi jeree wara hamon. Wa Isim tai bi majedu bi jeree sababta Faraon wa jesh tuo kiulu. Shaab ta masir bi arufu gal ana yahwah.” Biga shaab ta Israel amulu zi kelimu le human. ⁵ Zaman kelimu le melik ta Masir gal shaaba ta Isral kal jeres, muk ta Faraon wa kadamiin tuo a geliba deed shaab ta Israel. Wa human kelim, “de shunu hasa al nina amulu de? Nina shaab ta Israel min kedima ta nina,” ⁶ Hariru biga Faraon Jahizu (arkab) Arabia tuo wa shilu Jesh tuo ma howo ⁷ How shilu sutu miya (600) Arabia wa arabat famiin al fi masir, ma Jesh tuo kulu. ⁸ Yahwah waja gelba ta Faraon, melik ta masir, wa al melik bada turudu shaab ta Israel. Hasa shaab ta Israel tala bara min Masir bi Intisar. ⁹ Lakin masiriin turudu (Jeree wara) Shaab ta Israel ma kulu husanat wa arabat tomon, Fursan wa Jesh tuo. Human alagu shaab ta Israel fi jambu bahar fi fam Hiros, gedam zefun. ¹⁰ Zoman Faroaan wosulu geib, shaab ta Isral Ienu human bada kalag Masiriir kan gi Jaa ma tabor wara human, wa homon kan kafu. Shaab ta Israel bada kore le yahwah. ¹¹ Homon kelim le Musa, de ashan mafi maga bir fi masir Yalu inta je bu nina ashan bi mutu fi sahra? Malu inta amulu nina zi de, inta talal nina bara min masir? ¹² De yahu kalam al nina kelim le inta sibu nina braa, ashan nina bi ishtakal le masiriin. Kan ahsin le nina ashan bi ishtakal le homon min afdal nina bi jaa mutu fi sahra. ¹³ Musa kelim le shaab ta Israel, ma keli intum kafu keli intum wagif gooi wa ienu kalal, al Yahweh bi wodi le intum bi ien homon hasa de tari mana. ¹⁴ Yahwah bi shakil bidal intum, wa intum bes bi ienu Intisar.” ¹⁵ Biga Yahwah kelim le Musa, “leh ya inus inta bi nadi ana bi istimrar? Kelim le shaab ta Israel keli humon ruwa gedam. ¹⁶ Shilu asaya taki, arufa ida taki dugu bahar wa howo bi gesimu illa itniin, yala shaab ta Israel bi niwa min nus ta bahan de lahadi mahal ardi al nashif. ¹⁷ Keli inta arufu gal ana bi keli gelba ta masiriin bi waja ashan homon bi jeree wara homon. Isim Tai bi mejedu bi sabab ta Faraon wa jesh tuo kulu, art tuo, wa fursan tuo. ¹⁸ Biga masiriin bi arufu gal ana yahwah fi zaman al bi mejedu isim Tai bi slabab ta faraon, arabat tuo, wa fursan tuo.” ¹⁹ Malaika ta allah, al ruwa gedam ta rehla ta Israel, harik wa ruwa wara tomon. Amud ta sihab harik min gedam tomon wa rejaa wogit wara tomon. ²⁰ Shihab de jaa wagif biena mahal ta masiriin wa mahal ta shaab ta Israel sihab de kan asuid le nas masiriin, lakin kan gi wala nur beleel le shaab ta Israel, ashan keda itejah tani ma agdeer jaa gerih le nas taniin deel fi leleel kulu. ²¹ Musa awfa ida tuo fok bahar. Yahwah rasulu hawa gowi min sherig fi beleel dak kulu wa gesimu bahar fi nus le mahal nashif. Bi teriga de moyo kan gesimu le itniin. ²² Wa shaab ta Israel bada duwuru fi nus ta bahar mahal al nashif de yemin wa min safa al shamael. ²³ Masiriin turudu homan. Homon dakalu wara homon fi nus ta bahar husanat ta Faraon kulu, arabat, wa Fursan tuo. ²⁴ Lakin fi sabaah- Yahwah gufulu Jesh ta masiriin bi wasat amud ta nar wa shihab. Howo logkabatu masiriin deel. ²⁵ Kora ta arabat tomon big tegeel wa fursan biga gi sugu ma taab. Big masiriin kelim, “keli nina jeree min Israeliin deel, leanu Yahwah gi shakil ma nina ashan homon. ²⁶ Yahwah kelim le Musa, arufa ida taki fok bahar de ashan moyo bi rejaa le nas masiriin, arabat tomon, wa fursan tomon” ²⁷ Biga Musa awufa ida tuo fi bahar, wa moyo rejaa aadi fi mahal tuo fi zama al sabah jaa. Al masiriin jeree le bahar, wa yahwah rasulu homon le nus ta bahar. ²⁸ Moyo de rejaa wa kati arabat ta Faraon, fursan tuo, wa jesh tuo kulu al kan ruwa wara arabat de le bahar. Mafi wahid al naja. ²⁹ Biga, shaab ta Israel duwuro fi mahal nashif fi nus ta bahar. Moyo kan biga zi heta le homon min yemi tomon wa min tomon. ³⁰ Biga fi yom dak shand Yahwah angizu shaab ta Israel min ida ta masiriin wa shaab ta Israel lemu Jusus ta masiriin fi tarat bahar. ³¹ Wokit al shaab ta Israel lenu ida ta yahwah al aziem deed masiriin, shaab bada kafu Yahwah, wa homon kutu sighla fi Yahwah, wa kadam tuo Musa.