^{1 2 3} 1 Anda ezesi Rubanga lo'joru ama a'bito profeta si leti mgbimgbi karako ri niga pi saa mgbimgbi karako ri si. 2 Ti diadu saa vu ni ti a lokozo 'dipi niga Andaa lo'joru amani Ngwa alu Andaa ovile nga tuwadu ri ni esurega ri si. Andaa si saa Rubanga bi vu 'di ra. 3 Andaa ni ingwe eku Rubanga di dii, Andaa ni gba Rubanga ani. Andaa ni gba ri saa koko nga tuwadu kare aluga ni le'jo Andaa okpo di si. De Andaa ku'du 'ba vu dige ri a enji tuwadu pi, Andaa ri vuru Rubanga ni nga tuwadu zware ni ri a di anda ni ga. ^{4 5} 4 Andaa zwa malaikaa ra loso si, ovidu Andaa ru ni esuzo zwa a'idi ra ri ani. 5 Rubanga 'jo malaika ingo ni, " Nyi maa 'bura 'i, pi andu nyecoru Maa 'bura 'i rii ?" Kusa Rubanga 'jo malaika ingo ni a'jo, " Mamu molu andaa Ata 'i pi anda kumu kolu Maa ngwa 'i rii ?" ^{7 6} Ongu saa Rubanga a 'bura kayo ri ni ezire esu adi nga tuwadu iyo ri Andaa ku'jo, " Kulee malaikaa Rubanga di tuwadu kurukii Andaa ni." 7 Malaikaa dige Andaa ku'jo, " Andaa keco Andaa malaikaa endi du, pi Andaa opigo asi ni leda du". ^{8 9} 8 Ti Ngwa ni Andaa ku'jo, " Rubanga, nyaa keri kolu tadu." Pi Andaa ku'jo kare zi na niga, " Nyalase nyaa keri leti anda di si. 9 Nyile anda ayo, nyiga cara nguka imgbe. Ayosi Rubanga, Rubanga nyidi efu nyi odu si, odu asi i'bwe di si zwa nyaa rezi zi'ba ripi ra." ^{10 11 12} 10 Kare zi niga Andaa ku'jo, " Vu a re'donga, Opi, nyi'bi vu ni pa. Ru'bu andaa ni i'bu Nyaa di dii. A'i vo kolokora bongu a lokozo ri ani. 11 Nyimu nyli a'i bongu lizo ri ani, pi avo alufu a'i bongu lufuzo ri ani. Ti nyidi nyile nyolu ileni, pi Nyaa kinya saa loko ku." ^{13 14} 13 Ti malaika ingoni Rubanga 'jo saa zisi a'jo, " Ri Maa di anda ga 'dia kusa ko Maa nyaa avi'ba ni ecorega komi du nyaa pa ni ?" 14 Malaikaa tuwadu a'i endi i'bu ede'ba ripi 'i ku , pi aluzwe a'i 'ba tozo vo'ba lari esu'ba ripi ni ekukare ga ku ?"