¹ Ile a vga andaa lungwe andaa maju mudwi a limbi ri ile kare aluga, pi ke a’ini mori pi opko to ori andi ri ni zwa zo, pi ‘ba adizo lajwa lajwa a si. ² Pi andaa zwe a’i le’jo keri Rubanga di ni ngezo, pi ‘ba adizo lajwa lajwa a si. ³ Pi andaa jo a’ini, anzizi nga zi anya awe ni ku, keru bele sa, deku kubegu sa, kolu peke sa, rubiya to, ongu anyizi koti ri ku. ⁴ Ongu zo anya rutore ga ri anyolu kaka kufsa ko anya oyinga. ⁵ Ongu ‘ba anyini a’i ‘ba ku ri, de anyoyi ‘ba ileni ga si, anyotu urufu’du anya pa ga ri pi sadeni du a’ini esikire ga. ⁶ Pi voki ‘ba ile ni aga si tuwadu kungeki ofu loso ri ‘i, pi kadiki ‘ba kare tuwadu ga si. ⁷ De Erode ni opi amba ile keri nga tuwadu andaa edele ri’i: andaa a’u cwi a’dusiku ‘ba zi’ba ku’jooki yoane enji dag a si pi. ⁸ Zi’ba kujooki, Eliya efu ni, pi zi’ba a’jo nebi go alu nebia ofu oku ge ri enji ni da asi. ⁹ Pi Erode ku’jo, yoani ni le mali di na tu ti mo’di ‘di andaani a’di ‘i, le’jo na ma erile di ‘i? anyosi andaa le ophosi andaa ni ndele. ¹⁰ De maju kengwi, joki andaani nga tuwadu a’i a edele rii. Pi andaa zi a’i cicirini fororu aga ‘ba lungwele Bethsaida ri a bara ga. ¹¹ De ‘ba keri ofu ile koki andaa vu laka, pi andaa a’i a’i ra pi nge a’ini le’jo keri Rubanga di a ruge, pi adi ‘ba adika le’ba ri ra. ¹² De kusa ire itu a ‘dere, a’i mudwi a limbi ri ile, evoki ‘joki andaaani, zwe ‘ba ‘di pi, dudu kuwoki tauni aga kare ire ire laka si ri to o’du korepi onya esuzo, a’dusiku ama o’dia fororu aga. ¹³ Andaa ‘jo a’ini, anyike a’i ni onya. Pi a’i ku’jo, amadi aa ri mugati esu tou e’bi ri to, de azi amavo onya egere ‘ba ‘di ni le anye. ¹⁴ A’dusiku esu ‘ba ile a weli kate ago alifu tou. Pi andaa ‘jo andaa maju ni, anyi’ba ‘ba kori vuru mudwi tou mudwi tou’bunyi alu alu ga. ¹⁵ Edeki ileni pi ‘baki ‘ba tuwadu ori vuru. ¹⁶ ile a vuga, andaa ‘du mugati tou e’bi ri ile, pi nde nga oru rubuge pi co tutu ru na pi ni ga kudi a’i ni ongu kudi kre andaa maju di dudu ku’baki laki ile a andaga. ¹⁷ Pi nyaki onya ile pi gaki de de, ongu taki onya lesire ile ga evo mudwi a limbi ri. ¹⁸ Esu andaaani a’dite kelegi, maju andaa di sa esu andaa to, pi andaa zi a’i ku’jo a’i ni, ba ku’joo ma a’di ‘i? ¹⁹ Akaki andaa ni ku’joki, yoani ni ‘ba ebatiza re ri ‘i, ti zi’ba bujooki, Eliya ‘i, ongu zi’ba sa ku’jooki mo’di zi nebia oku ri pi ni aga si enji lidi ni. ²⁰ Andaa ‘jo a’i ni, anyi le anyi’joo ma adi ‘i? petero aka ku’jo, masiya ni Rubanga di ri ‘i. ²¹ Pi andaa ecara a’i opkosi ku’joki nga ile ‘ba zi ni ku. ²² Andaa ku’jo, ori mo’di ni duba si le becandi ru nga karako aga, ongu amba’ba di kohanaa amba ri a’i cara lucwi’ba di to kuvo kugaki andaa ni imgbe, kudiki andaani ra pi avo enjia pi o’du na a vuga. ²³ Pi andaa ku’jo a’ini tuwadu, de mo’di le maa vu ni okoka, kulee andaa kuga andaani andaangasi ingbe, kungi andaa kuruce o’du tuwa pi koko ma vu. ²⁴ A’dusiku mo’di lere andaa kalari andaa lidi rii kelegwee ra, ti mo’di andaa lidi ni legwere masi ri kalari andaa lidi ra. ²⁵ A’dusiku kekonyi a’du mo’di ni de andaa kesu vu ‘di ndutu de andaa lidi kelegwe ra, ku sa kenyiru ra na ‘i? ²⁶ Mo’di dinja a kole masi pi ma le’jo si ri, ori mo’di saa dinza kumu kukoo ra andaa (ru ge) si, saa andaa engwinga andaa yayi to pi yayi Rubanga ata di to pi anjeli ole ri di to. ²⁷ Ti ma’joo anyini, ‘ba zi ‘ba ede’ba ‘dia ri vo daki ku kesuo ndeki keri Rubanga di kuru du. ²⁸ O’du kumu rare aro le’jo ‘di pi a vuga, yesu zi petero pi yoane to yakobo nil aka, tu a’ito be dige elegy re. ²⁹ Saa andaa elegire ri si, andaa anda ecoru mgbi, andaa bongu saa ecoru ingwe kususu. ³⁰ ‘ba eri lendeki kolo’jorukii andaa to ‘ba ile Musa pi Eliya to. ³¹ A’i saa leadekii yayi to, lo’jorukii ovi andaa a vu ‘di ni e’bezo ri a ruge, andaa a mule ekole Jerusalem ga ri ‘i. ³² Petero pi maju andaa to ile esu o’du ate a’ini opkosi kesu a’ia mi ni mgbo saa ‘i, ndeki andaa yayi ile ra. ³³ De esu’ba eri yesu to ile leki yesu ni e’bele, petero ku’jo “amba, oluka ‘diya loso, e’be amide morogo na, alu nyini, alu musa ni pi alu Eliya ni” Esu Petero ni ku nga andaa ‘jole ri ‘i. ³⁴ Andaa le’jo ‘di ni ‘jore ri, lofu emu la’bu a’i cwi, ori ko a’i cwi lele lofu a a’ini lu’bure cwi ile si. ³⁵ U’duku emu ru’buge si ku’jo, “Di ma angwapi ni maa ovile ri ‘i, anyeri andaa ni.” ³⁶ U’duku ‘di a vuga, esuki yesu lesi a’dule. Maju ile olukii ciri. ‘jokii mo’di zi ni kuru nga a’i a ndele ile ri ‘i. ³⁷ O’buregi na si, de esikipi’be dige si, laki ‘ba di esurukii andaa to. ³⁸ Ago alu laki ile ni aga si jwa u’duku si ku’jo, “Loponyi, ma’I nyi kiza si, nde maa ngwa ni, adusi ku ati andaani alu papala,” ³⁹ Nde, ceni injwi ri kemu ru aru, ku’ba andaa kowu, nga kukuo, kezi kafuto ti a ru, ru na konguru mgbu mgbu pi nga ru a ru si ezeku ⁴⁰ ma’i ny’aa maju kiza si duku kudokiipi ruaru si, ti doka na zwa a’i ra. Ma’i ny’aa maju kiza si dudu kudokii pi ruaru si, ti doka na zwa a’i ra. ⁴¹ Yesu aka ku’jo, “anyi ‘ba kare ‘didi, anyi a’i ako, pi anya ovi enji ru ra. Mamu molu anyito ko a’dungani? Mamu mepi aside anya ru geko a’dungani? Ezi nya ngwa ni ‘diya.” ⁴² Lele andaa emure yesu di ri ‘i, ceni ‘be ‘bura ile vuru nju andaani opko si. Ti yesu ecara ceni injwi ile, adi ‘burago ile pi ke andaani ataa di. ⁴³ ‘Ba ile tuwadu a’ukii cwi mori Rubanga di si. Ti lele a’ia a’ure nga tuwa yesu a edele ri si, andaa ku’jo andaa maju ni, ⁴⁴ Anye’be le’jo ‘dipi kukwi anya bi ge: a’dusiku ori mo’di ni avo akee ‘ba dig a. ⁴⁵ Ti eriki le’jo ‘di a pakwi kuru, pi zuru a’ini di, dudu kunikii ku, pi orikii ra andaani zi re ga le’jo ile a pakwi si. ⁴⁶ Le’jo kipele di efu maju lelega, a’di ni amba ni a’ia lelega dige. ⁴⁷ De yseu kuni nga a’ia asige ile ra, ‘du ‘bura angwa ‘ba andaa bara ga. ⁴⁸ Pi ku’jo a’i ni, “mo’di ‘bura ‘di ni a’ire maa ru si ri a’I ma’i, pi mo’di mani a’ire ri a’i mo’di mani ezwere ri ‘i, a’dusiku mo’di toro anya lele ga ri adaani kumu kolu amgbu ni anya lelega.” ⁴⁹ Yoane aka ku’jo, “amba, amande mo’di zi kudo ori injwi ri nyaa ru si ti amaluga andaani cwi, a’dusiku andaani oko nyaa ru ama to kare aluga ku. ⁵⁰ Yesu aka ku’jo andaani, anyuluga andaani ku, a’dusiku mo’di anya o’ja’baazi ‘i ku ri anyito kare alu ga. ⁵¹ De saa kesa ire andaani ngizo oru ri’i, andaa ta asi opkosi muzo Jerusalem. ⁵² Andaa zwe maju andaadi zi’ba andaga votorukii ‘ba zi samaria ‘ba di ni ga kare ederega andaa ni. ⁵³ Ti samaria ‘ba ile a’ikii andaani kuru a’dusi andaa esu ‘ba asi muzo Jerusalem. ⁵⁴ De andaa maju Yakobo pi Yoane to kundeki nga ‘di, ku’jokii opi, nyile amalungwe asi ru’buge si keko a’i pi ya? ⁵⁵ Ti yesu lufuru, luga a’i ku’jo, “Anyini ku asi aa anyini aga ri ‘i ” ⁵⁶ A’dusiku ori mo’di ni emu’ba ni lidi ekore ga ku, ti larire na ni ga. “Di a vu ga voki’ba zi ni ga. ‘ba ziba leka yesu a vu ni okoka ri ‘i. ⁵⁷ Lele a’i a lawere leti ge si ri, mo’di zi’jo andaani, “mamu moko nya vu kare nya mure ga ri nig a si tuwad” ⁵⁸ Yesu aka laka ku’jo, “uba aa ‘ba a’idi to, ariinyi’bu aga ri saa zo a’idi to, ti ori mo’di ni kare ako andaa di ni ati zo” ⁵⁹ Andaa ku’jo mo’di zi ri ni, “Eko maa vu” Ti mo’di ile aka ku’jo, “amba, e’be adi ama mu amesi mata ni pa” ⁶⁰ Yesu aka ku’jo kaka, “E’be ‘ba ada’ba ra ri kesi a’ia ‘bazi ada’ba ra ri, ti nyidi mu nge le’jo kezi Rubanaga di a ruge.” ⁶¹ Mo’di zi ku’jo “mamu moko nyaa vu ra amba, ti adi e’be amamu asscecara maa ‘ba.” ⁶² Yesu ku’jo laka, “mo’di zi iyo aso ti di ni kore pi ongu nga ndere andaa oguge ri kate oluka keri Rubanga di ni ga.”