¹ Ilia wo azze monddeh quetechi alla ne ruthu niah, thumogoru azze kokwe ruw kochu ake ne kiru anjuluji akan twodiery oddanguru ro twodiery, oddanguru kappa riko rika kiru orri ri agoh eleh andu koko loba se wo. ² Azze ma monddeh nga alla ne ke oweh mearyi nini milamila ocha ri assi ro kiru banny oduba andda itella paring neka kaki ovwi awena nane ro lokede awery ru niduluzo nane roka kaki keddeh mearyi napa ri adona se. loba korun lekemble orri ri okwe kana api ne kaki ne se. ³ Kiru loba kongo Moser i ongo ne, orri ri opeogo rina ro kobilogo ri ongo ro oddo; Rimba natha orri leebithi rina owowe ne thumogoa meka eleki ruw ri ake nuchuchu ro Duki pi thokithoki ro eleki leathy meka ajju ri ossi ngigoo. ⁴ Rika adi nguna eleh andu orow meku ne, rimba natha, angwi ikku me ri ruku ne? kobwo me alobe naggwy. Nyigoo leebithi eleh andu keavvo azze kosso anya ne bouwa me ri anda kobwo me ri owowe kappa ri thokithoki ri auw eafu kale oho” ⁵ Nga kappa eleki ri bubuwa wo kiru ma monddeh, azze orri ri jo romomyi le oloro aryi riba ri obila aka ithi nane opee ri bwo aka ruthuwa na. ⁶ Kiru anjiluji lwodiery eaqui angweh ofo naggwy no ouh napa nan era lele’se kiru korun oddanguru kappa lwodiery ka kaki ne de se. loba kiru athatho ri kaggwy, rewarewa ogi ri mendele ro api ri agdii. ⁷ Kiru bga iffu kana suu lidyaka eleki okwe ogi ri itikwe ri aha lwodiery anjiluji twodieryka eleki ni ogoga thoothoo orri ri agoh se, oloro kolow nyonyo azze nyonyo wo. ⁸ Kiru orri jo napa romomyile nane ogga thoo assga se orri ri akku napa ra lele’se angwi lago ri ambamba napa ra lele’se. modi alla oggo oqui orri ri jo napa romomyile nane raku tokojo oddanguru kappa twodieryka anjiluji twodiery rika kaki ri okole.