¹ Kiru eleni bubuwa wo azze ma monddeh anjiluji ne kapile ‘suu keddeh bou ri rego ‘suuka eleki ra, eabeabeah ri kotuu olyebou rika ‘suuka eleki ne kale anyi beya olye kodo bou nogowku, mearyi ro, eyabo angwi kodo kwy alla nogowku. ² Angwi ma monddeh anjilu alla keaki orouu’se orula lele’se, oloro orri ri nyad’ok aka. Azze lago kuzwa olina towe oruo anjiluji suuka okwe ambamba aka anyi beya kiranya bou pi mearyi ro kaleka eleki ni oddo: ³ “Nodo bou niranyaku, mearyi ro, eyabo kwy tokojo aary nyad’ok nepeele aary orri ri oppee eleki ri anda.” ⁴ Ma meari oddo api andda od’ub’a epee kanaka nyod’ok napa ‘seka eleki ri loked’eh: 144000 od’ub’a andda epee nyod’ok napa ‘se kaka israele ri b’anny rina nan era lele’se leebithi: ⁵ Mudi mudury mudury mudury imbi ree (12000) kaka Juday rina ra lele’se, mudi muudury mudury mudury imbi ree kaka Ruubena rina ra lele’se, mudi mudury mudury mudury imbi ree kaka Gada rina ra lele’se, ⁶ Mudi mudury mudury mudury imbi ree kaka ashar rina ra lele’se muudi mudury mudury mudury imbi ree kaka napatali rina ra lele’se, mudi mudury mudury mudury imbi ree kaka Manasseh rina ra lele’se, ⁷ Mudi mudury mudury mudury imbi ree kaka simone rina ra lele’se, mudi mudury mudury mudury imbi ree kaka levi rina ra lele’se, mudi mudury mudury mudury imbi ree kaka issako rina ra lele’se, ⁸ Mudi mudury mudury mudury kaka zebulun rina ra lele’se, mudi mudury mudury mudury imbi ree kaka esepo rina ra lele’se, azze kiru mudi mudury mudury mudury kaka Benjaminio rina ra lele’se eleki leebithi epeepee kale ‘bwo. ⁹ Nga kappa eleki ri bubuwa wo kiru ma manddeh iliii, angwi deya kiru anyang’a ne thumoga alla na oloro mod’i alla olwa d’oku-nyigoo kappa eleki ra lele’se leebithi wo, kaka, b’anny, azze ong’olu-kiru keddeh opopi ri kite napa nane ri andanda angwi oleng’o napa nane ri andanda wo. Lob’a athathori api rom eke nanhwecholo ’se azze oruu keya ri apee api r idea, ¹⁰ Azze kiru lob’a kongwe olika koyii thoo oddo: “Loka kolow aary orri ni anyo wo oloro kichaka opopi ri kiteeo nane, oleng,o nanero!” ¹¹ Azze anjiluji leebithi kiru akeh opopi ri kite napa nane agaga kededeh angwi akeh buluka agaga nga iffu kanaka lidya ‘suuka kaki ro, azze kiru lob’a kuzo bouwa wo aside’se opopi ri kite napa ri andanda. Kiru lob’a koso anya ne bouwa azze kidilo orri ni wo, ¹² Ko’jo oddo, “Amsn! Kofufura pi, akku ro, azze miilomba, azze piapia nokwe, azze riwa, azze ambamba, azze thobuluka kolow aary orri ni anyo wo nyonyo azze nyonyo! Amen!” ¹³ Ilia wo azze buluka kappa ri alla alobe kozi ma ne oddo, “Anyi kappa eleki ad’ub’a da, rathathab’a meke nagwecholo ‘seka eleki, azze da lob’a keavvo ingo lele’se?” ¹⁴ Azze ma mo’jo lago ni oddo, “Bulukago, me nonone re,” azze lago ko’jo ma ni oddo, eleki b’anny od’ub’a eavvo kale angweh kaka ri ritecha ne thumogo nane’se. acho lob’a kiru otheye api rim eke ‘bwo azze kob’a kobilogo nane ri earyi niah kiru okwe meke kappa kofo angwecholokaru b’it. ¹⁵ Kiru kiw napa eleni’se wo, lob’a orri ri kilee opopi rina nane ri andanda wo, azze kiru lob’a koso anya bouwa lagoni ithuta angwi ineegota lago ri jo romomyile nane niah. ¹⁶ Kiru mod’i olror oryib opopi ri kite napa ra nane eleh andu kob’a awery obila ne nidi anyo wo. Azze kiru eleh andu vi orum lob’a quwo, angwi eleh andu iyi vi oruu lob’a quwo. Angwi theakeali eleh andu oyu bou lob’a nidiku, angwi eme’bo alla ri ogwe kwet kiowo. ¹⁷ Ko’bwo oleng’o napa opopi ri kite ri agaga niah ri nane eleh andu kotheah lob’a ne anyi beya kinyomo iyi ri mii lidy rina nan era anyo wo, azze kiru orri eleh andu koweeh miinda ne kale leebithi api ri mii lele’se wo.”