¹ Anyiba asi le ga pi anyita asi nga endi a kele ni ri ni ga, dudu anyate lorojokaa profetaa ani wa. ² Adusi ya Modi lorojore ti mgbiimgbi si ri lojoru 'ba ni ku ki Rubanga ni. Adusiku modi andaa lejo ni ekwi nire ra na iyo adusiku andaa kulujo nga ruzure di endi aga ri i. ³ Ki modi lorojore profeta ti si ri kolojoru bani a'i emba zo, a'i ni asi ebwe zo ⁴ Modi lorojore ti mgbimgbi si ri kemba andaa asi andaanga si, ki andaa ni lorojore profetaa ti si ri kemba ekelezia. ⁵ Diadu male anjolojoru ti mgbiimgbi ri si. ki lagare pi rii, male anyolojoru profetaa ani. Modi lorojore profeta ti si ri zwa modi lorojore ti mgbiimgbi si ri ra(nosi rari de modi zi kayu lejo ile ni ekwi ba ni dudu kemba ekelezia ba). ⁶ Ki diadu, maadiinjii, de memu anyidi molojoru ti mgbiimgbi ri si na, mekonyi anyi ingoni? Mekonyi anyi kpe rari de molojoru anyini nga Rubanga a etede'le bani risi na i, deku nga nikaa si, deku lejo profeta di si, deku lini si. ⁷ De nga lidi ako longo ngozo ri-ovidu nyamulere kusaa odi-ongu ezikii uduku mgbiimgbi ri ku na, 'ba kuvo kuni uduku nyamulere kusaa odi di ile ingoni? ⁸ De ture kuke uduku anda ri ku na, 'ba kunie di saa robazo oja ni rii ni ingoni? ⁹ Andaa saa ile ani anyito. De nyulujo lejo ekwi 'ba a nile kpe ri si na, 'b kuvo keri anyi ingoni? Anyivo anyolojoru, ki 'ba vo eri anyi ku. ¹⁰ La'u akonga, vu dini dige ti mgbiimgbi aa, ki alusaa ekwi ako na iyo. ¹¹ Ki de mani ti zi ni ekwi ku, mecoru jurugo mo'di ti ilenii jore ri ni, ongu andaa saa kolu mani jurugo. ¹² Andaa saa ile ani anyi to. keende anya nga endi a kele ri ni lezo ndo riani, anyile nga endi akele ekelezia embazo ri ndo. ¹³ Disidu mo'di lorojore ti mgbiimgbi si ri kulee kelegi dudu andaa kayu lejo ileni ekwi wa. ¹⁴ Adusiku de melegi ti mgbiimgbi ri si, endi madi kelegi, ki maa ujwe madi esu nga ku. ¹⁵ Kulee amede adu? Melegi maa endi si, pi maa ujwe si. Mango nga maa endi si, pi maa ujwe si. ¹⁶ De ileani ku, de nyecu Rubanga ni endi si na, 'Ba zi ri kuvo ka'i "Amen" ni ingoni esu nyike anjo ki ba zi ni nga nyaa jole ri ku na i? ¹⁷ Nyilee nyike anjo gbadu, bazipi ri esu limba ku. ¹⁸ Make anjo Rubanga ni adusi'ya molojoru ti mgbiimgbi ri si zwa anyi twadu ra. ¹⁹ Ki ekelezia aga duba maajo lejo tou adite maa ekwi na erile ra rii du amaleni 'ba zi du wa, zwa lejo elifu mudi ti mgbiimgbi si ri ra. ²⁰ Ma adinjii, anya lara kolu bonjiciri ri di ani ku. Rari, enji ru ge, anyolu bonjiciri ani. Ki anya ra kolu ba amba di ani. ²¹ Cwiru cara ga ra, "Ba ti nile ku ri di si pi juru ni ti si mamu malojoru 'ba di ni ra, Ki kolu ileni saa vo erikii ma ku, "Opi jo di ni" ²² Disidu, ti mgbiimgbi ni nyuma 'ba a'i 'ba ri ni ku ki 'ba a'i ba ku rini. Ki lejo ngekaa profetaa ti si, ndaa ni nyuma ba a'i 'ba ku ri ni ku, ki 'ba ai ba ri ni. ²³ Disidu, de, ekelezia emuru karealuga ongu 'ba twadu kolojoru kii ti mgbiimgbi si, ongu ba laangwe ri pi 'ba ai ba kuri de ketoru ai ni aga na, vo jokii ba di mamali i? ²⁴ Ki de anyi borodu kolojoru profetaa lorojozo ri ani onguru modi ai ako ri kusaa modi laangwe ri ekwi aia lele ga ni, kumu ka'i nga twadu andaa erile ri ra. Lejo lujole ile kumu kuli lejo andaa ru ge ra. ²⁵ Nga ruzure di andaa asige ri kumu kedeteru ra. Disidu, andaa kumu kuwo vuru Rubanga ru re. Andaa kumu kujoo gbadu Rubanga ni aa anya lele ga. ²⁶ Lesire andaga ri ado maadinjii? De anyemuru kare alu ga, modi alu-alu ada longo to, lini to, zina ri nga Rubanga ketedea ni ri to, zi na ri ti mgbiimgbi ri to, kusaa lejo ni ekwi ayu kaa to. Anyede nga twadu ekelezia embazo. ²⁷ De modi kolojoru ti mgbiimgbi ri si, kulee kolu kii eri kusaa na, pi kofuru kii ofu, pi modi lejo jole ri nii ekwi ayure ri kolu aa. ²⁸ Ki de modizi lejo ileni ekwi ayure na iyo, kulee kolu kii ekelezia aga ciri. Dubasi modi alu-alu kolojoru andaa ni adule kusaa Rubanga ni. ²⁹ Kulee profetaa eri kusaa na kolojoru, ongu 'ba aka ri pi keri kii nga jole ri eri. ³⁰ Ki de Rubanga edete nga zi mo'di zi rire elegi ga ri ni ra, kulee modi aka lorojore ati ri kudi ciri. ³¹ Adusiku modi alu-alu anyi ni aga ri anyate lorojore profetaa di ani wa dudu modi alualu keleni nga laka si anyi ni emba zo ³² Adusiku edi profetaa di ri kumba kii ta na ni. ³³ Adusiku Rubanga ni Modi kondia dii ku, ki ibwe di. Di cara ekelezia 'ba ole ri dii twadu. ³⁴ Uku twadu kolukii ekelezia aga ciri. Adusiku ai aini lorojokaa kuru. Rari kulee kolongwiru kii vuru cara a jo zo ri ani. ³⁵ Ki de lekii ngazi nile ra, kuvo kuzi kii aia ago'o ni boru si. Adusiku andaa ni loso ku izi ni lorojokaa ekelezia aga. ³⁶ Lejo Rubanga di enga anyidi? Di sa te anyidi? ³⁷ De modi zianyini aga kuraa andaa ni profeta kusaa andaa ga endi si ra, kulee andaa kura nga maa cwile di enga Opi di. ³⁸ Ki de modizi ga nga di imgbe, andaa i'saa akuga andaa ni imgbe. ³⁹ Disidu, maadinjii, kulee anyita asi lorojore ga profetaa ani, pi anyuluga modi lorojore ti mgbimgbi si ri ku. ⁴⁰ Ki anyebe nga twadu kederu ca ongu re.