¹ Yesu ‘jo ‘ba andaa vu ni oko’ba ri ni ku’jo, “anda ezekoronigo zi aa mo’di andaa nga nit a mbare ri to. ‘Ba esiki mo’di ‘di andaa di a’jo kenji andaa nga nya nya du. ² Andaa lungwe ago ile pi zi andaa ni, “di a’du maa erile nyaa ruge rii? Ezi mani weli nga madi nyaa zule ri, a’dusiku diadu nyate oluka mo’di ma nga ni ta mbare du ku ³ Mo’di andaa di nga ni ta mbare ile ra aa ni, ‘mamu mede a’du? Adusiku ma ambale man maningele i'bu nga ni tambazo ri ni ga si pi. Ma mori ako losi sore ga, ongu dinja kuko mako nga a’ire ga ‘ba ga si. ⁴ Mani nga medee ri ra, de ado ma pi i'bu nga ni to mbazo ri ni ga si dudu ‘ba ka’i ma a’idi zo ga si. ⁵ Andaa lungwe ‘ba mori ko’ba andaa amba di si ri alu alu, ‘jo mo’di ate ri ni, mori ma amba di si nyidi? ⁶ Andaa aka ku’jo, o’du zeituni di kate ku’do miya alu, andaa ‘jo laka, ‘du nyaa waraga mori di pi ri vuru ezeze, cwi mudi tou. ⁷ Ongu andaa zi mo’di zi ri ni ku’jo, nyile nyaa mori si? Andaa aka ku’jo, Gemia kate kila miya alu. Ku’jo andaani, e’du nyaa waraga mori di cwi mudi aro ⁸ Amba ile an’jo mo’di nga nit a mbare egeni lekpe ile opkosi, a’dusiku andaa oluka ciri to si, a’dusiku ‘ba vu ‘di di a’i ciri a’ia lelega zwa ‘ba olu’ba ingwe aga ri ra. ⁹ Maa’joo anyini, anyiko rozi’ba to anye’bu limi auda ku ‘di ‘i, dudu de kumu koloko ra, aka’i du anyi kare olure ta du ri ni ga. ¹⁰ Mo’di egenile wa nga gaangwadu ri ni ga, kumu kolu engenile pke nga gaangwadu ri ni ga ri avo egenile pke nga nja ri ni ga. ¹¹ De andaa anyolu ‘ba egenile kpe rii limi anda ku ri ni ga, a’di kumu kuke anyini koroni gba ri ni? ¹² De anda anyolu ‘ba egenile kpe ri mo’di zi a nga ni ga, a’di kumu kuke anyini nga anyidi gba ri ni? ¹³ Mo’di zi iyo i'bu edere opi ri to, a’dusiku kumu kuga mo’di alu imgbe, kule azika ri’i, kusa kumu kelebi mo’di alu ruge, kede mo’di azika ri ra. Nyate ku i'bu edeka Rubanga to ongu limi to sa. ¹⁴ Farisei’ba limi leka ndoile eri le’jo ‘dipi tuwadu, ti edeki andaa ni ra. ¹⁵ Ti yesu ku’jo a’ini, anyi ‘ba anya anda ni ete’de’ba ‘ba andaga rii, ti Rubanga ni anya asi ra; a’dusiku nga ‘ba a ecule ri Rubanaga kevua. ¹⁶ Cara nebia to ede i'bu esako saa yoane ni’ba ebatiza re ri di, e’doru andaa di ange ofu loso keri Rubanga di a ruge, ‘ba tuwadu kutoru laka mori si ¹⁷ Ti kolu epe ru’bu ni vuto lokozo kuzwa nukuta alu cara di ni renjizo. ¹⁸ Mo’di andaa izi nig a imgbe ongu ‘du zi na ‘i ri ede asa ra, ongu mo’di izi ago a gale imgbe ri ni ‘du re ri saa ede asa ra. ¹⁹ Anda ago zi aa koronigo, kulusu bongu sure su rii, pi jelebiya bongu lariri dii, ongu kunya onya weli oru rii o’du tuwa. ²⁰ Candirego zi kulularu andaa di koti ge, ru nalazero ‘i, runa eco tuwa bi, ²¹ Ana kulura ga ka onya ni fufu jore koronigo ile di meja pa ga risi; oke saa esu kevo kulumbe andaa bi ni mi. ²² De candirego ile kuda ra, malaika ngikii zii kii Iburaim aga ga. Koronigo ile saa da ra ti esi andaa ni vuru. ²³ Ngi mi oru ‘budi aga si icandi to, nde Iburaimu ni lolu lazero atiru aga na ni ga. ²⁴ Jwa ku’jo, mata Iburaimu, ede mani kize, ezwo lazero ni kesu andaa di angwa iyi aga, kemu ku’ba maa leda ga ke’bwe du, adusiku maa ru kalajwa ‘dia ndu ku asi ‘di ni aga. ²⁵ Ti Iburaimu aka andaani ku’jo, maa ngwa, era adi, saa nyaa lidi di ni ga ake nyini nga loso loso rii, ongu lazero ni ake nga injwi injwi rii, ti diadu ‘dia e’bwe asi na ra, nyidi nyi lajero to. ²⁶ Ongu saa le’jo dipi ni aga si tuwadu, ama lelega anyito a’ba gulukutu ali, e’bedu de’bazi le lagale amadi ‘dia simuzo anyidi ile’dia katedu ku, e’bedu mo’di zi saa kalali ku engazo anyidi ile’dia si emuzo amadi ‘dia. ²⁷ Ku’jo laka, ‘diadu ma’i nyi, mata, zwe andaa ni mata di zoga, ²⁸ A’dusiku ma adiinji tou to, e’be andaa kumu kunge a’ini, e’bedu kevokii kare icandi di ‘di ni ga ku. ²⁹ Ti Iburaimu longwi laka, a’i aa musa pito nebia to, kerikii a’I 'i. ³⁰ Andaa ku’jo, ‘iyo, mata Iburaimu, de mo’di zi ‘ba dare ra ri a lelega kumu a’idi, kuvo kecokii asi ra. ³¹ Iburaimu ‘jo andaa ni, de erikii lejo musa pi di nebia to ku, kesu mo’di zi kunya ‘ba odare ra ri ni aga si saa a’ikii lurufuka ku.