¹ Kiru nga kappa eleki ri buwa wa ma monddeh, azze kiru ma anddeh leathy opee ri ruthuwa. Kiru ma meari oli athii kong’a ari ne ma ni easu agura nini, ko’jo oddo, “Eathu orou wa, azze eleh andu ma menna ri me ni eya ad’onga andu konga ri ne nga eleki ri bubuwa anyone. ² Azze kiru oyuru oko ma ilia titi wo, azze kiru ma monddeh kite opopi rina ne wo ob’a aka ruthuwa na, kiru mod’i alla orei aka kite napa nidi. ³ Mod’i napa oloro orei ri aka nane onddeh kede easu ony milamila nini (jasper) angwi kede easu karnelian nini. Kiru iyi lovwe (gehrigehri) ilong’a opopi ri kite napa akana. Iyi lovwe napa onddeh kede rewarewa (emerald). ⁴ Kiru opopi ri kite mudi ree imbi suu ilong’a opopi ri kite napa agaga, kiru buluka mudi ree imbi suu urei opopi ri kite kappa kaki nidi, athatho rim eke nagwecholo ‘se, api ri ogi ri ayang’a ro diidiio. ⁵ Azze kiru oleng’o ri luru keaqui opopi ri kite napa ra lele’se wo, azze kandandu, azze kiru iyi lovwe kofwe tayi. Azze kiru oleng’o twodiery kogwe opopi ri kitee napa ri andanda wo, kiru oleng’o kappa kaki deya orri ri oyuru twodieryka kaki ri oleng’o. ⁶ Kiru mearyi ri milamila opopi ri kite napa ri andanda (kiru opopi ri kite napa ri andanda kede rumerume), kede easu nga oloro nonddeh kofu byly ahana’se eleni nini. Kiru opopi ri kite napa ri agaga niah angwi kiru nga iffu kana lidy ‘suu ilong’a kite napa anyo wo, kiru oggo mii aga thoo, andanda angwi bulebule. ⁷ Nga iffu kana andda athii lidya nane kede easu eaby nini, kiru nga ri reezo iffu kana lidya nane kede easu thye ri kaja (kare) nini, kiru nga ri naazo iffu kana nane kede easu mod’i nini, azze kiru nga ri ‘suuzo iffu kana nane kiru kiweju easu pupu nini. ⁸ Nga iffu kakaka lidya suuka eleki d’id’i ri opepeye azia (6), miika oga thoo angangweh angwi ithithi. Ineegota angwi ithuta lob’a iddeh ea’joku ge ko’jo oddo, “kaggwy, kaggwy, kaggwy rimba natha orri rata natha leebithi oloro andda, angwi oloro ileh, angwi ileh keakeaki.” ⁹ Kiru eya nga iffu kana lidyaka eleki kokwe akku ne wo, riwa ro, azze piapia modi oloro orei ri opopi ri kiteeo nane ni, mod’i oloro kady nyonyo azze nyonyo wo nane, ¹⁰ Kiru b’uluka kappa mudi ree imbi suuka eleki uzzo mod’i alobe oloro opopi ri kiteo nane ri andanda anyo wo, azze kiru kosso anya ne bouwa lago oloro kady nyonyo azze nyonyo nane ni anyo wo. Kiru lob’a kobu api ri anyang’a kappa ne opopi ri kite napa ri andanda anyo wo, azze ko’jo oddo, ¹¹ “Acho me nejejo, amma nimba natha ammary orri ro, akku na iy riwa ro azze ambamba, ko’bwo me niffuu nga leebithi kiru yeye mena’se wo azze lob’a keaffu azze kolow wo.