^{1 2 3 4} 1 'Disidu, maa adiinji ni okole ripi, anyemuru kare aluga lungwelungwe ru'bu di ni aga. Anyira nga Yesu a ruge, Mo'di ezwele pi Nga Azire Amba Rubanga ni ama sadeni di rii. 2 Andaa egeni Rubanga ni ra, Mo'di Andaa ni lupere rii, kende Musa a oluzo mo'di egenile wa zo Rubanga di niga tuwadu ri ani. 3 A'dusiku Yesu ni a'ba eku na amgbu zwa Musa di ra, a'dusiku mo'di zo sire ri andaa eku zwa zo di ra. 4 A'dusiku zo alu alu ri mo'di kusie ni, ti Andaa ni nga tuwadu bire ni ri Rubanga 'i. ^{5 6} 5 Musa ni olu mo'di egenile wa rii Rubanga di zoga tuwadu, kunge sadeni nga tuwadu vole ngele vulega ri a dilega. 6 Ti Kristu ni Mo'di egenile wa kende Ngwa zo Rubanga di ni di zware rii. Ama zo Andaa dii de amako okpo ama asi epika pi igeni ama recuzo rii. ^{7 8} 7 'Disidu, kende Endi Okole ri a 'jozo ri ani, Andu de anyeri Andaa u'duku ra, anyemba anya asidi okpo ku kende anda anya embazo anya oluzo avoro du ri ani, saa lu'bilu'bi di kwesi kwesi agasi ri ani. ^{9 10 11} 9 'Di esu saa anya a'bi a maa le'jo ni gazo imgbe ri ani a'ia mani 'a o'bizo ri ani, ndekii maa i'bu pa du 10 kinya mudisu. Ayosi manga 'ba ileni ra. Ma'jo a'ini, " saa tuwadu si kukii pi a'ia asige. Nikii maa leti kuru". 11 kende maa raluzo maa angasi ri ani: Vo torukii ku maa lovuka ni aga.." ^{12 13} 12 Anyekukaru, maa adiinji, dudu mo'di zi anya lelega kolu asi injwi a'i ako ro to ku, asi lurufure pi Rubanga lidi ridi si rii. 13 Ti anyemba anya asi o'du tuwadu si, de adi alungwe o'du 'di "andu" na 'i'," dudu mo'di alu zi anya lelega asi na komba okpo ku lu'bilu'bi enji di si. ^{14 15} 14 A'dusiku amemuru alu i'bu'ba du Kristo ni aga de amako okpo ama asi okpo Andaa ni aga a'da re'dorega sa ko a'da lokorega na'i. 15 Buku Okole ri ku'jo, " Andu, de anyeri Andaa u'duku, anyi'ba anya asi okpo ku, kende anda anya ogu lufuzo mani ri ani ". ^{16 17 18 19} 16 A'i 'ba ingo pi'i le'jo Rubanga di ni eri'ba pi lufukii ogu Andaa ni ripi ? A'i tuwadu oyi'ba Misiri gasi ripi 'i ku Musa a diga si rii ? 17 Andaa anga kinya mudisu ri a'dipi ni ? A'i enji ede'ba ru a'idi oda lu'de kwesi kwesi aga ripi 'i ku ? 18 Andaa aluru a'dipi ni a'jo vo turukii ku Andaa lovuka niga rii, de a'i cara Andaa di ripi ni ongu'ba ripi ni ku na'i ? 19 Amande a'jo torukii kuru Andaa lovuka niga a'ia aika ni ako si.