¹ Musoro lita’ba enji’ba to esu anda evokii ire yesu a le’jo ni erire. ² Farisei’ba pi’ba cara musa dini leni’ba ri to a’ukii cwi ku’jokii, “mo’di ‘di ka’i enji’ba, pi ongu kunya nga a’ito. ³ ‘Disi yesu ‘be a’ini le’jopakwi ‘di’i, ⁴ A’di ni anya lelega bilo miya olu to, de alu a’ia lelega kelegwe di na, e’be bilo mudi dicalu di dicalu goro aga mualu legwere di ileni ndure ga ku, koo kesuo to? ⁵ De kesu ra, kungie andaa owulokodi ge, asi na i'bwe. ⁶ De kusa ‘boru kulungwe andaa rozi pi ‘ba ire ire andaa to ri to kare alu ga, pi ku’joo a’ini, ‘anya asi kolu i'bwe mato kare alu ga, a’dusiku mesu bilo madi legwere di ri ra. ⁷ Andaa anis a ma’joo anyini, anjoanjo kumu kolu nja ru’buge mo’di alu enjire a asi lufuka si, kugwa ‘ba loso mudi dicalu di dicalu asi lufuka leru a’ini ku ile ra. ⁸ “Deku izi ingo’i de girisi andaa di alu na kelegwe di, mu du lamba ku we zo ni a tuwadu ku pi ndu girisi ile ku ko kesuo to rii? ⁹ De kesu girisi ile ra, kulungwe andaa rozi ‘ba ire ire andaa to ri to ku’joo a’ini, ‘anya asi kolu i'bwe mato kare alu ga, a’dusiku mesu maa girisi legwere di ri ra.’ ¹⁰ Andaa ani saa ma’joo anyini, anjoanjo kumu kolu nja malaika Rubanga di ni andaga mo’di enjire alu ri a asi lufuka si.” ¹¹ Ongu andaa ku’jo a’ini, “anda ago zi aa ‘boronji ago ri to. ¹² Gaga ri ‘jo ataa ni, ‘mata, eke mani limi madi lele ri. ‘Ataa lapi limi andaa di a’ia lelega. ¹³ O’di ga a vuga, yayigo gaga ile emu andaa nga tuwadu, mu pi vu lolu ge; e’do andaa limi ni enjika ovi lidi injwi injwi ri si. ¹⁴ De andaa limi koloko tuwadu ra, abiri gumberegumbere e’de vu ile nig a, yayigo ile e’do recandika opko si. ¹⁵ Nga wuru ago zi vu ileni ga ri di, ago ile zwe andaa ni rabala leyire. ¹⁶ Andaa kura andaa ‘a ni egaka nga ni o’bo rabala a nyale ile si; mo’di zi alu sa iyo andaa ni onya kare na ‘i. ¹⁷ De andaa kura le’jo ni ‘a andaa nga si, ‘jo, ‘i'bu’ba mataa di si kunyakii onya kpeke’bekii to, ti male mecandiru abiri si ‘dia. ¹⁸ Manga, mangwi mataa di, mamu ma’joo laka, “mata, menji ra ‘bu andaga nyaa andaga to; ¹⁹ Mesiku lungwele nyaa ngwa ‘i; e’be amalu mo’di alu i'bu’ba nyidi di pi a lelega na ani.” ²⁰ Andaa nga mu ataa di. Ti de adi andaa olulolu, ataa nde andaa ni. Kiza ko andaa ni cwi andaa ru ge, fe amvo embe na, nju elemvu na. ²¹ Ngwa’jo andaa ni, ‘mata, menji ra ‘bu andaga pi nyaa andago to, diadu mate ku lungwele nyaa ‘buva ‘i. ²² Ti ata ku’jo i’bu’ba ni, anyezi jelebiya u’di lagare pi ri ezeze, anyisu ruaru; anyisu langiti andaa diangwa ga, pi mvuko andaa pa ga. ²³ Anyezi ti kaju swere de na saa anyili, dudu akonyarukii, akolu asi i'bwe to; ²⁴ Adusiku ‘bura madi ‘di anda da ra, diadu andaa ni lidi, ada legwedi, diadu esuru ra. E’doki ranjoka ²⁵ Esu andaa ngwa ni amba ri amvu a ga, andaa engwire ga de kesa ire ‘bato, eri longo latu latu to. ²⁶ Lungwe mo’di alu i'bu’ba lelega, zi andaa ni, a’du ni nga kederu ‘dia ni? ²⁷ I’bure ile longwi andaa ni ku’jo, nya adozi ni wo engwira nyata li ti kaju swere de ri, a’dusiku andaa a’i andaani ru na i'bwe pi lidi. ²⁸ Ti angala ko ‘bura amba ile cwi, garutoka ‘boru imgbe. Ata ekwi laange lutati laka, ²⁹ Ti andaa aka ataa ni ku’jo, nde, mede i’bu kinya karako laga’ba ‘di ni aga, e’doru furu eze maga nyaa cara kuru, ti nyike mani indi angwa isa ri saa kuru e’bedu amalanjoru du maa rozi to. ³⁰ Ti nyaa ngwa ni di nyaa limi ni enjire uku bate ri to ri de kemu ni nyidi laka ti kaju swere de rii ! ³¹ Ata aka ti na kujo, ‘maa ngwa, nyi o’du tuwa nyolu mato, nga madi tuwadu nyaa ‘i. ³² Kulee akunyaki nga akolu anjo to, a’dusiku nya adozi ni ‘di anda dara, diadu andaa ni lidi, anda legwedi, diadu esura.