¹ Buku Abi Yezu Kristo di dii, ori Davide 'i, ori Abaramu 'i, ² Abaramu ni Isako a ata 'i, Isako ni Yakobo a ata 'i,, Yakobo ni Juda pi a ata adinjii to ri 'i, ³ Juda ni Perez pi a ata Zera ni Tamara a tile ni ri to ri 'i, Perezi ni Hezeroni a ata 'i, Hezeroni ni Ram a ata ''i. ⁴ Ram ni Amminadabu a ata 'i,Aminadabu ni Nasona a ata 'i,Nasona ni Salmone a ata'i, ⁵ Salmone ni Boaza ni Rahabu a tile ni ri a ata 'i, Boaza ni Obede ni Ruta a tile ni ri a ata 'i Obede ni Yese a ata 'i, ⁶ Yese ni Opi Davide a ata 'i Davide ni Salmone ni Davide a tile Uria a izi to ri a ata 'i. ⁷ Salmone ni Reboamu a ata 'i, Reboamu ni Abia a ata 'i Abia ni Asa a ata 'i , ⁸ Asa ni Yeosapata a ata 'i, Yeosapata ni Joramu a ata 'i, Joramu ni Uzia a abi 'i. ⁹ Uzia ni Yosam a ata 'i Yosam ni Ahaza a ata 'i, Ahaza ni Kijikia a ata 'i, ¹⁰ Kijikia ni Manasi a ata 'i, Manasi ni Amon a ata 'i, Amon ni Yosia a ata 'i, ¹¹ Yosia ni Yokonia a ata adinji pi to rii saa 'ba longwizo Babilonia ga ri si. ¹² Ba longwika Babilonia ga ri a vu ga, Yokonia ni Selatiele a ata'i Selatieleni Zerubabele a 'abi 'i, ¹³ Zerubabel ni Abiudi a ata 'i, abiudi ni Eliakim a ata 'i, Eliakim ni Azoro a ata 'i ¹⁴ Azoro ni Zadoki a ata 'i, Zadoki ni Acimu a ata 'i, Acimu ni Eliudi a ata 'i. ¹⁵ Eliudi ni Eliazari a ata 'i, Eliazari ni Matana a ata 'i, Matana ni Yakobo a ata 'i. ¹⁶ Yakobo ni Yozefu ni Maria ni Yezu ni lungwele Kristo ri ni tire ri a a ago a ata 'i, ¹⁷ Abi borodu engazo Abaramu dibwi Davide di emuru mudi a limbi su, engazo Davide di bwi sa 'ba longwizo Babilonia ga ri ni nga suru mudi a limbi su, engazo saa 'ba longwizo Babilonia ga si ri ni nga bwi Kristu 'di suru mudi a limbi su. ¹⁸ Oti Yezu Kristo di ederu leti di si. Ende, Maria ni esu ejjo Yozefu ni dule, ki adi saki resire ga ago pi izi to kuru du, esu anda ni bura to aga Endi Okole ri ni. ¹⁹ Ki Yezefu ni Maria a ago a oluka 'modi anda ri 'i si,le anda kuke laka dinja 'ba anda ga ku, disidu esu le anda kuga izi ni ciciri ni. ²⁰ Anda nga dini 'a 'a lurarega si, malaika Opi di edeteru anda ni, 'kujo,"Yozefu ori Davide, akori ku Maria ni dure ga nyini izi du, adusiku bura anda kole ,,a ga ile 'bura Endi Okole ri a 'bale ni rii. ²¹ Anda kemu kuti 'bura ago, nyeki nyida runa Yezu 'i adusiku anda kemu kalari 'ba anda 'di enji aga si 'ra". ²² Nga di boro ederu ebezo le'jo Opi 'a 'jole profeta a ti si, ²³ Anyinde,z a'ngwa ago nire gbwu kuru ri kemu kuko 'a ra onguru kemu kuti 'bura 'ago, evo alungwe runa Immanuele'i, ekwi na "Rubanga amato 'i, ri kengwi du anda. ²⁴ Yozefu nga odu ge si, edu ede nga malaika Opi di 'a 'jozo andani ri ani, edu 'du anda ni izi du. ²⁵ Ki esiruki anda to kuru bwi ti 'bura ago na kpwa.Vu nani ga edu da runa Yezu 'i.