¹ Uku oko yesu pi a vu maju to ile a vuga andaa mu e’i rogo pi ciri ri ni aga si le’jo Rubanga di ni nge si, pi ofu loso kesi Rubanga di ni e’deteka si: pi maju mudwi a lisubi eri ri ‘aa andaa to. ² pi uku zi’ba andaa adile lajwa a si pi ori audi ri ni dore pi a’i a ruge si ri, maria magadala ni anda ado endi andi tudweri ru a ru si, ³ pi Joana izi kuza ni Erode a i'bure ri di, pi Susana, pi zi’ba karako to, elokoki andaani nga a’i a diga ri si. ⁴ De ‘ba kemuru kakako, pi evoki andaadi e’i mgbi ge si, andaa jo a’ini le’jopa ⁵ mo’di losire mu ori yire ga amvu aga, pi lele andaa ori yire ri’i, ori zi’ba ‘de leti bara ga, ‘ba lutu pasi, pi ariinji oru si evo tekiipi. ⁶ zi’ba ‘de aramba dige, mgbesa nga emi, pi saa o’usui pi emi, a’dusiku inga lakatoro. ⁷ Zi’ba ‘de oki lelega pi mba oki ro alu pi oki epi ra. ⁸ Zi’ba ‘de inga loso ga, nga pi mba loso, pi’ba ekwi vumiya. De andaa keko le’jo ‘di pi ni’joka ra andaa’jo u’duku si, mo’di bi to le’jo erizo, keri. ⁹ Pi andaa maju zi andaani kujokii le’jopa ‘di ke’dete a’du? ¹⁰ pi andaa ku’jo, anyini ake lani nga rugure di keri Rubanga di a dile gar a, ti ‘ba zi’ba ni ake le’jopa ayo, e’bedu kesu kundeeki saa dudu kundeki ku, pi keriaki saa dudu kunikii ku. ¹¹ Diadu le’jopa ‘dii andaani ‘dini, ori andaani le’jo Rubanga di’i. ¹² A’i leti bara ga ri a’i ba le’jo eri’ba, ongu sitani kemu ku’du le’jo a’i a erile ile pi a’i a asi ge si, dudu a’i ka’i ku ongu kalariru ku. ¹³ A’i aramba ga ri, a’i ba le’jo eri’ba emi asi I’bwe to, to a’i a zu enyo kukokii a’i a ‘ai ni vu gaangwadu isa, de lu’bilu’bi a’ini, ke’bekii ‘a’i ile ra. ¹⁴ A’i ‘de’ba oki lelega ri a’i ‘ba de kerukii le’jo ra kuvoki, pi lusalura lidi di, pi limi nile’jo pi anjoanjo lidi vu dige ‘dia ri di kepi le’jo ile e’bedu ‘ba o’a ku. ¹⁵ Ti a’i inga loso ga ile a’i ‘ba asi anda pi loso rii, de kerikii le’jo ile ra, kukooki, pi ku’aki o’a asidi epika to. ¹⁶ Mo’di zi iyo lamba dure pi akure evo si na ‘i, kusa’bare lengeri pa ga na’i, ti ku’baa mega dige, dudu ‘ba ruto’ba zoga ri kundekii asi ile. ¹⁷ A’dusiku nga zi ruzure di avoani ku na iyo, kolu nga zi zule di avoani ku muze efure laangwe ku ma iyo. ¹⁸ Ayosi anyekukaru nga anya erile ri nig a, a’dusiku andaani nga to ri avo enjaa laka ra, pi andaani nga ako ri avo a’du nga andaadi lendere gaanwadu ri sa pi. ¹⁹ Ile a vuga, andaa ende pi adiinji to evoki andaadi, ti ateki kuru sase ga andaa di’ba ni laki si. ²⁰ Mo’di zi alu mu’jo andaani, nyende pi nya adinji to edekii laangwe, leki nyini ndele. ²¹ Pi andaa aka’jo a’ini, mede pi maa adinji to a’i ‘ba le’jo Rubanga di ni eri’ba pi vuna ni oko’ba ri’i. ²² O’du zi si, andaa kwi i’bo aga andaa maju to, pi andaa’jo a’ini, nyi’ba avokii meri a’do na si. Pi e’doki rupeka. ²³ Ti saa a’i a rupere ri andaa ko’du li, pi oli enga amgbu godu meri dige, pi i’bo e’do gaka iyi si, ‘ba a’i a lidi emu okpo. ²⁴ Evokii andaa di pi enjikii andaa ni ku’jokii, amba, amoda. ‘Di a vu ga andaa enji o’du ge si pi ke cara oli ile ni pi iyi rongare ri to, pi edeki cwi ongu vu di ciri. ²⁵ Pi andaa ‘jo a’ini, anya a’i inguwa? Oriko a’i ongu ‘a’ukii cwi, ‘joki a’i a lelega ‘di mo’di ovi ingoni ri’i? a’dusiku andaa kuke cara oli ni pi iyi ni ongu a’i saa kerikii andaani. ²⁶ Pi esaki vu ‘ba Gaderene di ni ga, asore aso Galilei to rii. ²⁷ De andaa kutu a’doga i'bo aga si, ago zi esuru andaa to e’i ile ni aga si, ago ile esu (endi injwi) ceni karako to zi saa ra, pi andaani ndoloma, ongu saa olu yooru ku, ti kolu ‘budi a si. ²⁸ De andaa kunde yesu ni, andaa jwa asi pi ‘de vuru andaa andaga, pi andaa ‘jo u’duku oru ri si, maa le’jo nyito a’du, yesu, nyi ori Rubanga ni oru lagare pi ri’i? ma’i nyi, ecandi ma ku. ²⁹ (Esu yesu ecara endi adi ile kunga pi ago ile a ‘aga si, adusiku vu karako ko andaani: ongu saa ovuke ago ile mgbirila si, ti andaa oke mgbirila ile pi, ongu endi andi ile do andaani mondi aga.) ³⁰ yesu zi andanni ku’jo, nyaa ru a’di ‘i? pi andaa aka ku’jo legion ‘i, a’dusika endi andi kakako torukii andaa ‘aga. ³¹ Lutokii ti andaani duudu kuzwe a’i gulukutu ‘aga ku. ³² Pi esu kare ile nig a robala kakako konyakii ‘be dige: pi lutakii ti andaani duba ke’ke a’i kutoru rabala ileni ‘aga. Pi andaa a’i a’ini ra. ³³ ile a vuga endi andi ile oyikii ago ile a ‘agasi, toruki rabala, aga, pi rabala ile fekii mori si pi jokii meri a ga pi omvukii ra ³⁴ De a’i rabala ile, ni leyi’ba ru kunde ki nga redere ile, feki, voki joki le’jo ile ‘ba ile ni aga pi vu ire ire ri pi ni ga si. ³⁵ Pi ‘ba ile evo nga redere ri ni ndere, evoki yesu di, esuki mo’di endi andi ri a oyirega si ri ni yesu a paga (bara ga) su bongu ruge pi lara na pelere, pi ori ko a’i cwi. ³⁶ Ai sa nga ile ni joki le’jo a’i ni ovi ago endi andi ri a olure ‘a ru ri a adizo rii. ³⁷ ‘di a vuga laki ‘ba di engare vu Gadarene di ni ga si ri a’iki andaani kunga pi a’idi si, a’dusiku ori ko a’i ambamba: pi andaa mu tovu i'bo aga pi (dadi) ngwi vule. ³⁸ Ago endi andi a oyile ‘a ru si ile lutati andaani dudu andaa kolu du andaa to: ti yesu zwe andaa ni vule, ‘jo laka, ³⁹ ngwi nyidi zoga, pi e’dete nga amgbugodu Rubanga a edele nyini ri’i. pi andaa mu andaa nga, e’do le’jo laseka ‘ba ile nig a si tuwadu nga amgbugodu yesu a edele andaani ri a ruge. ⁴⁰ De yesu kengwi ‘ba ile ni ga, ‘ba a’i andaa ni anjo to: a’dusiku esu kuteki andaa ‘i. ⁴¹ pi ago lungwele jairo ‘i ri emu andaa ni amba zo elegy di di‘i, pi ‘de vuru yesu apaga, pi a’i yesu ni dudu kumu andaa di zoga. ⁴² a’dusiku esu andaa zangwa alu tende kinya na mudwi a limbi ri rii lajwa ‘be vuru kuda da. Ti saa andaa muze ri si ‘ba ni laki epiwki andaa ruge. ⁴³ pi izi zi eri a’bware ru na ni ga si kinya mudwi a liwki ri ri’I, andaa eko andaa limi ra daktaria ndego, pi esu zwaka kuru. ⁴⁴ emu andaa oguge lele si, pi lo bongu andaa di ni ti, pi mgbesa andaa eri lure ri ede cwi. ⁴⁵ Pi yesu ku’jo, a’di lo ma ru ni? De’ba tuadu oluki ciri, petero pi ‘ba andaa to ilea kaki, opi, laki taru nya ru ge pi kepi nyi, ongu nyi’joo a’di lo ma ni? ⁴⁶ pi yesu ku’jo, mo’di zi lo ma ru ra, adusiku meri opko nga ma rug e sir a. ⁴⁷ De izi ile kunde a’jo nga anda edele ile niru ra, andaa emu ru a’duka to ‘de pa a ru pi ‘jo andaa ni ‘ba andaga tuwadu nga e’bere andaa lo andaa ru ri a’du, ongu andaa mgbesa adi ra. ⁴⁸ pi andaa ‘jo izi ile ni, ma zwa, ori kuko nyi ku, nya a’i adi nyi ra: mu nya nga i'bwe to. ⁴⁹ De esu adi andaa kola’joru, mo’di alu emu amba zo elegi di ile a zoniga si pi ‘jo andaa ni, nya zwa ni da ra ecandi opi ni ku. ⁵⁰ Ti de yesu keri le’jo ile ‘i, andaa ‘jo ago ile ni, ori kuko ngi ku, a’i ayo pi nya zwa kumu kujira. ⁵¹ De andaa kemu zoga, andaa le ‘ba zi kutoru zoga ku, te saa petero pi yoani to yakobo nil aka, pi zaugwa ile a ata pi ende to ⁵² Pi ‘ba tuwadu esu kowuki zangwa ile si: ti andaa ku’jo, anyowa ku, andaa da kuru, ti kuko o’du. ⁵³ Pi guki andaa ni opko si, a’dusiku niki ra andaa ni da pko. ⁵⁴ Pi andaa eyi ‘ba ile tuadu laangwe, pi ko zangwa ile a di pi lungwe ku’jo, zangwa, nga oru. ⁵⁵ Pi andaa endi engwi idi, ongu andaa nga rere eru: pi andaa ecara a’i kukeki laka onya. ⁵⁶ Pi andaa ni oti’ba a’u kii cwi: ti andaa ecara a’i ku’joki nga redere ile mo’di zi ni ku.