¹ Yezu ni tika Beteleme ni Judea di ni aga 'a vuga, lele Erode 'a oluzo Opi ri ni nga, 'ba lereniba ra ri pi esaki Yeruzaleme ga, edu ziki, ² "Anda ni tile Opi Judei 'ba di ri inguwa? Amande anda lelego ajire ga, amevo anda ni rure. ³ De Opi Erode kujo anda keri lejo di, asidi na 'ba Yeruzaleme ga ri di to tuwadu mvuru pi. ⁴ Erode emu paderea amba ri pi karania to, ongu zi 'a 'i,"Kristo ni kulee kutiru ingua?" ' ⁵ Joki anda ni,"Beteleme ni Judei di ri ni ga, adusiku di nga profeta a cwile ri 'i, " ⁶ Ki nyi Beteleme ni vu Juda di ni aga rii, nyi ga rere ku amba Juda di ni aga, adusiku amba alu kenga nyidi si ba madi Isaraili di ni leyire ga." ⁷ Erode lungwe 'ba lerenika ra ri pi ciriciri ni anda ni nizo du saa lelego a efuzo bwa bwa ri ingoi ya 'i. ⁸ Edu zwe 'ai Beteleme ga, 'jo,"Anyivo anyindu 'bura ga'angwadu ile losodu.De anyesu anda ni ra, anyezi mani ofu na dudu ma'i sa amaki anda ni rure elegi si. ⁹ Aia lejo Opi di ni erika 'a vuga, koki aia leti, lelego aia ndele ajire ga si ra na laga 'ai ni anda ga, edu ede ole/kare 'bura na laka ri ni ga. ¹⁰ De kujoki ai kunde lelego na, anjiki opkwosi rere. ¹¹ Toruki zuga ongu ndeki 'burangwa di pi ende Maria to.Ngaki 'joki vuru, eduki ruki andani elegi si.Awiki kubegu aidi limi to ri, eduki keki andani mula sure su rii, ngurula ngure limi limi rii,odu ngure via ri to. ¹² Rubanga ecara 'ai orobibi aga okpo okpo, kungwiki erode di ku, disidu voki 'aidi vudige leti zi si. ¹³ Aia ole nani ebeka 'a vuga, malaika Opi di 'edeteru Yozefu ni orobibi ga, 'jo,"Nga oru, 'du 'bura ga'angwa di pi ende to, fe Ejito. Olu na a bwi saa ma 'jozo nyini ri ni nga, adusiku Erode kemu kundu 'bura 'di 'dile ra. ¹⁴ Ini nasi ru, Yozefu nga 'du 'bura ga'angwa na pi ende to, edu mu Ejito. Anda edo olu naa bwi Erode a da ni nga. ¹⁵ Di ebedu le'jo Opi 'a 'jole profeta a ti si ri engwi anda,"Ejito 'aga si malunwge ma'a bura pi." ¹⁶ De Erode ketiri 'ba lereni'ba ra ripi lunjwaki anda ni 'ra, edu anga de rere.Anda swe 'ba Yeruzaleme ga vu ire ire ri ni ga to edu diki bonji kinya sare eri ri pi anda ga ri to kpo kpo.,saa anda ekwile 'ba lereniba ra ri pi di ni vuga si. ¹⁷ Di ebe du le'jo e'jole profeta Jeremia ni tige si ri egaru du ra, ¹⁸ "U'duku eriru rama aga ra, owuka pi asilajwa amgbwugodu ri to,Rakele kowu anda 'bonji si, le andaa ni asi ebweka ka ku, adusiku ai wo iyo. ¹⁹ Erode a da ni vuga, anyinde, anjeli Rubanga di edeteru Yozefu ni orobibi ga ,ku'jo, ²⁰ "Nga oru, 'du bura'angwa di pi ende to edu ngwi Izaraili ni vu ga, adusiku 'ba le'ba ai kudi bura di ra ri pi odaki ra." ²¹ Yozefu nga oru, du bura di pi ende to edu mu Izaraili ni vu ga. ²² Ki de anda keri Arkelao ko opi Judea aga ri 'ata ni tige ni, ori ko anda ni cwi mure ga na a.Rubanga a anda ni 'bi enjire ga orobibi ga a vuga, nga mu logo Galilea di ni ga ²³ nga olu du tauni Nazareta di ni ga.Di 'ebe le'jo profeta di engwi anda, evo alungwe anda ni Nazareti go.