¹ Kiru anjilu kapa twodieryka kaki ri alla alobe oloro korun itikwe riaha twodieryka kaki ne nane eaki azze kojo ma’ni oddo,”Eakiba, ma eleh menna ri me ni thoworo ne thumogo nane nimwo ne kale wo oloro kichaka iyi nabi kaki niah nane. ² Ajju ri oppi bou rika eleki owe aqui nena napa ra. Kiru banny olowba bouwa waka eleki imeara dud’it nena napa ri iwah thoworo rika kaki se wo.” ³ Ilia wo azze anjilu kongi ma ne kale wo oyuru niah kujoto, azze ma monddeh mod’i nizi ne kede paring a nakeli ni dii oloro ru rimenazo kaki aga aka thoo. Paringa napa ri twodiery azze, ojuka mudury. ⁴ Mod’i nizi napa atho meke nab’ulie pi akelina ro angi ogi oka, rego ri ony ro azze toro. Kiru nena napa oruu ogi ri itikwe dea aga thoo walewale ninjwi ri aga kapa se anthee aweka thorowo rika kaki ro. ⁵ Kiru iwro ru nena napa ri anda d’ukina ambwe kale(Onne d’ukinaku) oddo: bybylo ne thumogo, woroori ande walewale ninjwi bou rika ro. ⁶ Kiru ma monddeh mod’i nizi napa imera dud’i wo banny agagwybaka eleki ri earyi se banny uddaba yesu noryi seka kaki ro. Kiru kuse ma anddeh nena napa bwo, azze kiru ruw ri ake nochu ne thumogo alla korum ma ne wo molia kenekene dini wo. Kiru ilia wo azze anjilu kojo ma ni ⁷ oddo,”Anyi da me ri ruw kolia ad’oh? Achobo ma eleh andu movwwe ri me ni modi nizi napa elen ri duki ne ovwe paring a napa nena nogu ri nane ro, paringa oloro diika twodiery angwi ojuka mudury nane. ⁸ Paringa napa andda me ri andderh kana kolow wa nane kiru olow wa guwo elenini, ama achobo kethu orou wo ofo naliikithi oloro assee doku nane ra lele se. Ilia wo azze kiru paringa napa koki mworowo. Banny oduba kololow bouwa waka eleki, api oduba ruka adi iwro lidy ri kawro niahkuka eleki piroge andda ri dalale sena kiru eleh andu ruwka kochu ake ne wo eya loba anddeh paring napa oho na, kobwo andda paringa napa dow wa daly alobe ama elenini olow doquwo, angwi lago eleh andu kengengwi da. ⁹ Rilimi modi doro milomba rina wa deya. Dii twodieryka kaki kenna ri beah nazo oloro modi izinia napa orei diina nane ne. Angwi loba kenna ri ajju ri oppi ne twodiery: ¹⁰ Thowka kaki oddeh kale bwo, kiru alobe adi licy, azze bule rina nane adi eakiku, azze kiru eya lago eassa oho oggo lago kassee daly alobe lao aleiru. ¹¹ Paringa napa andda olow ri wa daly alobe nane ama elenini olow quwo nane awe ajju ri ossi orozo ne, ama azze awe twodieryka kaki ra lele se azze kiiru oba rimwo anyo wo. ¹² Oju muduryka me ri onddeh kana kaki kenna ri ajju ri oppi ne mudury oduba adi oruu opopi anyanga rikaku kiru loba eleh andu ka iy ri kakoko ri opopi ne paringa napa ro lao alobe. ¹³ Loba ri yeye alob azze kiru eleh andu kokwe api ri ambamba ne kakoko paring ni wo. ¹⁴ Azze kiru eleh andu loba keasi ri kobiligo ne wo, ama azze eleh andu kobiligo napa kiru kiru kitella ri loba ne wo, kobwo lago rimba natha ri rimba nath angwi ajju ri ossi ajju ri oppi rika, azze kiru oduba ra kaki ungwe ri loba ne, eapeh kana, angwi egeny riba. ¹⁵ Ilia wo azze lago kojo ma ni oddo, iyi kapa andda oduba me ri anddeh kana kaki woro zinga napa kolow aka kenna ri banny ri lokedeh ne thumogo ne, nyigoo ro, azze leada. ¹⁶ Ohu mudury me ri anddeh kana kaki paringa napa nane ro eleh andu kiru kothi woro zinga napa ne asidio wo; loba eleh andu koyee nena napa ne dini wo, angwi londuru wo, kiru loba eleh andu konya nena napa ri ru ne kale wo azze nena ne assi se wo. ¹⁷ Kobwo orri oba api ri ududuwo anyi beya kozee awery yeye napa angweh anyi anyi beya okwe api ri opopi napa paringa ni wo tokojo orri ri arari kapa ri okole. ¹⁸ Kiru modi nizi me ri anddeh kana nane kenna ri eiy ne thumogo oloro ajju ri oppi bau rika korun ne nane ne.