^{1 2 3} 1 A'dusiku Mo'di Amba 'ba nga azi'ba Rubanga ni ri alu alu alupee 'ba lelega si, adi'baa i'bu Rubanga di ni ederega 'basi, dudu andaa kazi lazi ki'dorige enji e'bezo. 2 Andaa ni gba ri a oluka mo'di ama 'ba awi ako ri ani ri si, andaa kate kiza edeka wa 'ba nga ni'ba ku pi 'ba lunjwale ra ripi ni. 3 Ayosi andaa saa ale kazi lazi andaa enji si,kende andaa azizo 'ba zi a enji si ri ani. ^{4 5} 4 Mo'di luperu andaa nga si a'dule ku oluzo mo'di amba 'ba nga azi'ba Rubanga ni ri dii. Rari Rubanga kulupee ni, kende Aroni ni lupezo ri ani. 5 Ovi alua ri ani, Kristo 'i saa 'du eku 'di Andaa ni Andaa ngasi ku, ru'bazo mo'di amba 'ba nga azi'ba Rubanga ni rii du. Rari, Mo'di 'jore Andaa ni, a'jo, " Nyi maa "Bura 'i, andu mecoru nyataa 'i ", ri ede ni. ⁶ 6 Kare azika ri niga saa ku'jo, " Nyi mo'di nga azire Rubanga ni 'bo'bo du rii, viruvi ovi Malekisadeki di to". ^{7 8} 7 Lele Yesu a oluzo vu dige 'dia mo'di du ri Kristo elegi Rubanga ni Andaa ni larire da aga si wa ri di u'duku si pi minda to, pi Rubanga eri Andaa ni ra Andaa lidi ni ovi te nga Rubanga a lele ayo ri ni edeka si. 8 Kesu Andaa kolu 'Bura Rubanga dii saa'i, Andaa leni le'jo erika icandi Andaa esule ri niga si. ^{9 10 11} 9 Lini ile emba Andaa ni ra pi Andaa ecoru Mo'di lari lokore ku ri ni ezire 'ba tuwadu Andaa ni ru'ba ri ni. 10 Rubanga 'ba Andaa ni amba 'ba nga azi'ba Rubanga ni ri dii ovi Malekisadeki di ani. 11 Amani nga 'jole Yesu a dilega karako, ti toto okpo ekwi na ni erika anyini, a'dusiku anyeri nga sese. ^{12 13 14} 12 Esu diadu saa 'disi anyate ra olurega luponyia du 'ba zipi ni, ti adi anyile mo'di zi keleni anyini le'jo a'i ni re'dozo rii. Anyile leyi ayo, linya lukwele anyu rii ku. 13 Mo'di te leyi mvure ayo ri ni ofu andaanda di ku, a'dusiku andaa ni adi 'bura gaangwadu rii. 14 Ti linya lukwele anyu ri 'ba amba dii. A'i ile 'ba omba'ba ra ripi 'i, a'ia lara leni nga loso ripi ni lele lapika nga injwi ri to ra.