¹ Dingi oluri Yesu onga ario, bananini, azi koki kapera nauma. ² Modi nagwi lesiri roman a oluri lesiri’ banani ro, anyukweri di mia alube kolu awiri opigoro oluri lago keyiri twe. Opigo nani kombwobwe ithithi odaro. ³ Lesiri modi nagwi rerisi yesuri ari azi kozwe agwi yudayaki rini yesu rana, yesu nozi ani keki awiri opigoni ithu. ⁴ Azi agwinaki koza yesu ra luba ori yesuni omit we, keyo sana nilokari lagoni iloka di adusiku lago nagwi nani modi nintha. ⁵ Kiyeri amari ofo olule nitwe, lago osi amani jo romomiale. ⁶ Azi komiaru lubaro, ithithi ani luba kosaru jo nanira modi nagwi lesiri nanani kozwe awiri beroni, ani kena yesuni odo nondu miri runi I dewuku mari osi me toku mini aka ani nekiru mari jo, ⁷ Ileni di oluri mengo meyo ma mejoku ekio mira wa, ti eyo ari miri ani mari opigo kadadi. ⁸ Ma angwi ikokori mani mari agwisi ma angwi mari lesiri baro oluri mari muko, iya mena alani meyo ki azi koki, angwi iya mungweri alani meyo eki azi koki, angwi iya mungweri alani meyo eki azi lago keki, angwi iya menari mari opigoni meyo we nganii, azi kowe. ⁹ Yesuri ari naki nerisi lago oru nga twe ouru, yesu onde banani abiru oduba keviri awini iki yesu keyo odo menari amini adi mesu eyononi alaku oluri agwiru twewi ju yisaraele nia. ¹⁰ Dingi oluri banani ozweka iki engwio lagori nga ba, luba evo eswo opigo ini kolu Osuru wo. ¹¹ Bulena azi yesu koki dula alara runa naina, awiri banani awini oviba ai banani alukwaro komirari yesu piro ofo nalube, ¹² Ithithi airi osaro inia, inde modi odarini banani kogogu angwe, modi nani asa ngwoa alube anderi anda ande angwi ago ako, banani abiru juru rika omiari modi naniro ofo nalube, ¹³ Yesuri ari nakini ondesi na azi lagori mi kobwa, keyo ngwoa ri andero mama mondu owuku. ¹⁴ Azi yesu koki athi kolo gwadani bani ogu baki azi kede, kiru yesu keyo, mi tetegoni mena ri mini nga oru. ¹⁵ Azi ngwoa odarini konga oru kori ichaka kori arini onga, yesu azi kokwe andeni. ¹⁶ Banani lii oru nga kale kori orini oni asidi ri agwesi luba keyo modi eyo noniri esao ari agaga, angwi luba keyo ori esa awiri banani nondeo. ¹⁷ Ari naki azi kara banani lii yudaya azi buru pi oluri ithithi airo. ¹⁸ Banani yoane noziba azi kenari yoane ni nganin lii ¹⁹ Azi yoane kungweri awiri banani awikani kapeleri kozwe lubani osi yesu ra, keyo mi awi ile oluri kekeki ini de mothe alani? ²⁰ Banani ri ozwekana azi kosa yesu ra keyo odo yoane runi unarini ri ozwekana azi kosa yesu ra keyo odo yoane runi unarini ezwe amani mira wa ani asi mi keyo mi awi ile oluri kekeki ini de mothe alani? ²¹ Thekeli nanira yesu idi’banani abiru oduba ombero angwi aza baro ai oduba oyuru ni njwiro, yesu opi banani ri mi abiru oduba andeku. ²² Azi yesu kakri banani ozwe kana ikini, yesu keyo ivo ena yoane ni nga amiri ondeka iki angwi amiri erikana iki, mi ako kande ade oduba bika eringaku, keriri eriwo, udaba unga kaleo oda lelesi, banani oduba nga ako ena oriri eyo akao ²³ Iya ile modi oluri adi orwe paku ini mari eyosi ani asidina andu kofofo. ²⁴ Dingi oluri yoane ri banani ozwekana iki engwio, azi yesu kozi bani nabini yoane ri eyosi ivo angwena ami inde adunga anyo? Ivo pado nonde oluri olii koyori oyo iki? ²⁵ Ami ivo angwena adu nonde? Ivo banani oduba otho meke oluri kolu reperu oluri egeri twe ambaru nani? Ekoi banani oduba kotho meke agweru ini oluri inthana twe iki kichaka agwiri basi. ²⁶ Ami ifo angwe adu monde anyo? Ivo nebi nonde eyo menari amini meyo amiro indeo modi oluri kope nebini ²⁷ Ileni modi oluri arina ogwe ibebio, keyo inde mozwe modi mari ebukana ni miri athi, oluri obusi kuzuri miri lethini. ²⁸ Menari amini meyo banani ri agaga oluri ethi ikusi ileki ala alube kewe oluri agwiru kope yoane ni, ti modi oluri kediru twe oriri opopia ani agwiru kope lagoni. ²⁹ Lubari ari nakini erisi banani libithi ai mochoro nonu baro luba enio keyo ori osuna, di adusiku luba aka yoane ri ru nona anini. ³⁰ Ti parusiri banani al agwi irini itheba mose rika oga ari oduba ori ena aini iki kale di adusiku luba adi aka yoane ku awiri airi ru nona luba oleku. ³¹ Iya ile andu mithe mari oku olu ini rikani adusi anyo? Luba kodu esu aduniki? ³² Luba kodu esu banani bila novu ba niki, ti ami ithothoku, ama ango ongo odari ti ami adi nowuku. ³³ Di adusiku yoane runi unari ini eki adi onyonyaku angwi adi ombu iyiku al binyoro, azi neyo yoane oyuru ninngwiro. ³⁴ Ti ma modiri ngwoa eki monya onyani onya angwi mombu iyini ombu, azi neyo inde onya goni, angwi kando ando, lago berego bani ukwa nonubaro, banani ninjwi baro. ³⁵ Ti banani lii oduba ambamba ethio iki onio keyo eyo noni kolu Osuru. ³⁶ Parusigo ala ungwe yesu onya awiro ofo nalube azi yesu kokwi parusigo riba yesu ori bwa onya. ³⁷ Iya ile inde, modi ala bale naniri oluri modi ninjwi nani onio yesu ori onya parusigo ri jo, azi modi nani keziri ire ningwani oluri ilulutho oni lelesi iga thu athosi oluri kongu vo twe oluri mur ri de awari atho, ³⁸ Modi nani azi kede yesuri ogwo, pana kowowu, mindana ori obwa yesuri pa azi kowe minda nakini awiri dibisi awiri dirika azi kenjuri yesuri pani kori owena athosi. ³⁹ Dingi oluri parusigo yesu nuugweri ini konde ngana kini, keyo awiri ruro, iya sana modi ini, kolu modi eyo noniri, sana lago kononi iya modi nani adi, oluri kolo awini nani, anfwi iya oluna keke ingoleni, sana lago kononi odo modi nani modi ninjwi twe. ⁴⁰ Azi yesu kakari lagoni, keyo simona ma nga alaro oluri menari mini azi simona keyo ena mani ari ileki. Ba modi riniri. ⁴¹ Keyo odo modi ala awiri osiri banani ro kapile ri, ala ai gurus jinejin thowu, ala gurus awiri al kana mudi thowu. ⁴² Luba lii bithi ri ejo nga naki ni ingwiku azi lago koyi lubani kondu okweku, iya ile airi ingoni kiyeri modi agwina iye twe. ⁴³ Simona aka keyo ma moni modi oluri ozi gurus abiru ini. Yesu azi kakari keyo mi ili Osuru. ⁴⁴ Azi lago konde modi nanini, kozi simona ni keyo indeo modi ingoni re? ma mekwi miri jo mi adi ikwe mani iyiku oluri ujweri mari paniru. Ti modi ini ujwe mari pao awiri mindasi azi kowe mari pani awiri dibi diri kasi. ⁴⁵ Mi adi nimotho maku motho nithasi, ti kichuluri mari ekwesi wa modi ini adi oyi maku awiri mari pani unjwusi. ⁴⁶ Adi iwe mari diku athosi, ti awi owe mari pao athosi oluri kongu itharu twe. ⁴⁷ Aya ile menari mini meyo modi nani ri injwi nabi iki oyi lagoni kaleo. Ileni di oluri lago iye ma twe ouru, ti modi oluri awiri injwi oyi ga ini lagori riye kolu kediru. ⁴⁸ Azi kenari modi naniri injwini keyo miri runi oyi kaleo ⁴⁹ Banani oduba lagoro onya riki kori runi uzwi keyo modi ileni adi oluri koyi modiri injwini kale. ⁵⁰ Azi keyo modi naniro miri eyo noni iloka mio ki Osuru athusi twe.