¹ Ilia wo kiru azze ma monddeh mod’i oloro orei opopi ri kite nane ri de nintha kawro (booku) iwro andanda angwi bulebule, kiru otheye nyod’ok aka nyond’ok kappa lwodiery. ² Azze ma monddeh anjilu nambagogo ne wo kiru kob’eh ne oli no ouh ‘se, “ya kiru nguna ad’i kopee kawro napa ne opee d’o ne azze kochi awery nyod’ok kappa kaki ne kale?” ³ Mod’i alla keway ruthuwa na, eyabo bouwa wa eyabo bou ri bubu na oloro kopee kawro napa nane ne eyabo kolwa kawro napa nane ne. ⁴ Kiru ma mow miida ro ko’bwo mod’i alla adi easuku oloro kejejo kawro nane nopee eyabo kolwa kawro nane ne olwa d’o. ⁵ Ama ilia wo azze buluka kappa kaki ri alla alobe ko’jo ma ni oddo, “owku. Inddehb’a! Juda ri kaka ri eaby, Dabide ri kwylela, acho itella ritella kale ‘bwo. Kiru lago opee kawro napa kale oho awery nyad’ok twodieryka kaki ro.” ⁶ Acho ma anddeh oleng’o (kobilogo) kededeh opopi ri kite ri ofo ri agaga niah angwi nga iffu kana suu adyaka kaki ri agaga aangwi buluka kappa ri agaga. Lago onddeh ilili kiru eyeyeju oddo idda lago kale oho. Lago ri o’ju twodiery angwi miika twodiery, deya eleki orri ri oyuru twodiery eab’b’u angweh bouwa leebithi. ⁷ Lago kaki azze koru kawro napa ne azze konuu kale wo mod’i oloro orei opopi ri kiteo nane ri de nintha lele’se. ⁹ Lob’a kiru ongo nonwe ne wo oddo: “acho deya me nejejo kawro nane nonuu angwi angwi bo nopee awery nyod’ok kaki ne opee d’o. ko’bwo andda olii me kale, angwi kiru me igeh b’anny orri ni b’anny ri kaka lele’se leebithi me ri earyi kappa eleki’se, ong’oluro lee, b’anny ro lee, nyigoo ro lee. ¹⁰ Kiru me ib’a lob’a opopi wo riwiwila ro anyi beya konga eab’u aary orri ni anyo wo, azze kiru eleh andu lob’a kolow opopia wo bouwa wa.” ¹¹ Ilia wo kiru ma manddeh ilili azze meari ri anjiluji nab’i ri oli ne wo lob’a ake opopi ri kite napa nane agaga nga iffu kana ‘suuka kaki pi ro buluka kaki pi ro. Oggo kiru lob’a ri lokedeh omomia ri mudi mudury mudury mudury ri mudi mudury. ¹² Kiru lob’a kejo towe oli orou oddo, “kobilogo oloro olii kana eleni kejo ne ambamba na iy, uquwa ro, miilomba ro, ozyi ro ambagogoru ndit, riwa ro, akku ro, azze kafufura.” ¹³ Kiru ma meari nga leebithi iffu kanaka eleki pi od’ub’a ruthu rika kaki ro bou rika iki ro bou ri bubu rika kaki ro azze mearyi nia rika kaki-nga api raka kaki leebithi-ko’jo oddo, “mod’i oloro orei opopi ri kiteeo eleni konilogo eleni ro kafufu kolow awe ni anyo wo, riwa ro, akku ro, ambamba ro anyi koru opopi anyo wo, nyonyo azze nyonyo.” ¹⁴ Azze nga iffu kana ‘suuka eleki ko’jo oddo, “Amen (kolowle)! “azze kiru buluke eleki kuzzo bouwa wo azze kosso anya ne bouwa.