¹ Olu lakari iniru, Yesu ozwa inyari ambu azii awiri banana awiri epeka iki kori inya nuke angale airi disi azi kori onya. ² Azi parusiba kozi lagoni odo di adwi nowe nga oduba adi akaku oluri sana oweku lakari inisi? ³ Yesu azi kakari kozi lubani keyo adi ilwakure nga oduba Dawidi oweo iki sa oluri awi awiri banana ro sa oluri luba viro ini? ⁴ Anda lago okwi oriri jo, azi kenuri munjani oluri ibetha oriri anda, oluri sana adi akaku onyale cha, ti banana oriri jo nulaba konyani, azi yesu kori onya awiri banana awini ovibaro. ⁵ Yesu keyo lubaro ma ngwoa modiri oluri agwi lakari de ini tuderi riri. ⁶ Laka alasi yesu oki romia rijo ori rinio modi Alana oulri dini ithana urwari ukwa. ⁷ Banana mose rika riniba ai parusi baro konde ngani yesura de andu yesu kithuri modi nanini lakari inisi, aniluba kesu yeus ri injwi modini ithuwa lakari inisi. ⁸ Ti yesu ni lubari ari asidiri kao azi yesu kenari modi oluri dini ukwari ukwa ini keyo modi naniro odo nga oru ede na. ⁹ Azi yesu keyo luba nakiro mozi amini, ingoni ngani itha oluri kakoko enao ani ongoga lakari inisi ngani itha de ngani injwi? Modini epa de modini igwe? ¹⁰ Azi yesu konde lii kenari modi nanini uzu miri di azi lago nani kuzuri dini esu yesuri oyozo nini azi dina kuzuri itharu twe. ¹¹ Azi luba naki kori otha twe ouru, kori arini owa airi rusi, ani sana iya luba sana kowe aduni anyo. ¹² Ini nakira azi yesu koki benia romio ori orini omi ini gotha inigopi, ¹³ Dingi oluri bu owio, azi kungw eri awiri banana awiri ozibani awiri aga, azi keperi alukwani muduri imbiri lubari aga gania oluri lago ona uzwe kana. ¹⁴ Ruka ai ile simona oluri lago ona petero ala andaria simona ri adinga, azi yakobo, ala yonae azi pilipo, ala runa bartolo mayo. ¹⁵ Ala matayo azi toma, ala yakobo ngwoa alapayo, ala simona oluri ngwe ri modi anderi kode adu kekeki ni. ¹⁶ Ala runa yuda yakobo ri ngwoa, azi yuda isikariota oluri otha erego yesu ri la goni okwe banana idale. ¹⁷ Yesu iluri bwa ofo nalube lubaro azi kede ofo oluri konderi twe intharu, awiri banana nabi awiri ka awini oviba oluna albanani nabiro, oduba kevo yudaya lelesi azi yerusale ma ri karo, angwi oduba kevo golori pipi lelesi turo rika alsidona ro, banana naki evo yesu neri ani idi luba idi airi ombwe lelesi. ¹⁸ Banana oduba izari twe oyuru ninjwe sit we luba ithuo airi ombwe lelesi. ¹⁹ Azi banana nabi kondu yesuni oloni airi disi, di adusiku, omba kekwi kale lagori lelesi ani ki thu al lii ombwe lelesi. ²⁰ Azi yesu konde awiri banana awini oviba ikini keyo odo, ami banana oduba ukwa ako, kadu asidiri oforo, di adusiku opopi oriri kolu airiru. ²¹ Ami oduba ilenini kolu viro ileki kodu asidiri oforo di adusiku obusi amiri a kogoga ami oduba ilenini owubaki obusi amiri aside kofofo a gusi twe. ²² Mi obusi amiri aside kofofo iya obusi banana koga amini kale na angwi iya kunari amini, koga amiri runi mari eyosi ma modiri ngwoa si. ²³ Lubari abi andana ithithu banana eyo noniba lethi nanisi olu nalube nanisi, iya ile amiri aside kofofo ani nanisi ithi tho aside ri ofosi di adusiku okwe nagwi ambwe amini oruna. ²⁴ Ti andu kolu amini injwiru ami oduba ukwaro ileki. Di adusiku ami nai kaleo nga nitha amiri isidi ri ofosi. ²⁵ Kolu injwiru amini bani oduba ilenini imonoro iki, di adusiku obusi vi koru amini oru. Kolu amini injwiru ami banana oduba ilenini kagagu ileki di adusiku obusi nithure ithure ai owuro twe. ²⁶ Kolu amini injwiru iya banana lii keyo odo ami inthaka na, airi abi andana, owe banana lodori kani ile lethi nalube nanisi. ²⁷ Ma menari amini ami mani eriba ileki iveta iye amiri reo, iwe ngani itha banana amini ogaba ileki ngani itha. ²⁸ Ungwe aside nitha oriri ra lelesi banana amini ilemi ba ileki imi luba oduba koga amini ileki. ²⁹ Iya modi ala omwe mi elembwo ufu anda ala aka, ani komowe angwi iya modi ala kondu miri mekini oluri miri runi umozo ini nondu ogaku, kwe kozi miri meke nazo ³⁰ Kwe banana ni iyi omimi ona nondu ewi kale ku, nga ozikana mira lelesi. ³¹ Iwe banana ni ngani itha esu airi ondu zonini, nga oduba owe anini. ³² Iya ami niyeri banana oduba kowe amini ngani ithani ileki ubusi ifufurari amini ifufura re? ju banana ninjwi ba kiyeri iye banana oduba kiyeri aini iye ileki. ³³ Iya ami nowe ngani inthani banana oduba kowe ngani inthani obusi ngona iyeri amini iye. Ju banana ninjw kowe angwi ile. ³⁴ Iya ami nokwe ngani okwe ozile ani ondu ingwi ileki ngona iyeri amini iyere. Ju banana ninjwi kokokwe airi nga ozile ani obusi ingwingwi ³⁵ Ti ami iye amiri ero iye iwe ta ngani itha lubani aka lubani amiri nga ozile nondu iyeye ku iya adi okwe amini kuna obusi athina nairi ai ngani agwi, obusi nolu oriri banana ru, oluri kope ngani lii oruri ka di adusiku awi osuna banana oduba asidika kofofo ³⁶ Kwe amiri mi kobwa banana si esu amiri athari miri obwa zonini. ³⁷ Nondu ba alukwari ari noliku obusi kondu amiri ari noliku angwi nondu ba alukwari eyo nongaku ani amiri ari ondu ongaku, iyi injwi ba alukwari, ani obusi amiri injwi oyoyi. ³⁸ Ikwe nga okwe, ani obusi okowe amini. Ngani omwe nitha oluri omwe twe Osuru ini angwi oyo twe Osuru oluri oga thu twe ini obusi ochu amiri erepe amiri raile esu amiri rithe mazonini ba alukwani obusi angwi ithemari amini anyo ³⁹ Azi angwi yesu konga lubani udo alani keyo modi oluri mina kewe kotu alani out? Obusi luba rii lii ode ofo naliku ⁴⁰ Modi rinikana ope modi awini iniri iniku, ti banana inikana lii oduba ko rinio Osuru ileki obusi kodu esu modi awini iniri inini. ⁴¹ Di adwi oluri nonde korotho ningwani adiki ri mio ti mi inde rowa rowu miri naku? ⁴² Mi nondu neyo ingoleni miri adinga ni neyo kwe menu de kwe mepe korotho ningwa miri mi lelesi. Ti adi nide rowu rowu miri mi lelesi ku mi kamumulu gosi athirisi enu kale rowu rowu miri mi lelesi kale azi kiru andu nejejo ngani onde Osuru ani nenu kale ngani injwi adikiri mi lelesi. ⁴³ Kweni intha ala kewe oluri kejejo oa awiri itho ninjwi, de angwi kweni injwi ala kewe oluri kokwe oani inthani. ⁴⁴ Kwe libithi alube alube oni awiri oka nithasi. Di adusiku banana ejoku lethu nodwa kwe oluri okiro, angwi luba ejoku kweri itho nodwa thu lele niasi. ⁴⁵ Modi nit ha kifuri ngani ithani kale ichoni intha lelesi oduba awiri asidio oduba ambwe kale awiri aside rika. Modi ninjwi angwi kifuri ngani injwini kale oduba ambweri kale awiri asidio di adusiku ari nabi oduba kolu modiri asidio riki kefefu angwe kale awiri thi lelesi. ⁴⁶ Di adwi nungweri mani odo osi osi, azi iwe ngani inthaku oduba sana owowe iki? ⁴⁷ Banana lii oduba evo mara iki azi keriri mari arini arini iki azi luba kowowe iki andu menari ena iya luba kodu ingoleni na. ⁴⁸ Luba kodu esu modi oluri kosi joni oluri adi odi twe bwaku aliru, azi kideri kweni onini di iya kolo eguri twe azi kogu kwe naki ni kale andu jo nani ozori kale ku di adusiku osi twe Osuru. ⁴⁹ Ti modi de banana oduba keriri mari arini ileki, azi oweku ileki. Luba kodu esu modi oluri Kediri kediru awiri jo ingania, azi adi odi twe bwaku. Iya golo eguri twe ambambasi odusi jonani kozweri twe bwa keyo twe rubu.