¹ 1 'Disidu kulee akutakii asi le'jo 'ba a erile ra ri niga, dudu adikukii pi laka si ku. ^{2 3 4} 2 A'dusiku de ofu malaikaa a 'jole ni ri le'jo na olu anda pi okpo ileni, pi 'ba dina ni atu'ba ri ake a'ini lamgba anda ri ra na, 3 amavo amapi ingoni de amatu lari amgbugo 'di ni di ra na 'i ? Lari 'di ati Opi yu le'jo na ra pi 'ba le'jo ileni eri'ba pi edire amani ri saa 'jokii amani ra. 4 Ongu Rubanga nge sadeni runa niga nyuma e'deteka si pi nga 'bani a'uzo mgbiimgbi ri ni edeka to si, pi ke mgbimgbi Endi Okole di Andaa kele Andaa lezo ri ani ri si. ^{5 6} 5 Rubanga ke mori kuru malaikaa ni vu tozo mure emure diadu ama nga lu'jore di na niga 'di ni zwazo. 6 Ti mo'di zi 'jo ra kare zi na niga a'jo, " Mo'di andaa ni a'du, nyini nga razo andaa dile ga rii ? Deku saa, mo'di ni 'bura andaa ni a'du nyini rale ? ^{7 8} 7 Nyibi mo'di vuru malaika zwa andaa ni ra, Nyulusu andaani eku si pi yayi to. 8 Nyi'ba nga tuwadu andaa paga." A'dusiku Rubanga 'ba nga tuwadu vuru mo'di paga. Andaa e'be nga zi kuru mo'di ni zwale ni ku na'i. Ti diadu adi amande mo'di ni nga tuwadu zwazo ra ni kuru. ^{9 10} 9 Ti amande Yesu ni 'bale vuru gaangwadu malaikaa ni saa gaangwadu ri ni aga ri, ake Andaa ni eku laru to Andaa recandika pi daka si, dudu kiza Rubanga di si Andaa ku'bi da 'ba tuwadu si. 10 A'dusiku o'biru ra Rubanga ni, nga tuwadu a oluzo 'aa Andaa ni ri ani pi Andaa si ri ani, dudu Andaa kezi 'bonji karako eku ge. Leru ra Andaa ni Mo'di a'ia lari ni e'dore ile ni 'bazo du katera ni Andaa icandi ndeka si ^{11 12} 11 A'dusiku mo'di nga lembere ri pi a'i lembele ri to boro engakii kare aluga. 'Disidu dinja ko Andaa ni ku a'ini lungwezo Andaa adiinji pi'i du. 12 He Andaa ku'joo, " Rubanga, mamumange Nyaa ru Maa adiinji ni ra, mamu mango longo Nyini ra 'ba rutaka 'di ni aga si." ^{13 14 15} 13 Pi kare zi na niga ku'j, " Mamu megeni Andaa 'i "." ongu ku'jo idi, " Nde,ma 'dii, ma pi 'boronji Rubanga a ekele mani rito". 14 Ayosi, kende 'boronji a oluzo ru to pi eri to ri ani, Andaa saa emuru nga ile pito leti alua ri ani, dudu daka si Andaa kenji mori andaa ni okpo da di to ridi ra, andaa ni sitani 'i. 15 'Di ederu dudu Andaa kayu a'i da orika si olu'ba a'ia lidi ni ga tuwadu ombele cwi opigo du ripi. ^{16 17 18} 16 A'dusiku gbadu Andaa ekonyi malaikaa ayo ku, rari 'bonji Iburaimu dii. 17 Ayosi Andaa saa duba kolu adiinji ani nga tuwadu ga, dudu Andaa kate du oluka mo'di nga azire Rubanga ni amba kizare pi egenile wa rii ovi Rubanga di niga, pi dudu Andaa kuda enji 'ba di si. 18 A'dusiku Yesu ni Andaa nga si ri a recandika pi asi na ni o'bika si, Andaa kate 'ba lu'bilu'bi a o'bile ri ni ekonyika wa.