^{1 2} 1 Le'jo gba ama'jole ri 'di'i : Ama Mo'di Amba nga azire Rubanga ni ri to, rire Rubanga a komi eku di ni di anda ga oru ru'buge rii. 2 Andaa ni Mo'di i'bu edere kare okole ri niga rii, kare kema du Opi ni gba ri a epale ni rii, 'ba epani ku rii. ^{3 4 5} 3 A'dusiku mo'di amba 'ba nga azi'ba Rubanga ni ri alu alu alupee nga 'ba a kele Rubanga ni ripi a'i lazi azile ki'dorige ri to azirega Rubanga ni. Ayosi kulee nga azile Rubanga ni ri dubasi le kolu 'aa. 4 De kesu Yesu kolu vu dige 'dia ri ani, Andaa ateku olurega mo'di nga azire Rubanga ni du, a'dusiku 'ba nga azi'ba Rubanga ni ovi cara di ani ri 'aa. 5 A'i kede i'bu a'idi eno kusa lindilindi nga 'aa Ru'buge ri dii, kende Musa a edezo ri ani. Musa a kema eparega Rubanga 'jo andaa ni, " Nde losodu, si kema ile ovi na kelende eno e'detele nyini 'be dige ri ani." ^{7 6} Ti diadu, Kristo ni esu i'bu loso nga azizo Rubanga ni lagare pi rii, kende Andaa oluzo Mo'di ra'ika loso lagare pi ri ni ezire ni ri ani, ra'ika emure nga ecarale loso lagare pi ri si rii. 7 A'dusiku de kesu ra'ika ati ri ego ako, tebe 'dii ra'ika zi idi u'di na leru ku. ^{8 9} 8 De anda Rubanga esu 'ba ile edekii enji ra, Rubanga 'jo nga a'ia dilega 'dini, " Nde, o'du emure andaga ri niga - Opi ku'jo - Mamu mede ra'ika u'di zo Isaraeli di to pi zo Yuda di to. 9 Ra'ika 'di kumu kolu mgbi ra'ika Maa edele a'ia a'bi to ri to, saa Maa a'ia di ni kozo pi a'ini ezizo pi vu Misiri di ni ga si rii; a'dusiku anda okokii Maa rerika a'ito ile ni vu kuru, e'be ayosi maluyi a'i saa ra, 'di le'jo Opi a 'jole rii. ¹⁰ 10 'Di andaa ni ra'ika Maa mule edele 'ba koti Isaraele di niga ri to rii, de o'du ile kumu kesa ra na'i - Opi ku'jo 'dini. Mamu Ma'ba Maa cara a'ia lara niga, pi Mamu Macwia saa a'ia asidi niga. Mamu mulu a'ia Rubanga 'i, pi a'i vo kolu maa 'ba 'i. ^{11 12} 11 Mo'di zi iyo a'ia lelega mure rezi ni lenire 'kusa adozi ni lenire 'jore 'Kulee anyini Opi ni na'i'. A'dusiku a'i tuwadu vo kunikii ma ra, ke'doru 'burangwa toro ridi kusa ko 'ba ambaga. 12 Mamu mede kiza a'ia i'bu injwi ri niga ra, pi a'ia enji mamu mara idi ku. ¹³ 13 De Andaa kulungwe ra'ika 'di 'u'di,' ku'joru Andaa edi rerika oku ile pi, pi nga edile pi ile ede i'bu ku pi ecoru oku pi kumu kelegwe pi ezeze.