^{1 2 3} 1 'Disidu, kulee ake'bekii lini Kristo di a tini e'dozo ri ra akuvokii andaga dudu akolu 'ba omba'ba ra ripi 'i. Akolukii te lini Kristo di a re'dorega ku kende lidi ecoka i'bu 'ba ni da ezire ripi niga si pi Rubanga a'ika to, 2 kusa re'doka lini batisimu di, di lutika 'ba dige pito, enjika pi da asi to, pi le'jo lalika olure tadu ri to. 3 De Rubanga kule ra amavo amede nga 'dipi saa ra. ^{4 5 6} 4 A'dusiku andaa ni okpo ambamba 'ba anda ninga ra, esukii nga ekele ru'buge si ile ra, esukii saa Endi Okole ri ra, 5 pi 'bikii Rubanga a le'jo loso ra pi mori saa emure andaga na di ra, 6 ti ongu 'dekii pi ripi - andaa ni ateku a'ini longwizo idi asi lufurega. 'Di kende kepakii 'Bura Rubanga di idi a'ini kuruce dige, pi kukekii Andaa ni dinja 'ba andaga ^{7 8} 7 A'dusiku Rubanga kuco tutu inga iyi 'dire laka vu karako si ri ni mvure pi onya ekare 'ba losi so'ba laka ri ni dige. 8 Ti de oki pi ngolingoli pito kulunga laka ni, inga ile kecoru ekwi ako pi ire lalu to. Avo adu vu ile asi si ra. ^{9 10} 9 Ti amara nga loso ri anya ruge ayo, ama adiinji, kesu ama'jo nga 'di 'dini saa 'i, amara nga loso lari ezire ayo ripi 'i, kesu amolo'joru 'dini saa 'i. 10 Rubanga ni ede nga ego ri ku. Andaa ta mu saru i'bu anyidi si pi le anyidi anya e'detele Andaa ru si ri si ku, a'dusiku anyede i'bu ile Andaa 'ba Okole ripi ni, pi adi saa anyenjaru andaga i'bu ile to. ^{11 12} 11 Amale okposi mo'di alu alu anya lelega ri kenjaru as tuwasi i'bu ile ni ederega kusa ko andaa lokorega, dudu ke'be anya igeni kolu gba. 12 'Di dudu anyoludu ovu ku, ti anyo'bi a'i anda a'isi pi asi epika to esuki nga ecarale ile ra. ^{13 14 15} 13 Saa Rubanga a nga ecarazo Iburaimu ni ri, Andaa alu ru Andaa si, a'dusiku mo'di zi amba Andaa ni zware ra na iyo Andaa ni raluzo du. 14 Andaa ku'jo, " Maco tutu nyaa ruge ra gbadu pi mamu make nyini otilele karako" 15 Ovi 'disi, Iburaimu epi asi sa ko andaa esu nga Rubanga a ecarale ile to ^{16 17 18} 16 'Ba kaluru 'modi amba a'ini zware ra na a rusi. Lalu ni keko nga a'ia larafuzo kipele si ri ni.. 17 De Rubanga le Andaa ke'dete pelere kare ingwe aga a'i 'ba nga ecarale ile ni esu'ba ri ni,a'jo, nga Andaa lele ri lufuru ku kwa, Andaa ega le'jo ile ni di idi lalu si. 18 Andaa ede 'di dudu nga ri lurufure kpe ri si, laka Rubanga ku'jo enjo kpe ri si - ama 'ba fe'ba pi ruzu'ba Andaa ni 'aga ri, vo kesu asidi ni okpo igeni 'bale ama andaga ile ni kozo okpo. ^{19 20} 19 Igeni rutore kare iti ri ni ga bongu 'ile ri ni logu ge ri kuke amani kare edezo okpo ri royoka ako. 20 kare Yesu ni mure ati amani ri a rutorega laka amasi rii. Andaa ecoru Mo'di Amba 'ba nga azi'ba Rubanga ni ripi dii 'bo'bodu ovi Malekizadeki di ani.