¹ Saa ilesi, esu’ba zi kunge andaa ni le’jo Galilaya’ba anda pilato a eri a’idi ni ocwa eri lazi di a’i a zile kaci ga rita ri a ruge. ² Andaa aka a’i ni ku’jo, anyiraa galilaya’ba ile a’i enji’ba zwa Galilaya’ba zi’ba ri tuwadu e’be ndekii icandi ovi ileni ile’i? ³ Ma’joo anyini, iyo, ileni ku, ti de anyi saa anyeco asi ku, anyivo anyoda ileni ⁴ Deku saa ‘ba mudi a libi aro anda zo azo ngure a’i a dige ‘di a’i ra siloam ga ri anyiraa edeki enji zwa’ba oluka Jerusalem ga ri ra? ⁵ Majoo anyini, iyo, ti anyisaa de anyeco asi ku anyi tuwadu anyivo anyida ile ani. ⁶ Yesu ‘be le’jopa ku’jo, ago zi anda su kwe ulukuyu di andaa vivo ni amvu aga. Andaa emu o’a na ni ndure, ti esu kuru. ⁷ Andaa ku’jo mo’di losi sore ri ni, “nde, diadu malawe ‘dia kinya na ulukuya ‘di ni o’a ndure, mesuku, ga vuru, kenji inga isa a’dusi? ⁸ Mo’di losi lore ile loagwi laka, ‘amba, e’be adi kalu kinya ‘di si, mamu mede pa na loso ma’ba ti ni ize ‘o’ui re to ri laka. ⁹ De ku’a kinya emure ri sir a loso, ti de iyo nyimu nyigaa vuru wa.” ¹⁰ Anda esu yesu keleni ‘ba zo elegy di nig a o’du sabatu di si. ¹¹ Esu izi zi laka ile’dia ceni ‘ba lajwa run a nig a kinya mudia limbi aro; out andaa ni cwi kejoru anda pke ¹² De yesu kunde andaa ni, lungwe andaa ni ku’jo laka, “izi, ayu nyi ra nyaa lajwa nig a si.” ¹³ ‘ba dir u na ni ga; mgbesa izi ile eduru anda, e’do Rubanga ni ecuka. ¹⁴ Ti amba elegy ni zo iledi anga de yesu a mo’di adika o’du sabatu di si si. Andaa ‘jo ‘bani laki ile ni, ‘o’du azia aa ‘bani i'bu edezo, anyevo o’du ilepi ni aga dudu akadi anyi, o’du sabatu di si ku.” ¹⁵ Opi aka andaa ni ku’jo, “anyi ‘ba ‘ba lunjwa ‘ba rii ! mo’di alu alu anya lelega si otwi andaa monigo kusa kaino ku pi zi onyare pi iyi mvurega itu sabatu di si ku? ¹⁶ Izi ‘di Iburaim a zwa ‘i, sitani ombe kinya mudi a limbi aro gogodu, dubasi le akayu andaa ni ku lajwa ‘di ni ga si itu sabatu di si?” ¹⁷ De yesu ku’jo le’jo ‘dii dinja ko avi’ba andaa di tuadu cwi, laki’ba di tuwadu asi na pi evo ‘i'bwe yayi di tuadu andaa edele ri si. ¹⁸ ‘di si andaa ku’jo, “keri Rubanga di o’bie a’duto? Mamu mo’bie a’du si? ¹⁹ Viru vi ori kwe karadali di to; mo’di zi ‘dule pi yile andaa di amuvu aga ri ani; ti bweile kumba kecoru kwe amgbu go du, ariinji kevo kusi a’ia zo du na nig a a ri ani. ²⁰ Ongu andaa ku’jo, “mamu mo’bi keri Rubanga di a’du to? ²¹ Viru vi akukwe izi zi a ‘dule ocwale irafu mugati di to evo na aga, sa ko irafu ile anga api de.” ²² Yesu enjaru andaa laweka to e’i rongo ri ni ga pi ciri ri ni gato, keleni ‘ba pi ‘ba asi muzo Jerusalem ga lele. ²³ Mo’di zi alu zi andani, “ba ga angwadu ri vo kalairu ni ya?” “yesu ku’jo a’ini ²⁴ “anyita asi opkosi, dudu anyitoru kotimi ‘biri ri si, a’dusiku ma’joo anyini, ‘ba karako vo ko’bi rutoka, ti vo ateki ku, ²⁵ De zo ni ata kunga oru kala’ba kotimi cwi, anyivo anyede laangwe, anyipa kotimi kotimi anyijoo, “amba awi amani kotimi ! andaa kumu kaka anyini, mami kare anya engare ga si ri ku. ²⁶ Ti anyi’joo, anda ama nya nga pi amamvu ga nyito kare alu ga, ongu saa nyaleni nga amadi ‘boru ra ²⁷ Ti andaa kumu ku’joo anyini, ‘ma’joo anyini, mani kare anya engare ga si ri ku, anyinga maa andaga si pi, anyi ‘ba nga injwi injwi ri ni ede’ba ayo rii. ²⁸ Kare na ni aga anyivo anyowu pi anyulunya anya si de anyinde Iburaimu pi loaka to yakobo ni laka nebia tuwadu to keri Rubanga di ni ga, ti anyi avo awa anyi pi laagwe. ²⁹ ‘ba kuvo kenga itu a efurega asi pi itu a ‘dere ga si, pidi legi ge lele si pi di anda ga lele si, kuvo kurikii vuru onya ga keri Rubanga di ni ga. ³⁰ Nde, ‘ba ziba vule ri vo kolu’ba ati ri ‘i, ongu ‘ba ati ri pi vo kolu’ba vule ri’i.” ³¹ Saa ile si farisei ‘ba zibaa evokii ‘jokii yesu ni, “nga ‘dia si pi, a’dusiku kerode le nyini ‘dile” ³² Yesu aka a’ini ku’jo, “anyivo anyi’jo uba na ni, ‘nde, mamu mado ceni injwi ri pi mamu madi ‘ba andu pi o’bu to, o’du nazo ri si mamu mekoo du ³³ De kesu ileni saa, kulee amenjaru manga maa awe to, andu pi o’fu pi o’burezi, a’dusiku nebigo zi dare laangwe Jerusalemu ga si na iyo. ³⁴ Jerusalemu, Jerusalemu, nyi nebia lu’dire rii, nyulwi’ba ezwele nyi di ri oni si, vu si male maata nyaa ‘borouji ovoga ‘a’u ende andaa ‘boronji ni tazo andaa ovo ni ga ri ami, ti anyile anyanga ku ! ³⁵ Nde, diadu azi anya zo ra anyini. Ma’joo anyini a’jo, anyivo anyinde ma ku kusa ko saa anya vojo’jozo, “akanjo mo’di emure opi a ru si ri ni nga.”