^{1 2} 1 'Disidu, kende recaraka rutozo Andaa lovuka ni aga ri adi olu andaa kare niga ri ani, kulee ori kuko ama, e'bedu mo'di zi alu anya lelega 'dere pi lakasi na kolu iyo. 2 A'dusiku ange amani Ofu Loso 'di gba kende ngezo a'ini ri ani. Ti le'jo ngele ile ^{3 4 5} 3 Ama a'iba ra ri amatoru lovuka ile ni aga, kende Andaa ;jozo ri ani, a'jo, Maa raluzo ra maa anga si ri ani, Vo torukii ku maa lovuka ni aga." Ileani, Andaa i'bu loko furu vu a re'donga. 4 A'dusiku Andaa 'jo ra kare zi niga nga o'du tuuderizo ri a ruge. " Pi Rubanga lovu Andaa i'bu tuwadu nipi niga si o'du tuuderizo ri si." 5 Pi nga cwile alualua 'diniga Andaa ku'jo, " Vo torukii ku maa lovuka ni aga." ^{6 7} 6 'Disidu, adi leti olu gbo ba zipi ri ni rutozo lovuka ileni aga, pi a'i 'ba anda ange a'ini Ofu Loso ri ra ripi torukii laka kuru a'ia a'ikana kuru si. 7 'Disi ongu Rubanga 'ba o'du zi idi lungwe o'du ile " Andu," lele Andaa loro'jozo Daudi a tige si ri niga vule rere le'jo ama'jozo ra atisi ri ani a'jo, " Andu de nyeri Andaa u'duku. emba nyaa asi okpo ku." ^{8 9 10 11} 8 Kesu tebe Joshua kuke a'ini lovuka ra, tebe 'dii Rubanga 'jo nga zi o'du zi ni dige ku. 9 'Disi o'du lovuzo Sabatu di ri adi lesi ra 'ba Rubanga di ni. 10 A'dusiku andani kwire Opi a lovuka ni aga ra ri lovu ra andaa i'bu niga si,kende Rubanga a lovuzo Andaa di niga si ri ani. 11 'Disi kulee akembarukii rutozo lovuka ileni aga, dudu mo'di zi ku'de ku lu'bilu'bi asi le'jo erizo ku ri ni aga ku a'ia edezo ri ani. ^{12 13} 12 A;dusiku le;jo Rubanga di lidi pi kede i'bu pi losi zwa iligo belengu losi rilerile ri ra. Kuso nga lu kusa ko kalapi endi pi ni lele asidi to, kalanju kwa ni lele kusa ko kwa ni 'a aga, andaa kate 'ba ni lara asige ri ni nika 'ja. 13 Nga zi bilebi na iyo ruzure di Rubanga ni andaga si na'i, ti nga tuwadu laangwe pi mgbo Mo'di tozo amavo amange le'jo amadi Andaa ni andaga ri ni mige. ^{14 15 16} 14 'Disidu kende ama oluzo Mo'di nga azire Rubanga ni amgbugodu fure pi ru'bu agasi, Yesu ni Rubanga ni 'Bura 'i rii, kulee akutakii asi a'i amadi pi sadeni amadi niga. 15 Mo'di Amba amadi nga azire Rubanga ni ri ni ama awiako ra, a'dusiku Andaa ni gba ri saa lu'bilu'bi o'bi Andaa ni ra a'daa amani lu'bizo riani, ti Andaa ni olu enji ako. 16 'Disidu akuvokii andaga asidi ni okpo to komi kiza di ni andaga, dudu akesukii 'ai'bwe kiza to amani ekonyirega saa rulere ri ni aga.