¹ Big Yahwah wonusu le Musa, gali, ² Gesimu (Talau) le ana kulu bekiir al rajil, awel begira ta ayi rehim min biena shaab ta maeulud Israel, kan insan aw hiywan. De tai.” ³ Musa wonusu le shaab, “wodi takum yom de le and, yom al intum tala bara min Masir, bara min beled ta abudiya, be ida ta Yahwaah al gowi howo talal intum bara min mahal de ma keli akulu ish al fogu khamira. ⁴ Ti yom de intum be tala bara min masir, fi shahar auiv. ⁵ Kan yahwah jebu intum le ardi al ta kanaaniin, hittitiin, amoratiin, Hiritiin wa Jebusitin, le ardi al howo halifu le Judud takum gal how be wodi le intum. Ardi al bi dufugu lebin wa aseel- bega intum bi abedu howo fi shahar de. ⁶ Keli intum akulu ish bedun kamira le fatra ta saba yom, fi yom al sabi keli amulu ihtifal ashan bi azimu yahwah. ⁷ Keli akulu ish al fetiir de le muda saba yom; ish al fogu khamira keli ma ainu mahalat takum. ⁸ Fi yom dak keli intum kidimle iyal takum, “de ashan haja al Yahwah amulu le nina zaman nina talal bara min Masir. ⁹ De bi Kun zikra le intum, keli kun fi ida takum. Wa zikra fi wasa takum. De yahu ganan ta Yahwah keli geni fi kasma takum, leanu Yahwah tala intum bara min masir be ida al gowi. ¹⁰ Ashan keda lazim keli intum hafisu ganon fi zaman tuo al kelimu min sina le sina . ¹¹ Fi yahwah bi jibu intum le ardi ta Kanaaniin, zi howo waadu ashan bi wodi le intum wa Judud takum, wa kan how wodi ardi de le intum, ¹² Keli intum talau le Yahwah awel bekiir ta ayi rehim. Awel bekiir ta ayi intaj ta hiywanat takum al rujal, de ta Yahwah. ¹³ Ayi bekiir ta humar keli gedimu ma kharuf. Kan intum ma rejaa bieu howo, izan keli ¹⁴ Baden kan jena takum asalu gal: amaana ta haja de ahumu? Biga bi wori le howo, de kan bi wasat ida ta Yahwah al gawi yahu talal bara min Masir, min bet ta aubudiya. ¹⁵ Fi zaman al Faraon al aneed aba ashan bi sibu nina ruwa, Yahwah katulu ayi molud al bekiir fi Masir, kan bekiir ta insan aw bekiir ta hiywan-ashan keda de sarbab ana gedimu le Yahwah awel ayi intaj ta al zakor, lakin and gedimu ayi molud batna tai al bekiir. ¹⁶ Keli de kun zekira fi eda takum, wa fi jabha ta wasa takum, ashan Yahwah ta nina bara min Masir be da tuo al gowi.” ¹⁷ Zaman Faraon sjbu shoab ta Israel tala, allah ma sihilu homon bi sika ta ard ta Falastiniin, raghmi kan ardi al gerib. Ashan kelim, yemkin shaab de bi giru ras tomon(muk) kan homon dakalu fi harib wa homon bi jere wara le Masir. ¹⁸ Ashan keda allah shilu shaab ta Israel le sahra fi itejah ta Bahar suif, biga shaap ta Israel tala bara min ardi ta Masir Jahiziin le kital. ¹⁹ Musa bada shilu ta yosif ma homon, Anshan Yusif wodi iyal ta Israel halifu risme wa kelim gal,” Rabuna hagiga bija-ankizu intum, wa intum keli (lazim udam tai ma intum.” ²⁰ Shaab ta Israel duwuru min sukkos wa amulu cem tomon fi etam fi mahal al sahra. ²¹ Yahwah kan gi ruwa gidam homon bi nahar fi shikil ta sihab ashan bi wani le homon sika-wa beleel fi shikil ta nar ashan bi wodi le homon nur bi teriga de ashan homon bi agdeer safir bi nahur wa beleed. ²² Yahwah ma shilu min gidom ta shaab ta isreal amud ta sihab de be nahar aw amud ta nar de beleel.