¹ Kiru ma manddeh iliii azze monddeh na kobilogo keddeh beah Ziona rina nane nidii. Kiru banny 144,000 oduba andda iwro lago ri ru api ri anda atheh rina ro kaki lago ro akana. ² Azze ma mea ri ri oli ne kandu wuu easu iyi nabi niki angwi olina kandu iyi lovwe nini ruthu ri lelese. Oli napa ma ri eari kana nane kede modo lekembe riba komba api ri lekembe ne kothotho ne. ³ Loba kongongo ne opopi ri kite ri andanda angwi nga iffu kana suu lidyaka kaki ri andanda buluka ro. Modi alla kiru inne ongo napa doku eya nguna banny oduba andda ogeh kana bou ri lelese 144,000 ka elekina anyie. ⁴ Eleki banny oduba andda adi anjo api ri ruw monoji se iku raku, kobwo loba iruruka ruw apika kale thoworo lelese anyi beya api kagagwy. Eleki banny oduba kovovwi ri kobilogo napa ri bu ne ofo awery awaway le eleki ra eleki achobo ageh loba banny ri kaka kappa ra lelese kede modo oka athii rika orri ni angwi kobilogo napa ni ⁵ Lodo adi easu api rikaki ri thyoku, angwi kiru imonyo loba guwo. ⁶ Kiru ma anddeh anjilu alla kiwijo orou ri agaga niah se, lago azwe nintha nyonyo rina ro anyi kobbeh banny osuba kololow bouwa waka eleki ni nyigoo kappa eleki ra leebithi, kaka ro ong olu ro, banny ro ⁷ Azze kiru lago kongwe oli no ouh se wo towe oddo; “irowta orri orow angwi ikweta lago ni akku okwe. Kobwo lao lago ri lokiko noliizo ne eassa kale oho. Issota anya bouwa lago ni anyo wo, modi alobe oloro oba ruthu pi bou ro, meari ro azze iyi ri mii nane” ⁸ Kiru anjilu alla nane anjilu ri reezo kovwi bubuna ne, kojo oddo, “odeh kale bwo, odeh kale bwo Bibilo ne thumogo nane, oloro andda iticha nyigoo ri banny leebithi anyi kombuw iwah aweka thoworo nuwuwezo kaki” ⁹ Kiru anjilu alla nane anjilu ri naazo kovwi lobar i bou ne, kojo oli no ouh se towe oddo, “eya modi oloro kosso anya ne bouwa paring ni anyo lago ri ovwi ro, azze ka iy ri ealeh ni awery anda eyabo awery dea, ¹⁰ Acho lago eleh andu angwi kakuri arri ri agol ri iwah kappa kaki ri alokwa ne aku do, iwah kappa ochu kana orri ri agoh ri itikwe niah oduba adi ejulukuka kaki. Modi oloro kakuri iwah kappa ne aku eleh andu ingongo ri assi se anyo wo oya ro orri ri anjiluji kappa agagwyba kaki ri andanda wo angwi kobilogo nane ri andanda. ¹¹ Kiru assiga api ningongozo kaki konga orou d’uuu nyonyo azze nyonyo, ovuka ke ithuta ineegota eleki banny oduba kusso ri anya ne bouwa paring ni awery ovwi napa ro, azze banny leebithi oduba ka a iy ri lago ri ealeh ri ru neka eleki; ¹² Banny agagwyba eleki kungwe ri aside nebbeh reabyzo ne ne wa, api oduba kiruruka ri orri ri kayuyuko kappa ne iruruka eleki yesu ri regeny ro” ¹³ Azze ma meari ri oli ne ruthu ri lelese kojo oddo, iwro ini oddo; lonya banny odubak udda rimba natha ra eleki ni” “eyo,” Oyuru kojo oddo, “achobo anyi beya loba koru api ri eabu kaki ra lele se, kobwo api ri owowe kappa kaki eleh andu kovwi lobar i bu ne” ¹⁴ Kiru ma manddeh iliii azze deya lofu nangwecholo akana kiru modi alobe orei lofu napa nidii kede modo modi ri ngwago. Kiru ogi ri ayanga lago deo azze maseta nassi lago r idea. ¹⁵ Ilia wo azze anjilu alla kequi angweh orri ri jo romomyile nan era lele se azze kungwe ri modi napa orei ri lofu nidii r inane ne oli no ouh se towe oddo; nuu me ri maseta napa azze nidala ri ocheh ne wo. Kobwo lao ochehzo eassa bwo, kobwo lao onya ri okazo bouwa wa ritietiepazo.” ¹⁶ Ilia wo azze modi napa oloro orei lofu nidii nane kiwiri awery maseta napa ne bouwa wo, azze bou koba onya ne koka wo. ¹⁷ Kiru anjilu alla nane keaqui angweh orri ri jo romomyile nan era lele se ruthuwa na; angwi gel ago maseta ro. ¹⁸ Kiru ge adi anjilu alla aka keaqui angweh thaka yulia rina nan era lele se, opopi awena kiru assi wo. Azze lago kungwe ri modi oloro maseta nassi napa eleni azze nulii ri oka kappa eleki ri eambeh ne kale onya kappa bou rika eleki ra lele se, kobwo oka kappa oka lale bwo” ¹⁹ Kiru anjilu napa kwiri awery maseta napa ne bouwa wo azze kodwa oka kappa okaba bouwa waka eleki ne wo. Azze lago kobu maseta napa ne lowiwindi ne thumogo orri ri agoh rina nane niah wo. ²⁰ Kiru lowiwindi napa ri yoyo assee eiy ri angangweh wo, azze kiru earyi kochu angweh wo lowiwindi ri royo napa nan era lelese labi ri roggo ottuu kana nan era par, tokojo apey mudi mudury ree (in this Bible written 1,600 kilo, but it is 180 miles).