¹ Saa ilesi laki ‘badi karako emurukii kare alu ga, kapirukii a’ia’ini. Yesu e’do’jokana andaa maju ni, “anyebuka ru akukwe farisei’ba di nig a si, andaani lunjwa lunjwa. ² Nga zi iyo akule ndi avo awi kare ingwe ga ku na’i, kesu nga zule di avo aniku na’i. ³ Le’jo tuwadu anya le’jole vu ini aga ri kumu kunivu ra vu ingwe aga; ongu nga tuwadu anya lutale vuru vuru ri avo angee zo dige oru. ⁴ Maa rozi, ma’joo anyini, anyori ‘ba tuwadu, ru dire ri ku, ti atekii ku nga zini ederega ‘dia vuga. ⁵ Ti mamu me’dete anyini mo’di dubasi anyori ri ra; anyori mo’di de ku’di ra onguandaa ni opkoto to wa re ga Geena (asi olure ta du ri ni) aga ri’i, dini, ma’joo, anyori andaa’i. ⁶ Gwiligwili tou alezie girisi mudi eri si ku? Ti Rubanga nidi reru alu na si ku ⁷ Kesu anya di’bi tuwa du rii saa ala welina ra. Anyoriku, a’dusiku anya le’jo amgba zwa gwiligwili karako ra. ⁸ Ma’joo anyini mo’di ru ni ngere ‘ba andaga ri, ori modi’I saa kumu kunge run a malaika Rubanga di ni andaga ⁹ Ti mo’di mani gare ‘ba anda ga ri saa avo aga andaa ni malaika Rubanga di ni anda ga. ¹⁰ Mo’di le’jo inywi ri ni ‘jore ori mo’di ni ruge ri avo e’be en’ji na ra, ti mo’di endi Rubanga di ni ‘da re ri avo e’be enjo maku. ¹¹ Deazi anyi vura anda ga pi opi ‘ba amba to anda ga, anyulura nga anya vole jole ri ku, ku saa anyini vole akale a’ini ri ku, deku anyi ni vole ‘jole ri ku. ¹² A’dusiku endi ole kumu kelemi anyini saa ilesi le’jo anyi ni ‘jole ri ra. ¹³ Mo’di alu laki lele ga ‘jo yesu ni, “Laponyi, ‘jo madozi ni e’be amalapi nga ama ataa e’bele amani ri andaa to” ¹⁴ Ti yesu aka tina ku’jo, “egori a’di ‘ba ma le’jo lalire ga pi nga lapire ga anya lele ga? ¹⁵ Andaa ku’jo a’ini, “anyinde, anyekukaru limi lurare ga, adusiku mo’di ni lidi ede limi karako anda di ri (a dige) ku ¹⁶ ‘Be a’ini le’jo ni pakevi ‘di ku’jo, anda koroni go zi alu amvu na eka onya opkosi ¹⁷ Ego ile zi andaa ni andaa nga si a’dule a’dule ni ku’jo, mamu mede a’du, a’dusiku mani kare iyo mani anya ‘bare ga? ¹⁸ Ra ku’jo mamu medee ‘dini, moki mare ero madi ‘di pi tuwadu, ongu mamu mede zi’ba rongo ‘di pi ni zware ra ri pi, mamu macu anya madi tuwadu pi mata okazo madi tuwadu laka ¹⁹ Mamu ma’joo maa aside ni, asi, nyi nga karako to nyini atere kinya karako ri ni aga; kovu, nya nga mvu nga, olu anjo anjo to. ²⁰ Ti Rubanga’jo andaa ni, “nyi maamali, ini andu ‘di si avo a’du nyaa lidi pi nyidi si; nga nyaa edele ‘dipi vo kolu a’di di’i?” ²¹ Viru vi andaani, mo’di limi zure andaa ni papala ri limi ako Rubanga di.” ²² Yesu ku’jo andaa maju ni, “disi ma’joo anyini, anyulura nga karako ku anya lidi si a’jo amavo amanya a’du, kusa anya ru si a’jo, amavo amaser a’du. ²³ A’dusiku lidi ni amgbu zwa lonya ra, ru saa ta na amgbu zwa nga sule ru ge ri ra. ²⁴ Adi anyinde kuro; yikii ori ku, ongu saa lwakii anya ku, a’i goka ako pi ero ako, ti Rubanga keto a’i. anyata amgbu zwa ariinji kuru? ²⁵ A’di ni anya lelega atere kinya alu enjare ga andaa lidi ni ga lura lura karako si ri’i? ²⁶ De anyate nga gaangwadu ‘di ni edeka ku, a’dusi anyolu lura lura karako to le’jo zi’ba ri pi si? ²⁷ Adi anyira le’jo lenga mondiga ri a ruge, pi ovi a’i a mbazo ri a ruge; pi ki uziku ongu saa ‘bwekii bongu bu, ti menjaru’joka na to anyini, kesu anda sulumani kulusuru andaa yayi ni nga saa, lusuru zwa alu na a’i a lele nig a si kuru. ²⁸ De Rubanga kulusu ayi mondi aga ri ileni, olure andu papala, o’burezi awaa ati aga ri’i, andaa ate anyini lusuka zwa a’i pi ku, anyi ‘ba a’i toro ri pi? ²⁹ Anyindu nga anyini vole nyale ri ku, kusaa nga anyini vole mvule ri ku; anya asi kolu le’jo karako lurare ga ku. ³⁰ Adusiku ‘ba vudi ge tuwadu ri kundukii nga ‘dipi; anya ata ni ru’buge ri ni a’jo anyile nga ‘di pi ra. ³¹ Ti lagare pi ri’I anyita asi andaa keri ni rug e, ke’be nga ‘dipi tuwadu avo enjaa anyini ra. Limi zule ru’buge ri’i. ³² Onyori ku, anyi ‘bilo gaangwadu ri, a’dusilku anya ata le opko si keri kele anyini ra ³³ Anyezi anya okozo, anyeloko du candi ‘ba, anyiso kubegu limi di dereku ri, anyizu limi olure tadu ri ru’ba ge, kare ogusa lakaku ri nig a, ongu sa nyala enji ku ri ni ga. ³⁴ A’dusiku kareanya limi olure ga ri anya asi saa kolu laka. ³⁵ Anyolu anyombe anya opi baba, ongu lamba anyidi saa kugwe. ³⁶ Anyolu’ba amba a’idi mure karama lage di ni ga ri tere ri ani, dudu kawikii koti andaa ni ezeze de kupa ra na’i. ³⁷ A’i anda loso to i'bu’ba ilede amba a’idi engwi esu a’i ko’du li kuru na’i. Gbadu majoo anyini amba ile kumu kombe andaa opi cwi, ku’ba a’I kori vuru onya ga, kemu ke’do onya lapika a’dni. ³⁸ De andaa kengwi ini aga likiku, ku sa a’u logo a sira so re rii, kesu a’i lemi, I’bu’ba ile a’i anda loso to. ³⁹ Kulee anyini ‘di a’jo, de kesu mo’di zo ni ata kuni saa ogu kemu laka ri ra, kute andaa zo dudu ogu kungu ku. ⁴⁰ ‘disi anyi saa onyolu baba adusiku ori mo’di ni kemu saa anya rale ku ri ni aga. ⁴¹ Petero zi andaa ni ku’jo, “opi, nyolo’jo le’jo pakwi ‘di ama ni papala de ‘ba tuwadu ni?” ⁴² Opi aka laka, a’di ni mo’di zo nit a mbare egeni le wa rii, ongu cirri to rii, de amba andaa dike’be ‘ba andaa di zoga ni tuwadu andaa diga, dudu andaa kuke a’ini onya saa rulere ri ni ga si? ⁴³ I’bure ile anda loso to de andaa amba kengwi kesu kedee ileni na’i. ⁴⁴ Gbadu, majoo anyini, amba ile kumu kuke andaa ni opko andaa nga tuwadu ri ni zwa zo. ⁴⁵ Ti de i'bure ile kura andaa nga si, “maa amba ni ekala ru ra engwire ga, pi ke’do i'bu’ba ago ri pi uku to ri ni gbaka, pi lurunyaka pi lurumvuka mera to ⁴⁶ Amba i'bure ile di kumu kengwi o’du andaa engwika ni ra zo ku ri ni ga, ongu saa andaa nile ku ri ni ga, kumu kumgba andaa ni ku’baa ‘ba egeni le kuri ni lelega. ⁴⁷ Mo’di i'bure andaa nga andaa amba a lele ri ni nire rari, pi ede ngaile kuru ri avo amgbaa opko si. ⁴⁸ Ti mo’di nire kure ri de kede nga kate lamgbs rii saa avo amgbaa ga. Mo’di ake laka nga karako ri avo alee andaa di si sa nja; ongu mo’di azu andaa dig a nga karako ri avo azi andaa ni ayo si karako kalaga pi. ⁴⁹ Memu asi du re ga vu dige, de asi ile keko ra na ma le ongu a’du? ⁵⁰ Ti madi batizimu aa ake batiza ma du na’i, mata asi laka opko si ko kate to. ⁵¹ Anyira a’jo memu vu dige i'bwe ezire? Ma’joo anyini, iyo, te larapika. ⁵² E’doru andu, ‘ba tou olu’ba zo alu aga ri kuvo kalapirukii ra, ‘ba na kuvo kuga ‘ba ri ri imgbe, ongu ‘ba ri ri sa kuvo kuga ‘ba na ri imgbe. ⁵³ ‘Bura ni ata kumu kalapiru andaa ‘bura to pi, ‘bura saa kumu kalapiru ataa to pi, ende kumu kalapiru zwa to, zangwa saa kumu kalapiru ende to pi, ada kumu kalapiru pi andaa ngwa ni izi to, pi ngwa ni izi saa kumu kalapiru pi adaa to. ⁵⁴ Ongu yesu ku’jo laki ni, “de anyinde lofu kenga itu a ‘derega lele, gbesa anyi’jro iyi ku’di ra, ongu saa kederu andaani ⁵⁵ De anyinde oli engare vuru lele si ri kulwe, anyi’joo, ‘vu kolu asi, ongu saa kolu andaani. ⁵⁶ Anyi ‘ba lunjwa lunjwa di, anywluru ‘bu ni lele vu to wa, ti a’dusi anyulusu saa ‘di kpe? ⁵⁷ Anda, a’dusi anyi anganga si anyili le’jo anda kpe? ⁵⁸ De anyivo gadi andaga mo’di nyini esikire ri to, de adi anyolu leti, o’bi opko si le’jo ekozo andaa to, e’bedu kuzi nyi gadi andaga ku, adi nyini ke asekere di ga ku, kudirii nyini su mabusi ge ku. ⁵⁹ Majoo nyini, nyimu nyekwi laka si ku de nyolokwe girisi lele nyidi si ri tuwadu kuru na’i.