¹ Olu nanira, yesu ri edesi ithithi golo nagwio genesareta na’banani a’biru kuzweri runi yesura arina neri, o’du’ba, ari oriri; ² Azi yesu konde rogo alukwani kapileri kede merit hi, oluri ‘banani ocha’ba ebirika, ethu kaleo, ori airi iba ebiri ka nujwe. ³ Azi yesu kothu rogo alara, oluru simona nara azi kozi simona ni ani kozwe awi rogosi iyinia kozi kozi yesu ori iyinia rogo nidi, kiniri ‘bananini. ⁴ Dingi oluri ringina odio, azi kenari simona ni ke’yo izwa rogo ofo nalio, bu iba ileki ebi neruza. ⁵ Simona aka yesu keyo modi nagwi, ama anga ebu inigota adi meru nga alaku esu miri eyozonini, andu mobobu. ⁶ Dingi oluri lu’ba obu ibao, simona pi eru ebi aribu twe lu’bari iba azi kori ruke. Titi azi lu’ba ⁷ Kungwe ri ‘bananini alukwani aini iloka lu’bari iba ori ruke tweo, di a’dusiku ibi eruri twe abiru. Adi naki evo twe abiru. Lu’ba iga rogo ri, ebisi, luba ondu athe ebiri erezesi. ⁸ Simona ri eyonaki nondesi azi lago ko’de bwa anyukwasi yesuri anda, ke’yo yesuni ki kale mari anda lelesi mari osi ori di a’dusiku ma non’di ni njwi. ⁹ Di a’dusiku lu’ba lii orunga twe airi ebini erusi abiru. ¹⁰ Iya ile yakobo pi ai yoane ro jebedayori on’yu’du odu’ba knoga e’buni simona piro ofo nalube iki orunga twe. Yesu eyo lu’baro ke’yo simona ro nondu nga noruku. Ilenini ai athiro na o’busi nolu’banani retu’baru. Esu miri ebi netu zonini ibasi. ¹¹ Azi lu’ba kizwari rogoni meri thi. Lu’ba oyi ngali aika azi kovi yesuri bani. ¹² Olule yesu ri olu juru alara na, mo’di ala kolu na oluri oru twe ombwe dini uliri nisi kimaji, yesu ri ondesi, azi modi nani konde yesuni, azi mo’di nani koso anyani bwa yesuri anda azi kori yesuni omi ke’yo mi osi iya niyeri iye idi ma. ¹³ Yesu azi kozwe dini ko’ba runa, ke’yo odo ma miyeri iye mini idi ombwe ileni koyi mi, titi azi kimaji koyi lagoni. ¹⁴ Yesu azi kenari mo’di nani ke’yo nondu ena mo’di alaniku. Tiki ena miriru oriri mo’dini kwe okwe mina rithuzo, esu moseri rena zonini, ani banana kononi odo ithu mio, ¹⁵ Yesuri ari ara twe ouru; bananini abiru omiari yesu ni eri. Angwi aini idi ombwe lelesi. ¹⁶ Azi koyi ‘bananini ani koki romio ayinia ofo oluri ‘bananini ara kewe. ¹⁷ Olule yesu ani alasi awiri rinile na, parusi’ba olu nini’ba mose rika galilaya ri jurwo ai yudayaro alukwa evo’ba yerusalema ri naki kichaka na. oriri ambamba kolu lagoro ani kidi ‘banani. ¹⁸ Bananini alukwa azi kevo keguri mo’dini nga onuzosi ola dina. Mo’di nani ida runa oda twe, bananini naki lu’ba ondu lethi mo’di nani nozizo jonia, ani sana ola yesuri anda. ¹⁹ ‘ba naki esu ambaru mo’di nanini ozi jonia. Di a’dusiku bananini twe a’biru. Lu’ba naki azi kongi mo’di nani Jodi azi lu’ba keyiri mo’di nani bwa Jodi lelesi ola kitikwari di osa bwa yesuri anda. ²⁰ Yesu onde lu’ba nakiri eyo noni twe, azi yesu ke’yo, mi mo’di ileni miri injwi oyikaleo, ²¹ Bananini e’yo noni’ba mose rika ai parusi’baro, kori runi uzi ke’yo lago ileni adi oluri kilawuri orini? Adi koyi injwini oyini. Ti ori ‘dute awi koyi injwi nini?" ²² Yesu onio lu’bari asidiri ari, airi runi uzisi. Yesu ozi lu’ba naki ke’yo di a’dwi nuziri runi? ²³ Ingoni ithanani oluri ke’yo miri injwi oyi kaleo, de eyo nga oru miri injwi oyikaleo, ani koki awiro kale, awiri pasi? ²⁴ Andu menari ena amini, me’yo ma oriri ngwoa, kolu ambambaro, bwawa injwi noyi kale mo’di naniri, azi yesu kufuri mo’di nani onde, oluri aweku nani, ke’yo menari mini nga oru enu miri nga onuzo inga ki aminga’ba.'' ²⁵ Titi azi mo’di nani konga oru’banani ri anda, kenuri awiri nga onuzoni oluri ola lago akani azi koki’ba kifufurari orini. ²⁶ ‘banani lii orunga kale kori orini ifufura, lu’ba lii ke’yo ande oriri ambambao twe agwiru, ininisi. ²⁷ Bule na yesu oki angwe, azi konde mo’di mochoro guru nonu rinani, runa lewi, kichaka ofo guru nokwe rinara. Azi yesu kenari lagoni ke’yo evima. ²⁸ Levi onga oru oyinga lii kale. Azi kovi yesu ni. ²⁹ Levi okwe onone na twe agwiru awinga jo, banana twe ni yesu piro ofo nalube. ³⁰ Parusi pi ai ‘banani olu nini ‘baro mose rika kunjuri thani ‘banani yesuni ovi’ba ikiro, odo di a’dwi nonyonyani ai omburo ofo nalube ‘banani guru nonu ‘baro ai ‘bani ninjwiro? ³¹ Yesu aka lu’ba ke’yo banana o’du’ba ruka osuka ole mo’di ridiri naku. ³² Ma meki adi ‘bani nitha ‘baraku, ti ‘banani injwikani ungwe ani lu’ba kufuri kale injwi lelesi. ³³ ‘banani alukwa azi ke’yo yesuro odo’banani yoane novi’ba on’yon’yaku duru a’biru konga rominiangwi parusirika kowe ile. Ti ‘banani mika mini ovi’ba kon’yon’yani on’ya angwi kombombuni ombu. ³⁴ Yesu azi kakari lu’bani, kazi odo ami no’do’di okwena bero aliri mo’di nokwe ani kondu on’yaku, dingi oluri ali athe kolu lu’baro ofo nalube? ³⁵ Ti o’busi thekeli na ko’do’do’di oluri alia the o’busi ozikale lu’bari agaga lelesi, kiru ini nanisi lu’ba obusi kololu ‘dini on’ya ako. ³⁶ Ena lu’bani u’do ala ke’yo mo’di ala kewe oluri kekeri ofo ningwa ala ni meke nunwe lelesi azi ko’dwe mekeni ando iya lago owe ile konderi kokeri kale meke nunwe lelesi. Angwi iya anda ala enu kale meke nunwe lelesi o’busi omia riku twe nyonyo. ³⁷ Mo’di ala kewe oluri kotho iwani nunweni eja nondio ani ke’be’bu. Iva lago owe ile, o’busi eja nani kofofwe, azi iwa naki kolu kewe kochu kale. ³⁸ Ti sana iwa nunwe otho eja nunwe. ³⁹ Mo’di ala kewe oluri iya ombu iwa nanga azi kondu unwe kani. Lago koni de ke’yo iwa nanga ai osukani.