¹ Odu napi si, Yoana ni Batisimu lukere ri emu le'jo yusi kwesi kwesi Yudea di ni aga,kujoo, ² "Anyiru anya enji, Opi rubu di ire". ³ Adusiku anda ni di mo'di porofeta Isaia a nga jore ga dile nani ga ra rii, kujoo,' Anyede leti Opi di 'ba 'ba, anyede leti anda di kolu anda". ⁴ Yuana 'su 'bongu edele naka naka ni 'bi si rii ongu ''i gamba edele eni si ri opi ge ayo.Linya anda di du umbi pi langu ayi aga ri to. ⁵ Vu nani ga, Yeruzalame ''ba, Judei 'ba borodu, 'ba vu ire ire golo Jurdano di to ri pi voki anda di. ⁶ Anda 'ke 'ba na pi ni batisimu golo Jurdano ni aga aia enji aidi ni ruka to aludu. ⁷ Ki de anda kunde Farizei Sedukia yayadu to kevok iandadi batisimu ge, nga 'jo 'aini,"Anyi ini boro ni bonji, 'adi 'jo anyini anyife anga emure andaga ri ni ga si pi ni ni? ⁸ aAnyi 'a 'oa asilajwa enji luyika to edete re rii Anyira pi anyijo ku anya lele ga,"Amani ata du Abaramu ni 'a'a 'i'. ⁹ Adusiku Rubanga keyi 'bonji Abaramu ni oni di pi ni aga si wa. ¹⁰ Diadu dini sa, 'aba tolu kwe ni zu lele akuga pi ri ni pa ga 'ba 'ba.Kwe alu alu 'oa loso ri ni 'a re ku ri agaa vuru ongu 'abee asi aga. ¹¹ Make batisimu enji ruzo r i'ii si.Ki anda ni emure mani vuga ri zwa ma amba si ra, mate sa ku anda mvuka ni ngire ga. AAnda kemu kuke anyini batisimu Endi Okole ri si onguru asi to. ¹² Anda locokwe vu anya dire ga ri ni luwe zo ca ongu anya ni ekwi anda di luta zo ero aga ri anda ni diga.Ki anda kudu uyukubi na asi ezile pkwe ri si. ¹³ Ti aru Yezu emu Galilea ga si golo lungwele Jurdano ni ga batisimu kore ga Yuani disi/esure ga Yuani di si. ¹⁴ Ki Yuani olu rusa andani lugare ga, ku'joo,"Esu kulee amesu batisimu nyidi si na onguru nyemu ma'di?" ¹⁵ Yezu ai ongu 'jo anda ni,"E'be kederu diadu, adusiku anda tuadu kudu ole ra/kederu ra." Ongu Yuani ai anda ni ra. ¹⁶ Batisimu keka laka a vuga,Yezu enga rere 'ii aga si, ongu nde, rubu awiru anda ni ra.Anda nde Endi Rubanga di kesi vuru amamu ani,eki ri anda ni dige. ¹⁷ Anyinde, uduku enga rubu aga si ku'joo, "Di 'bura madi ma lele ndo rii.Mani asi ibwe anda si