¹ O’du zi alu sabatu di s’u de yesu mu onyaga am’ba fariseigo zi ‘di zoga, rikii andaa ti ni rwere opkosi, ² Esu aa naa ago zi lajwa luplupi di to. ³ Yesu zi a’i cara musa di ni lemi’ba farisei’ba to ku’jo, cara ka’iye a’jo akadi ‘ba itu sabatu di si de iyo? ⁴ Ti a’i tuwadu dikii ciri. Yesu ko lajware ile adi ra, pi ecara andaa ni kumu andaa nga. ⁵ Zi a’iku’jo, “adi ni anya lelega andaa kaiuo, kusa ti monigo to, de ku’de ‘ba ali ri ni aga iru sabatu di si enge langwe pi ku rii. ⁶ Ongu le’jo ‘disi andaa zwa a’ira. ⁷ De andaa kunde ‘ba lungwelo omu ri kovukii kare kusa komi rongo rongo (loso loso) ri, andaa ‘be a’nini le’jo pakwi ku’jo, ⁸ “De alungwe lari anyadi alidi ni ga, mu ri kare oru ri ni ga ku, nasi naa alungwe mo’di zi amba nyini zware ra na ra. ⁹ Ti mo’di anyini lungwere erito tuwa kemu ku’joo nyini, ‘ebe kare ‘de mo’di ni. Nyimu nyingwi kare vuru ri ni ga dunja amgbu to. ¹⁰ Ti de alungwe nyi ra, mu ri komi vuru ri ni ga, e’be de mo’di nyini lungwere ri kemu ra, kumu ku’joo nyini, “maa rozi, ezwru komi rou ri ni ga, nyimu nyolu yayi to ‘ba tuwadu ori’ba nyito onyaga ile a andaga. ¹¹ A’dusiku mo’di ru’bare amba ga andaa nga si ri avo alonwia vuru, mo’di ru’bare andaa nga si vuru ri avo ake andaani amba. ¹² Ongu andaa ku’jo mo’di andaa ni lungwere ileni, “de nyulungwe ‘ba onya itu asi ri ni ga, kusa onya undwe ri ni ga, lungwete nyaa rozi, kusa nyaa adiinji, kusa nyaa o’di, kusa koroni olu’ba ire nyito rii, e’bedu a’i saa kulungwe ni ti. ¹³ Lokwe nyidi kuma kolu saa ‘ba ovi a’idi anda ri a enjinga da a si ri ninga. ¹⁴ Ongu anyivo anyesu anda loso ra, a’dusiku atekii ku anyini lokwere ga, Avo alokwe anyi o’duni ‘ba anda ri a enjinga da asi. ¹⁵ de mo’di alu rire andaa to onya ti ge na eri le’jo ‘de, kujo, “andaa ni anda loso to mo’di mure onya nyare keri Rubanga di ni ga rii ! ¹⁶ Ti yesu aka laka ku’jo, ago zi andaa ‘di onya nja, lungwe laka ‘ba karako. ¹⁷ De saa lunya di kate ra, andaa zwe i'bu’ba andaa di ‘ba lungwele ilepi a di ni era si a’jo, “anywo, adusiku ede nga tuwadu ra. ¹⁸ Ti a’i tuwadu ku’jokii akede a’ini kiza, a’dusiku a’i ate evoka ku. Mo’di atizo ri ku’jo, “mage amvu u’di, male mule ndere na ni ga, ma’i nyi ede mani kiza. ¹⁹ Mo’di rizo ri ku’jo, “mage ti losi di mudi, mamu a’ini ndere, ma’i nyi, ede mani giza? ²⁰ Mo’di zi ri ku’jo, adi ma’du izi u’di, ‘disi mate emuka ku. ²¹ Mo’di i'bure ile ngwi vule’jo andaa amba ni ileni. Angako zo ni ata cwi, ku’jo, “mu eze leti kalacwi ga si, pi ‘ba lele ga si, eta ‘ba candi ‘ba, ‘ba pa ako ri, ‘ba mi ako ri pi ‘ba lucwa’ba lucwa ri to. ²² Mo’di i’bure ile ku’jo, ‘amba, amide nga nyaa ‘jole ri ra, ti kare adi alu aa. ²³ Amba ‘jo i’bure ile ni, mu leti epka pi ciri ciri ri nig a si, lungwe ‘ba mori si, dudu maa zo kuga de ²⁴ A’dusiku majoo anyi ni, “mo’di zi iyo ‘ba maa lungwele ileni aga mure onya modi ni ‘bire na’i. ²⁵ Laki ‘ba di karako lawekii yesu to, ti yesu lufru’jo a’ini, ²⁶ De mo’di zi emu madi, ti ga ataa ni endeto, andaa izi ‘boujito, andaa adiinji avunji to, ko andaa lidi to imgbe kuru, ate ku olure ga mo’di mani vu okore rii. ²⁷ Mo’di andaa kuruce ni ngire pi mani vu okore ku ri, ate oluka mo’di mani vu okore rii du ku. ²⁸ a’dusiku a’di ni anya lelega, de le zo di oru ri ni sile, adi ri vuru pa ku weli limi rulere zo ile ni sizo ri ni emure ga, de andaa kate zo ile ni sika ekoka na to tuwawa ni’i? ²⁹ de ileni ku, andaa kumu ke’do zo ni pa ari to, ti ekoka na kuzwaa ra, ‘ba tuwadu zo ile ni nde’ba ri kuvo kugu andaa ni ku’jooki ³⁰ “mo’di ‘di e’do zo sika, ti ekoka na zwa andaa ni ra. ³¹ Deku opi ingo ‘i mure o’ja engare opi regi zi to, adi ri vuru pa ku le’o amare ga, de andaa kate ‘ba alifu mudi ‘jare ga wa ‘ba alifu mudiri to na’i? ³² De ileni ku, andaa kuzwe ofu opi aka nani adi olu lolu du, dudu a’i kuma rerile andaa to ibwe si. ³³ Ileni saa anya lelega, de mo’di kazi nga andaa di tuwadu raku, ate ku aluka mo’di maa vu ni okore ri ‘i.” ³⁴ A’i loso, ti de a’ini loso ku’e iyo na, avo alonguia loso idi ingoni? ³⁵ Andaa ecoru wo injwi inga ni kesu cucuri ni saa’i. rari awaa pi. Mo’di bi to le’jo erizo ri kulee keri.