¹ Yahwah kelim le musa wa Haron fi ardi ta masir. Gali, ² “le inta , shahan de be kun bedaya ta shuhur, awel shahar fi sina taki, (le inta). ³ Kelim le shaab ta Israel, fi yom ashara min shahar de keli aji zol shilu kharof aw ghanamaya sukier, keli ayi usura amulu keda, le nefsa tuo kharof le kulu bet . ⁴ Kan kharof de kebir le nas al fi bet de, keli nas ta bet de wa jearan toman lemu fi laham ta khorof de aw laham ta ghanamaya de wa be kun kefaya le adad ta nas deel-we be shabaru ayi zol al gi akulu, a shan keda haman lazim be shilu laham al be timu human kulu. ⁵ Kharof de aw ghanamaya de ma keli kun indu ieb, kharof aw ghanamaya abu rajil al indu sina walid, keli intum shilu walid min khorfan aw aghnam ⁶ Keli intum hafisu howo kwes lahadi yom al arbatashar min shahan dak. Biga fi zaman ta ashiya al parara ta shemish al fi ruwa waga kalas, keli shaap ta Israel kulu bada daba hiywanat de. ⁷ Keli intum shilu gazi doom de wa Masa takum ta bob fi itniin itigahat wa fok ta aboab to beut al intum bi akulu laham fogo de. ⁸ Keli intum akulu laham de fi belil dak, keli intum awel hargu laham de fi ras nar. Keli intum akulu hane ma al amulu be dun khamira ma khaddar al mar (shita) keli intum ma, ⁹ Akulu laham de wa fouru fi mayo. Lakin, keli haragu fi harara ta nar ma ras towo, kuraenat wa afaghat to juwa batna. ¹⁰ Ma keli intum sibu ayi bagi lahadi shaba ¹¹ Wa intum bi akulu laham de ma teriga de: keli intum rubutu ghash takum, lebishu gizmat takum fi kura, wa hajat takum fi ideen takum. Keli intum akulu be afashat sura sura- ashan de ied khuruj ta yahawah. ¹² Yahwah yahu kelim de (keda): gali ana ruwa fi ardi ta masir kulu fi lelil wa ana be katulu ayi bekiir ta insan wa hiywan fi ardi ta masir. And be hokum kulu robonat ta masir. Ana yahu Yahwah. ¹³ Doom al intum masau de yahu be kun alama le beut takum kan and jaa. Kan and ainu doom de, ana be sibu intum zaman ana be dagu ardi ta Masir. ¹⁴ Hasa yam de ma be jaa le intum wa katulu intum yom de be kun yom ta zikra le intum demiru. Al intum be wodi zi ganon al intum be hafisu le ihtital lel abad. ¹⁵ Keli intum akulu ish be dun khamira le mudat saba yom. Fi yom al awel intum be tala. Khamira bara min beut takum. Zol al be akulu ish al fugu khamira min Israel. ¹⁶ Keli ihtifal khas le ana, wa fi yom al sabi keli amulu ihtifal tani zi de. Mafi shukul be amulu fi ayom deel, illa rakabu le ayi zol ashan be akidu. De bes yahu shukul al be amulu. ¹⁷ Keli intum hafisu ihtifal ta intum ied al fetiir de ashan and tala intum bara min ardi masir fi yom de. De ashan keda keli intum hafisu yom de fi kulu zaman ta ajiyal ta shaab ta Israel zi ganon elal abad. ¹⁸ Keir intum akulu ishal fetiir min zaman al shemish gi waga fi al yom al arbatashar min shahar al awel fi sina, hata shemish kan waya ta yom al wahid wa isheriin fi shahar. ¹⁹ Fi fatra ta sabaa ayam deel, khamira keli ma lizu fi beut takum zol al be akulu ish al fugu khamira keli gatau bara min mojtama ta Israel. Kan zol de agnebi aw zol al weledu fi ardi takum. ²⁰ Keli intum ma akulu ayi haja al amulu be khamira fi ayi mahal al intum ge geni fagu, lazim keli intum akulu ish al amulu be dun khamira, ²¹ Yala musa nadi nas al kubar ta Israel kulu wa kelim le human, ruwa takum azilu khurfan al be timu ashan be shabanu usura takum wa kharfan al sukar daba takum khataf ta ied ta khuruj. ²² Biga shilu rupta ta gish wa dakalu fi doom al fi kura. Masau doom de fok ta aboab wa itniin itijahat ta aboab ²³ Yala Rabuna bi jaa ruwa min bab takum wa ma bi rudu ashan al katal keli ma bajemu beut takum. ²⁴ Keli intum hafisu haja al hasil de. Ashan de yahu bi kun ganan le intum wa ajiyal takum daiman. ²⁵ Keli intum hafisu nizam ta ibada de, zama kan intum wosulu fi ardi al yahwah bi wodi le intum, ze ma howo waadu le intum. ²⁶ Kan iyal takum asalu intum, maana ta ibada de shunu? ²⁷ Biga intum be kelim gal, de zebiha ta ied al fetiir ta Yahwa, leanu Yahwah maruru min beut ta al aubur shaab ta Israel fi masir Zaman howo hajimu al masiriin huwo hariru beut ta nina! Biga shaab ta Israel dengiri tehet wa abdu Yahwah. ²⁸ Shaab ta Israel ruwa wa amulu nefsa haja al yahwah kan kelim le Musa wa haron. ²⁹ Yahwah hajimu ayi bekiir fi ardi ta masir fi nus ta leel, bada min bekiir ta Faraon al kan gi geni fi arsh tuo, lahadi bekiir ta haris ta sejeen wa ayi bekiir ta hiywan. ³⁰ Faraon gum fok beled-howo, kudu khadamin towo, wa masiriin kulu. Kan fi kore shedid fi masir, leanu kan mafi bet al fogu mutu. ³¹ Faraon nadi Musa wa haron fi leel wa kelim, “gom fok tala bara min nus ta nas tai, inta wan as ta Israel ruwa takum, abedu Yahwah, ze ma intum kelim gali intum dieru amulu. ³² Shilu takum bagarat wa hiywanat takum ana Kaman. ³³ Al masiriin deel kan musta jeliin shedid ashan bi Yurudu homon bana min ardi tomon ashan homon kelim gal, “nina kulu bi mutu. ³⁴ Biga shaab ta Israel shilu ajeen tomon bedun homon bi kutu fufu ayi khamira goruman ta ajeen tomon robuta ma gumash wa arufau fi kitfa tomon. ³⁵ Biga shaab ta Israel amulu ze Musa kelim le homom. Homon asalu min masiriin afashat ta fida, wa afashat ta dahab, wa gumashat. ³⁶ Yahwah wodi niya le masiriin ashan bi sibu shaab ta Israel kun Muksutiin- big Masiriin wodi ayi haja al homon asalu wa bi teriga de, Israeliin serigu min masriin. ³⁷ Shaab ta Israel dauru min ramesis hata sukuth adad tomon kan hawali sutumiya alf Rujal, wa ta iyal ziyada shkieriin. ³⁸ Wa kamon nas ketir mulakh butin ruwa ma homon, sawa ma bagarat wa hiywanat, (gananyat), adad kebiin min hiywanant. ³⁹ Homon rakabu ish bedun khamira ma ajeen al homon jebu min masir ish de bedun khamira ashan homon tala min masir be sura wa homon ma jahizu akill ashan keli homon ma akii. ⁴⁰ Shaap ta Israel ish fi masir le muda urbu miya wa teletiin sina (430) sina. ⁴¹ Fii nihaya ta sinat urbumiya wa teletin 430 sina fii yom dak, kulu mujmuat ta yahwa al musalah tala bara min ardi masir. ⁴² De yahu teel al nas ma bi num, ashan Yahwah gi jaa tala homon bara min ardi ta masir. De kan beleel ta yahwah al bi hafisu ma Shaab ta Israel kulu wa le jiyal tomon kulu. ⁴³ Yahwah kelim le Musa wa Haron, yahu de ganon al intum bi tala ma howo bara: Mafi aginebe bi shariku ma Intum fi akulu ta ead de. ⁴⁴ Lakin ayi kadam ta Israel, beu ma garush, bi agdeer aklu bad kan taharu howo. ⁴⁵ Ajanieb wa kadamin al ajeru, ma keli akulu aui akill. ⁴⁶ Keli akulu akill de fi bet wahid. Ma keli intum shilu ayi laham bara min bet, wa ma keli intum adi ayi adum min adam de. ⁴⁷ Mujtama ta Israel keli hafisu ihtifil de. ⁴⁸ Kan fi ajinebe gi ish ma intum wa jeru ihtifil be ead ta aubur- Khuruj ta yahwah, keli taharu kulu al fi bet tuo. Yala biga howo bi jaa ihtefil. Howo bi kun ahal tuo al rujal zi zol al weledu fi ardi de. Laking mafi zol al ma taharu bi akulu ayi min akill de. ⁴⁹ Nefsu ganon de bi nifizu le nas al asliin (weledu fi bet) wa ajniebe al gi ish bien intum. ⁵⁰ Biga kulu shaab ta Israel amulu be zabt zi yahwah kelim le Musa wa haron. ⁵¹ Wa fi yom dak nefsu Yahwah tala shaab ta Israel bara min ardi Masir bi Mujmuat tuo almusalah.