¹ Ma meari oli no ouh towe kongwe orri jo romomyile nane niah azze kojo anjilu twodi eryka eleki ne oddo, “ivvota azze nochu orri ri agoh ri itikwe ri aha twodi eryka eleki ne bouwa.” ² Azze anjilu athii rina koki azze kochu itikwe ri aha awena ne bouwa kozye azze kiru ruw ri arerech biro keassa banny oduba paring ri ealeh roka eleh ni wo banny oduba andda osso anya bouwa lago I ru seka eleki. ³ Kiru anjilu ri reezo ochu itikwe ri aha aweka mearyi niah. Azze mearyi napa kufuri eariru wo, kede modo modi oddary ri eari, azze kiru nga ololowba meari niah ri kaki leebithi udda kale wo. ⁴ Kiru anjilu ri naaz rina ochu itikwe ri aha awena golo golo niah iyi ri anjilu ro, azze iyi kappa kufuri eariru wo. ⁵ Azze ma meari ri anjilu iyi niah r inane kojo oddo, “acho deya me thoki-modi oloro ilia angwi modi oloro andda, modi oloro kaggwy-kobwo me ilii nga kappa eleki ri lokiko kale bwo. ⁶ Kobwo loba ichu aggwy riba ri eari kale mia riba ro, azze kiru me nokwe loba ni eari kappa ne ombule wo; kobwo oggo loba kondu eari kappa ni anyo” ⁷ Azze ma meari ri kachi ri thaka kinyopa ri oddo, “Eyodo, rimba natha orri nga rika leebithi, me nolii lokiko ne ser angwi thoki.” ⁸ Kiru anjilu ri suuzo rina ne ochu itikwe ri aha awena theakealio, azze kiru theakeali napa anyi kigwe banny kale wo assi se. ⁹ Oggo kiru banny kogwe api ro eamebwo se wo thwet, azze kiru loba kimena ri orri ri ru ne wo, oloro oddanguru kappa eleki ri ambamba aka. Loba kiru ole antheh quwo angwi ole lago nikku quwo. ¹⁰ Kiru anjilu ri thowzo ne ochu itikwe ri aha awena paring ri opopi ri kite nidii, azze kiru bou kako muu paring ri opopi ri kite napa nidii wo one tiet. Azze kiru loba kinyakala ri syi ni wo kobwo kaza. ¹¹ Kiru loba kimena ri ruthu ri orri ne azza opine nane se wo ruw ri ilandu ro, azze ge loba adi koga antheh ne embe nga loba ri owe kana kaki se. ¹² Kiru anjilu ri aziazo ochu itikwe ri aha awena ena golo ne thumogo niah, Eupharate. Kiru azze golo napa ri iyi konju anji leya kithethena ajju ri oppi ni leathy oduba keavvo a ie ri adoh lele se. ¹³ Azze ma monddeh kiru oyuru boronjo anthee ro kaki ne wo kapile naa kiru nonddeh kede modo ododu keaqui arra ri thy lele se, paring napa ro, azze mia riba lodo rika kaki. ¹⁴ Kobwo loba oyuru setan rika kuwuwe ri thomia ri quetechi injwika ne anyo. Loba kovvo angweh ajju ri oppi milili rika rap ye anyi beya kututu loba ofo nalobe inee ne thumogo orri nga rika leebithi ri dwari ri dii ri akozo nan era. ¹⁵ ("inddeh! Ma eleh meaki oguw nini koy! Longa modi oloro kiruruka atheleni na eleni ni anyo, kiruruka awery meke ne intharu anyi beya awe kodo oki angweh londoruku azze loba konddeh awery tholondo ri chandi ne") ¹⁶ Kiru loba eazee loba ofo nalobe wo ofo napa ungwe ri oddo aramagedon Heburo se. ¹⁷ Kiru ilia wo azze anjilu ri twodieryzo eleni ochu itikwe ri aha awena olya anyo wo. Ilia wo azze kiru oli no ouh keaqui angweh wo orri ri jo romomyile nane ra lelese oppi ri kite nane ro, kejo oddo, “ achobo owe kale bwo!” ¹⁸ Azze kiru kuvwe akana med’et, kiru kandu wuuu, azze iyi lovwe kofwe tayi, azze kithekithe ne thumogo alla koyori bou ne kiru kejeke-kithekithe ne thumogo alla aggo adi oyo ri ileku towe quwak oloro kopeh eleni ne ge andda banny ri olowle bouwa wa, kiru kithekithe napa eleni thumogona ne wo. ¹⁹ Kiru eiy ne thumogo napa nane eadda laa ofo kaile naa, azze nyigoo ri e iy kappa kiru uzweri bouwa thothoyom thoyom. Ilia wo kiru orri eyeye Bybylo thumogona, azze lago kokwe e iy napa ni itikwe ni iga thoo iwah se owe awery agah kappa othazo kaki ra lele se. ²⁰ Kiru pipi leebithi eagwe kale wo, angwi beabeah eassu dokwo. ²¹ Kiru ururu ri lopa thumogokaru angethethekaru, azze keazo bouwa wo ruthu ri lele se banny nidii rothorothorotho. Azze loba kogow orri ne wo kiru oddanguru ururu rina nane se, oddo Wee! Wee! Wee! Orri ne ndeke nane kobwo oddanguru napa towe thumogoru opopeh toh.