¹ Iwro anjilu ‘sardi’so rina nane ni oddo: ”Iki mod’i oloro koruu orri ri oyuru twodieryka kaki ne ab’ib’i twodieryka kaki ro nane ri arari oddo: “ma monne nga meri owe kanaka eleki ne onne, achobo eleali ri me ne oddo me lidy, azze bo me idda kale ‘bwo. ² Eanji kale wo azze nezyi ri nga assab’a eleki ne anyi kolow ambakaru, acho kovvo unddaa kale wo, ko’bwo ma meassu me ri eabu kappa oggo ma ri adi onddehku nyonyo. ³ Kiru ilia wo, ingona eyeye, nga andda me ri a iy kana nane me ri eari kana nane ro. Iruruka awe anyo, azze nantheh kale wo. Ama eya me ile eanjikuna, acho andu me inne lao napa mari eakizo me ra eleni quwo. ⁴ Ama ne ri ru alokwa aka ga d’ini saedi’so niah na od’ub’a adi onjonji api ri mekeku, azze kiru eleh andu lob’a kawaway ma ro wo, kathatho rim eke nangwecholo ‘se, ko’bwo api rikaki aggo b’ra wo. ⁵ Mod’i oloro kitella ri itella eleni kiru eleh andu katho rim eke nangwecholo kappa ‘se anyo wo, azze kiru eleh andu ma aweeh awery ru kale quwo kawro (booku) lidy rina nan era lele’se nyonyowo, azze eleh andu ma mong’a awery ru ne anyo wo athema ri andanda, andwi anjiluji ri andanda. ⁶ Kiru mod’i oloro be ro eleh kola be anyi beya keari nga kappa oyuru ri o’jo kana kachi kappa nika kaki. ⁷ “Iwro anjilu kachi philadaphia rina nane ni oddo: ‘iki mod’i oloro kaggwy angwi thoki nane ri arari logo oloro kororuu rid abide ri opeezo ne nane, lago kopee azze mod’i alla ummo d’oku, lago kummo ri azze mod’i alla opee d’oku.’ ⁸ Ma monne nga me ri owe kana eleki ne onne, inddeh, achobo ma aye leathy kopee ri me ri andanda ileh oloro mod’i alla ummo d’oku. Ma monone oddo me omba ro ked’iru towe, kiru me niruruka ma ri ari oho angwi me adi napeh ma ri ruku. ⁹ Inddeh! Api od’ub’a setan ri jo rika eleki lob’a od’ub’a ko’jo oddo api juday ri b’anny ama deya juday ri b’annykuka eleki, kiru deya lob’a lodo-achobo eleh andu ma mokwe lob’a keavva azze koso anya ne bouwa me ri pa andanda, azze kiru eleh andu lob’a keavvo anyi konone oddo ma deya miyie me oho. ¹⁰ Ko’bwo andda me neab’b’eh aside ma ri kayuyuko nirukuka anyo adi namud’weku, kiru eleh andu angwi ma mirukuka ri me ne mao anyo akka rina nane ralele‘se oloro andu keakeaki milili rap ye nane, api od’ub’a kololow bouwa waka eleki nokkazo. ¹¹ Ma weakeaki eleh chong’ini d’ini. Ruu me ri nga eleki deya anyo anyi beya mod’i alla kodo me ri ayang’a eleni nopa kaleku. ¹² Mod’i oloro kitella ri itella, acho kiru eleh andu ma mob’a easu chopa nini wo ma ri orri ri jo niah. Angwi kiru eleh andu lago kodo aka lele ‘se angweh quwo nyonyo, azze kiru eleh andu miwro ri ma ri orri ri ru ne lago ri ruwo anyo wo, ma ri orri ri e iy riru (Jerusalem nonwe, oloro eaki kale angweh ruthu ri lele’se azze keasee bouwa ma ri orri ra lele’se), ma ri ru nonwe ro. ¹³ Kiru mod’i oloro be ro eleh kola be anyi beya keari nga kappa oyuru ri o’jo kana kachi kappa nika kaki. ¹⁴ Ini iwro anjilu kachi laodikia rina nane ni oddo: ‘iki arari amen (kololowle) rina, regeny natha angwi thokithoki noryi natha, oloro kimmeh orri ri iffu kanaka eleki ne leebithi. ¹⁵ Ma monne nga me ri owe kanaka eleki ne onne, angwi me ed’etonaku eyabo assenaku. Acho ma mondu sona me nolow ed’etoru eyabo asseru! ¹⁶ Ach, ko’bwo me nemeh juju wo-assena quwo angwi ed’etona quwo-acho ma mondu mud’we ri me ne kale angweh wo ma ri thy lele’se. ¹⁷ Ko’bwo me no’jo oddo, ma arinya natha, ma ri ikozo ri ofo earezwe, azze kiru ma anduw nga all quwo! Ama deya adi me inneku oddo oggo adi towe me niboring’oku, oddo me nidubo idubo, me yembeyembe d’ini, me mud’ud’wo, angwi me lundu. ¹⁸ Eari ma ri kachuchuka anyo oddo: geh oggi akahb’a asse ‘seka kaki ma ra lele ‘se anyo anyi beya oggo me nolow arinya ri mod’iru anyo wo, angwi geh meke nangwehcholo anyo anyi natho me ri ruwo. Azze kiru enna me ri tholundu napa ri dinja quwo, azze nogeh athoh mii rina ne anyi beya neaji me ri mii kappa eleki ra anyi me nandandeh. ¹⁹ Ma miwenya ri b’anny od’ub’a ma ri iyie kanaka eleki ne anyo, azze ma mine ri lob’a ni olow ne anyo anyi lob’a kidy. Kiru eleni ra we,kwe od’ia koru me azze nantheh kale wo. ²⁰ Inddeh; achobo ma meddeh leathy nanda wi azze mogoga. Eya mod’i alla keari ri ma ri ali ne earina azze kopee leathy napa, azze kiru eleh andu ma meaki aweng’a b’ah niah wo azze eleh andu monyonya ne awe ro. ²¹ ma mokwe lago ni thokithoki ne anyo wo anyi beya koryi bouwa ma ra ma ri kite opopi rina ne nidi, oggo easu andda angwi ma ri ritellaze nini azze moryi bouwa athema ra kite awena opopi rina nane nidi. ²² Kiru mod’i oloro be ro eleh kalla be abyi beya keari nga kappa oyuru ri o’jo kana kachi kappa nika kaki.