¹ Ilia wo kuse ma anddeh oleng’o napa opee nyad’ok twodieryka eleki ri alla alobe kale ‘bwo, azze ma meari ri nga iffu kana ‘suuka kaki ri oli ne kow eas iyi lovwe nini “ke’jo oddo eaki!” ² Kiru ma manddeh iliii azze deya lab’i b’ah rika (kusa) akana angwecholokaru b’it. Kiru oloro orei awero nane od’idii bouwa, azze okwe lago ni ayang’a ne wo. Kiru lago kequi angweh easu ritella ri mod’i nini anyi beya kitella kale wo. ³ Kiru kuse oleng’o napa opee nyad’ok ri reezo kale ‘bwo, azze ma meari ri nga iffu kanaka kaki ri reezo ne ke’jo oddo, “ileaki!.” ⁴ Ilia wo azze lab’I b’ah eika eleki ri alla kequi angweh-akengeliru nondor. Kiru oloro orei awe ro nane akwe ambamba aka anyiaa beya kozee motho kale bou lele’se, anyi beya b’anny kappa kuga alla ne wo. Kiru olror orei atou nane okwe balumeh ne thumogo aka anyo sasawaru. ⁵ Kiru ku’se kobilogo napa opee nyad’ok ri naazo nane kale ‘bwo, azze ma meari ri nga iffu kanaka lidya kaki ri naazo ke’jo oddo, “Eaki fo!” acho ma anddeh lob’I naneethery, azze kiru oloro orei awero nane oruu angei rithemazoki awery dea. ⁶ Anyi ad’unga ri ngunungunu kede modo oli nga iffu kana lidya ‘sunka kaki ri agaga ke’jo oddo, acho d’itheh ri inyah ri d’awa alobe long’e alube’se (denar alobe’se), azze ira ri d’awa kapile naa long’e alobe’se. ama atho rikaki iwah ro nodo ossuku.” ⁷ Kiru ku’se oleng’o napa opee nyad’ok ri ‘suuzo kale ‘bwo, azze ma meari ri nga iffu kanaka lidya ‘suuka kaki ri oli ne ke’jo oddo, “Eaki fo!” ⁸ Acho ma anddeh lab’I oloro ab’ab’ulienaa. Kiru oloro orei awe ro nane run a odda kale oho, azze kiru itindi kovvo lago ri buwa woo. Kiru okwe bou ri agaga ri ad’oh alob ri opopi lob’a ni anyo wo, anyi b’eya kidda ridda balumeh ‘se anyo wo, yoyo (vi) ro azze ombwe, azze paring’a bou rika kujoto niah ri eleki. ⁹ Kiru ku’se oleng’o napa opee nyad’ok ri thowzo kale ‘bwo, azze ma munddeh api od’ub’a andda ididi kana ko’bwo orri ri ari ri kiw ‘seka kaki ri itindi ne thaka romomyile nane ri bubu angwi ko’bwo andda lob’a oryi orri oho. ¹⁰ Lob’a andda ochu kaku angweh oli no ouh ‘se oddo, “ya tokojo ead’i nguna, ossi leebithi rina ne, aggwy natha ne thokithoki ro, ya nguna tokojo me ri api od’ub’a olowb’a bouwa wakaki ri lokiko noliile re, deh angwi tokojo me ri ammary earyi andda ochub’a kaki ri athyi ningwile?” ¹¹ Ilia wo kiru azze okwe lob’a ni meke nangwecholo ne wo d’id’I awena ro d’id’I ro, azze enna ri lob’a ni oddo lob’a katheh da lao ked’iru tokojo api bero kappa oppee eab’u rika kaki ri loked’eh ri agale thoo api ri adii ro ambweah ro eassa kale oho anyi beya idda lob’a kale wo, ea’se andda lob’a niddazo nini. ¹² Kiru ku’se kobilogo napa opee nyad’ok ri aziazo kale ‘bwo kiru ma matheh na azze kithikithe ne thumogo keassa kiru koyo ri bou ne wo keje, keje, keje. Azze thekeli kufu ri aneetheryeru wo kede easuu jora meke nanee rina nini, angwi kiru imba pye ofuri kede easu earyi nini wo. ¹³ Ab’ib’I ruthu ri kaki pi ro eazo bouwa, easu ng’obo ri kwy ri oka od’ub’a adi okaku kaki ri ozozo nini rob’orob’o eya lowiwindi ne thumogo koyoyoyona. ¹⁴ Ilia wo azze ruthu kapee ri easu kawro napa ri raoeezo nini azze kara orou wo. Kiru b’eab’eah leethithi pipi ro o’see kale ofo aapika kaki ra lele’se. ¹⁵ Kiru ilia wo ajju ri oppi bou rika b’anny buluka eleki ro, azze long’ololieh ajju rika, arinya rib’a ro, ambamba rib’a ro, b’anny alokwa ro leebithi od’ub’a, nayaa angwi od’ub’a kalaka eleki pi ro, ambambwe ri api ro rob’oko angwi b’eab’eah ri ony ri ‘boko’boko. ¹⁶ Azze lob’a ko’jo b’eab’eah kappa eleki ni ony kappa ro oddo, “Eazota amma nidi anyo! Ummota ammary kale mod’i oloro orei opopi ri kiteeo nan era lele’se kobilogo otha r inane ro. ¹⁷ Ko’bwo api ri inee ne thumogo othazo ne eassa kale ‘bwo. Anyi ad’i nguna kiddeh ri iddeh d’o ne re ta?