^{1 2 3} 1 Melikizadeki ni 'dii, opi Salemu dii, nga azire Rubanga ni Oru Lagare Pi ri ni rii, resure Iburaimu to letige lele andaa engwire o'jaga si opi karako to rii pi tutu core andaa ruge rii. 2 Iburaimu ke mo'di 'dini nga alu mudi aga ri tuwadu. Atizori andaa ru ni ekwi ku'joo, " opi andanda dii", ongu saa andaa ni "opi Salemu dii", ku'joru "opi i'we dii." 3 Andaa ni ata ako pi ende ako a'bi na iyo, o'du na saa e'doru kuru pi lidi na loko ku. Pi andaa viruvi 'Bura Rubanga di to, andaa kolu mo'di nga azire Rubanga ni du tadu. ^{4 5 6} 4 Anyinde adi, ago 'di a amba, e'be Iburaimu ke andaa ni nga alu mudi aga tuwadu andaa ezile o'ja ga si ri ra. 5 'Bonji Levi di ake a'ini mori oluzo 'ba nga azi'ba Rubanga ni rii, caraga kutakii nga alu mudi aga 'ba tuwadu ga si ni, ku'joru a'ia adiinji ni diga si, kesu a'i saa kengaki suru Iburaimu di ni ga si saa'i. 6 Ti Melikisadeki ni, suru na a'idi ku, esu nga alu mudi aga Iburaimu disi, pi andaa co tutu Iburaimu a ruge, andaa ni nga ecarale ri ni esure 'i. ^{7 8 9 10} 7 Ezesi saa'i, mo'di amba ri kuco tutu mo'di gaga ri ni ruge ni, 8 ovi 'disi, 'ba nga alu mudi aga luta'ba 'ba ga si ri a'i 'ba oda'ba wa ripi 'i, ti ovi Melekizadeki disi du a'jo andaa ni kolu lidi tadu. 9 Pi leti zi nga 'jozo ri ni ga, Levi ni nga alu mudi aga ri ni lutare ri saa lokwe nga alu mudi aga ri ra Iburaimu ni aga, 10 a'dusiku esu Levi ni adi a'bii Iburaimu a gole ni ga lele Iburaimu a resure Melekizadeki to rii. ^{11 12} 11 Diadu de 'ba kate oluka anda ni leti Levi 'ba di nga azizo Rubanga ni ri si wa na ( a'dusiku 'ba esu cara leti ilesi ), mo'di nga azire Rubanga ni zina leru ra emurega ovi Melekizadeki di si pi ovi Aroni disi ku na'i ? 12 A'dusiku de alufu leti ovi 'ba a nga azizo Rubanga ni ri ra, cara saa kulee kulufuru ra. ^{13 14} 13 A'dusiku mo'di alu'jo le'jo 'dipi ruaru ri andaa ni suru zi nige si, suru ileni ga si mo'di zi gbu i'bu edere ki'dorige na iyo. 14 Niru pelere a'jo Opi Yesu ni ati suru Yuda di ni ga, suru Musa 'jo nga dinaniga alu saa kuru leti oluzo 'ba nga azi'ba Rubanga ni ri a dile ga. ^{15 16 17} 15 Le'jo 'di wo e'deteru kare inge ga, de mo'di zi nga azire Rubanga ni Melekizadeki ani na e'deteru ra na'i. 16 Andaa ni 'di ecoru mo'di nga azire Rubanga ni ri cara ru di rulere ri si ku, ti mori lidi olure tadu ri di si. 17 Le'jo cwile Buku Okole ri ni ga ri kunge nga Andaa ruge a'jo, " Nyi mo'di nga azire Rubanga ni tadu leti Melekizadeki di ani ri si 'i." ^{18 19} 18 'Disidu cara oku ri diadu e'be ra a'dusiku andaa ecoru mori ako pi konyi ako - 19 Cara Musa di kate 'ba 'baka anda du kpe, rari igeni loso ama 'ba ezire ire Rubanga to ri e'dete ra. ^{20 21} 20 Pi nga 'di ederu lalu si, "Ba suru Levi di ni ga nga azi'ba Rubanga ni ri a'ba a'i lalu si ku, 21 ti Andaa ni emu Mo'di nga azire Rubanga ni ni lalu si Mo'di 'jore Andaa ni a'jo, "Opi aluru ra pi Andaa mu lufu Andaa lara ku. Nyi Mo'di nga azire Rubanga ni olure tadu rii". ^{22 23 24} 22 Nga 'disi Yesu ni ecoru gura ra'ika loso lagare pi ri dii. 23 'Ba anda nga azi'ba Rubanga ni ripi a'ia weli karako, a'dusiku zi'ba kuvo odasi pi, olukii 'bo'bodu ku. 24 Ti Yesu a oluka lidi tadu risi, Andaa i'bu nga azizo Rubanga ni ri loko ku. ^{25 26} 25 E'be 'disi Andaa kate 'ba larirega 'bo'bodu, a'i evo'ba Rubanga di Andaa ru si ripi 'i, a'dusiku Andaa ni lidi tadu kelegi a'isi. 26 Esu esi ra amani oluzo Mo'di Amba nga azire Rubanga ni Andaa ani rii, Andaa ni okole, ede nga injwi ri kuru, andi ako, mgbi enji'ba to, pi angi Andaa ni oru laga ni ru'bu aga. ^{27 28} 27 Leru ku Andaa ni nga azizo Rubanga ni o'du tuwa si, ati lazi andaa enji si, pi zina 'ba zi'ba ri a enji si. Yesu ede 'di vu alu papala 'ba tuwadu si saa Andaa ru azizo ri si. 28 A'dusiku cara ga a'ba mo'di mori ako ovi ama 'ba di ani rii olurega mo'di amba 'ba nga azi'ba Rubanga ni ri dii. Ti le'jo lalu di, emure cara vu ga ri lupe Ngwa, 'bale atere tuwadu ra 'bo'bodu rii.