¹ De kolu amalojoru ti mgbiimgbi 'ba di ri si ongu angeli di si. Ki de ma le ako, mecoru longu ani ku saa aya mgba'le ri ani. ² De kesu madi ke oluzo profeta du ri aa pi mani nga tuwadu ruzure di ri ra pi nga nikaa to, pi ma a'i tuwadu to be li zo pi ri to. Ki de ma le ako, ma mo'di isa rii. ³ De kese amake maanga tuwadu ba nga ako ri ni, pi de amake maaru du'le asi si. Ki de madi le iyo mesu nga laka ku. ⁴ Le ni nga mikaa pi asi ibwe. Le ni avi ako kusaa recukaa ako. Andaa ni di injwi ako ⁵ kusaa anga ako. Le ni te-mani i ku. Le anga eze ku, pi ba nga injwi ri asi ge ku. ⁶ Le anjoru nga injwi ri si ku. Ki dunasi, ki kanjoru nga anda ri si. ⁷ Le kungi nga tuwadu, kegeni nga tuwadu, ka'i nga tuwadu, pi kumi nga tuwadu. ⁸ Le lokoku. De lejo profetaa aa, kalaga kii pi. De ti mgbimgbi ri sa aa, koloko ra. De ciri saa aa, kemu kalaga pi. ⁹ Amani lejo ni ewa ayo ongu amange ewa na profetaa ti si ayo. ¹⁰ De lejo gba ri kesa ni, lejo ekole kuru ile kalaga pi. ¹¹ Maa olure burangwa ri, molojoru burangwa ani, mara'nga burangwa ani, meronga burangwa ani. Ki de mecoru amba, mebe nga bonji di ra. ¹² Adusi diadu amande nga miraya aga gbo ku, ki miga-miga gbo-gbo. Diadu mani lejo ni ewa ayo, ki mamu mania pele kelende maanizo atisi ra ri ani. ¹³ Ki diadu nga na dipi lesini: a'i, geni, pi le to, ki lagare pi ai ni lelega rii andaa ni le.