¹ Endi Okole ri zi Yezu ni kwesikwesi aga sitani ni obile. ² Abiri taka odu mudisu ini mudisu to a vuga, abiri edu ko anda ni ra. ³ Anda ni ba obire rii enga emu 'jo laka."De nyi 'bura Rubanga dii, 'jo oni di pi ni kecoruki mugati". ⁴ Ki Yezu 'ai ongu 'jo,"Cwirura,'Modi/'ba olu mugati si adute ku, ki le'jo alu alu efure Rubanga ni tige ri si." ⁵ Vu aru sitani 'zi anda ni tauni okole ri ni aga ongu 'ba anda ni kine kine zo remuzo elegi ga ri ni ga, ⁶ ongu 'jo anda ni,"De nyi 'bura Rubanga di 'i,'de diasi vuru, adusiku cwiru,'anda kuke cara anjeli andadi ni nyini 'ta mbare ga ra, ongu kungiki nyi oru aia di si, dudu anyire nya pa oni ge ku." ⁷ Yezu 'jo anda ni," Idi cwiru ra,'Kulee anyobi Rubanga nya Opi ni ku." ⁸ Vu zi ni ga sa,sitani ngi anda ni be angwa azo ri ni di ge, edu .edete anda ni opi vudige ri borodu yai na pi to. ⁹ Nga 'jo anda ni, "Make nga di pi tuwadu nyini , de aytide vuru anyiru ma ra na 'i." ¹⁰ Yezu nga 'jo anda ni,"'Mu diasi pi, Sitani! adusiku cwiru ra, 'nyiru Opi ni nya Rubanga ni ayo, ongu nye'de ibu te anda ni." ¹¹ Sitani nga 'ebe andani ra, 'nde ooyio, malaika edu evu ekonyiki anda ni ra. ¹² De Yezu eri ako Yuwani ni cwi, edu longwi ogu Galilea aga. ¹³ 'Ebe Nazareti ni ra, nga mu olu Kapernama ga,ire meri ambwugo Galilea di logo Zebulunu pi di Naftali to ri ni ga. ¹⁴ Di ederu le'jo profeta Isaia a 'jole ri ni emuzo anda, ¹⁵ Vu Zebulunu di vu Naftali di meri ge lele rii, Jurdano logu ge, Galilea ni Kafirir,ba di rii! ¹⁶ 'Ba oluba vu mudi aga ri ndeki ingwe anbwugodu ri ra,ongu 'ba riba logo lindi lindi da di ri ni ga ri pi ni dige ingwe efu ra". ¹⁷ Engazo saa nasi, Yezu edo le,jo ngeka, kujoo,"Anyiru anya enji, adusiku opi rubu di esa /emu diadu ire". ¹⁸ Anda a lalire ga meri Galilea di ni tige si, nde adinji eri, Simone ni lungwele Peturu ri 'i pi adozi ni Andiria to, kuyiki voyi meri aga, adusiku ai 'ba ebi oko ba ri 'i.' ¹⁹ Yezu 'jo aini,"Anyevo, anyeko ma vu, memu meco anyin okore ga(ebi ni ole ga)". ²⁰ Mbwesa ebeki aia voi ra, edu koki anda vu. ²¹ Yezu a redire ga anda ga, nde adinji zipi ai eri, Yakobo ni Zebede a ngwa ni ai adozi Yuana to. Esu ai 'ibwo aga aia ata ni Zebede pi to, kobweki aia voi 'i.anda lungwe ai, ²² mbwesa ebeki aia ibwo aia ata to ra,koki anda ni vu 'i ²³ Yezu lamu Galilea aga si tuwadu, nga leni si sinagoga a si, ofu loso opi di ni nge si, ru ni ibewe kere ga lajwa pi jue ovi mbwi mbwi ri ni aga si 'ba lele ga. ²⁴ Ofu anda di atca Siria aga si tuwadu, ongu 'ba ezi andadi 'ba lajwa lajwa ovi mbwi mbwi ri to borodu , 'ba ori to ri pi, 'ba alili to ri pi to. Yezu ebwe aini ru tuwadu ra. ²⁵ laki mundara yayadu oko anda ni vu ni, engazo Galilea ga, Dekapoli ga, Yeruzaleme ga, Yudea ga pi vu Jurdano 'ado ga ri ni ga si.