¹ Iwro anjilu kachi ephe’so rina nane ni oddo: iki mod’i oloro koru ab’ib’I twodieryka kaki ne awery de nintha angwi kaway agi twodieryka edehb’a kaki ri agaga niah ‘se nane ri arari, ² “ma monne bga od’ub’a me ri owe kana ne onne me ri chandi rot owe me aside neabeh nebi ro. Ma monone oddo me nata b’anny ninjwi d’oku. Ma monone oddo me ikka lob’a od’ub’a ko’jo oddo api eab’eab’u kana eleki oho, ama deya kewway, azze deya neassu ri lob’a ne lodo rib’a. ³ Ma monone oddo me neabeh aside reabio, angwi me namud’we twoe ko’bwo ma ri ru ‘se, azze kiru me adi namud’we guwo. ⁴ Ama kiru ma me ro wo ko’bwo me eye riyie mena andda athii rina nane kale ‘bwo. ⁵ Eyeye daa fo eya me nod’eh ngo ri lele ‘sena. Antheh azze nowe nga od’ub’a andda me ri owe kana athii ri kaki ne anyo wo. Eya me nantheh oho, kiru azze ma meaki me raw o azze eleh andu ma monuu oleng’o napa edeh ri eleni me kale wo awery ofo nan era lele ‘se. ⁶ Ama ini ele me ra: me nothi bga od’ub’a nikolaitab’a ri owe kana kaki ne asidio, od’ub’a angwi ma mothi eye asidio. ⁷ Mod’i oloro bero keari nga oloro oyuru ko’jo kachi kappa nina nane aiyo. Mod’i oloro kitella ri iteella kiru eleh andu ma thokithoki ne aka anyo wo anyi beya konyonya kwy lidy rina nan era lele ‘se anyo, oloro paradi’so niah r inane. ⁸ “Iwro anjilu kachi smirna rina nane ni oddo: iki mod’i oloro athii angwi bule, oloro andda odda azze keanji azze kady angwi nane ri arari” ⁹ “ma monne me ri amud’we kappa ne onne me niticha ro, ama me arinya natha. Monne kalongkalong ri mod’i apina oloro ko’jo oddo lob’a judayb’a nane ne onne, ama azze bo lob’a Judayb’aku. Lob’a seta ri olulu ri jo. ¹⁰ Nodo nga norow nga me ri amud’wezo eleni ‘seku. Inddeh! Mod’i ninjwi andu kobbu ammi ri alokwa ne kang’ong’o ri jo niah anyi beya eleh andu okka ammi, azze kiru eleh andu ammi namud’we inee mudury. Olow regeny ‘se anyo tokojo oddale, azze ma kiru eleh andu mokwe me ni lidy ri ayang’a ne anyo wo. ¹¹ Mod’i oloro be ro keari nga oloro oyuru ko’jo kachi kappa nika eleki aanyo. Mod’i oloro itella ritella ‘bwo odda ri reezo eleh andu iranya quwo. ¹² “Iwro anjilu kachi, paragamu rina nane ni, oddo: iki mod’i oloro balumeh na ri rego kapile ree ka nane ri arari oddo”. ¹³ “ma monne ofo me ri olowle ne onne, achobo nolow ofo oloro ‘setan ri kite aka nan era. Kiru oggo me iruu titi wo mari ru’se. ma monone oddo andda adi me napeh me ri regeny, ma ‘seku, ju inee andda antipas ma noryi r inane rina nan era, ma neheny r inane, oloro andda idda ammi ri agaga, ofo ‘setan ri olowle nan era. ¹⁴ Ama acho ma nga alokwa ro ga od’ub’a mo’jo ammi ni: b’anny alokwa eleh aka me ra ilia od’ub’a oruu de anyi beya kebeh ri Balaamu ri rinneo anyo wo, oloro anddaa inne B’alak anyo anyi beya kob’a azza Israele neebi ri andanda anyi beya karey kale, anyi konya orri yuro eleki ri onya arrow rika kaki angwi anyi beya kowe thoworo anyo wo agui ro. ¹⁵ Leathy napa eleni ra, angwi achobo me ri b’anny alokwa aka od’ub’a koru rinne nikolai ri b’anny rika ne anyo. ¹⁶ Me Antheah, ilia anyo wo! Eya me ileku azze kiru eleh andu ma meaki ammi ra anyo wo titi, azze kiru eleh andu ma mongi ajji ne lob’a ni wo balomeh ma ri thy niah ri ini ‘se. ¹⁷ Mod’i oloro be ro kiru eleh keari nga ri o’jo kana kachi nika eleki. Mod’i oloro kitellaritella ni, eleh andu ma mokwe athi kappa ambambwe kanaka kaki ri alokwe ni aka anyo wo, azze kiru eleh andu ma mokwe lopa nangweh ne ru nonwe ro iwro aka, ru oloro mod’i alla ady onneku ama awe oloro ra iy ri eleni konne ru napa ne ne. ¹⁸ “Iwro anjiliu kachi Thyatira rina nane ni, oddo: ika orri ri ngwago ri ari, oloro mina koly bylybyly easu asse nini azze pana kede easu hoji ri atho ringa goji noweezo nini nane rika oddo: ¹⁹ Ma anne nga me ri owe kanaka eleki, oho; riyie mena eleni regeny ro eab’u ro azze meri aside neabbeh. Ma monone oddo nga me ri owe kana eleninika eleki kopeh andda me ri owe kana athii rika kaki ne. ²⁰ Ama ma mo’jo iki ne me ni oddo: achobo me atta mod’i nizi Jejebele nane ne anyo wo, oloro kungwe ri awery ru ne mia zing’aru nane. Rinne aweka kaki ‘se nena napa kiloloka rim ma ri oppi ne anyi kowe thoworo anyo aqui ro anyi konya yuro kappa ri onya arrow rika kaki anyowo. ²¹ Ma akwe nena napa ni lao anyi beya kantheh kale wo, ama azze ge nena napa ole antheh awery thoworo napa nane ra lele seku. ²² Inddeh! Kiru acho eleh andu ma mobu nena napa ne anyi kombwe ‘bad’a nidi wo, azze kiru api od’ub’a kuwuwe ri thoworo ne nena napa roka eleki angwi mob’a anyi ka mud’we amud’we nethumogo niah wo nena napa ro, eya nguna lob’a antheh nena napa ri eab’b’u kappa kaki ra lele ‘se oho na anyieh. ²³ Ma kiru eleh andu miraranya ri nena napa ri erebi kappa ne anyi kudda kale wo, azze kiru eleh andu kachi leebithi konone oddo ma mod’i oloro kundu ri yeye ne aside ro. Kiru eleh andu ma mi’bwe’bwela ri ammi ni wo d’id’i ni mokwe easu awery eab’u aweka nongazo niki. ²⁴ Ama ammi nimbi thytira rika eleki, b’anny alokwa ro leebithi od’ub’a adi oruu rinne napa elenikuka eleki, angwi boa di inne nga alokwa od’ub’a ‘setan ri ungwe kana ithi ri kakiku ma mo’jo ammi oddo, ma ab’a chandi alla ammi nidiku! ²⁵ Ama kombo nga oloro ammi ra eleni, oggo iruuta awe anyo eabeh ta aside aka anyo lokojo ma ri eassale. ²⁶ Mod’i oloro kitella ri itella angwi mod’i oloro kowe nga ma ri owe kana ne tokojo awery rikole, kiru eleh andu ma mokwe nyigoo kappa eleki ri opopi ne pye awe ni wo. ²⁷ Lago kiru eleh andu kimbeh ri lob’a ne thore (olury) oloro od’o nane ‘se anyo wo, azze kiru eleh andu lago kidada ri lob’a ne easu ludy ri ithang’a nini azze kufuri eggaru wo. ²⁸ Oggo easu andaa ma ri kakoko napa na iyzo nini anthema ra lele ‘se, kiru angwi eleh andu ma mokwe lago ni lothulo ipoko rina ne anyo wo. ²⁹ Kiru mod’i oloro be ro eleh kola be anyi beya keari nga kappa oyuru ri ojo kana kachi kappa nika kaki.