¹ Yesu ri aside oga twe oyuru nithasi, azi kongwi yardene azi oyuru kozi lagoni ini mudisu ayia ofo oluri bani aka kewe ² azi reari modisatani koka yesuni, adi yesu onya nga ala ku ini nakira, dingi oluri oka lago tweo azi vi koru yesuni ³ Satani eyo yesuni, iya mi oriri ngwoa, ena oni ilekini ani kufuri onyaru. ⁴ Yesu aka satani odo, ogwe ibebio keyo modi oluka onyasi dute ⁵ satani angwi ozi Yesu ofoni azo oru, kenari yesuni opopi burikani, olu ningwoa zi kediru ⁶ lodori modi satani azi keyo, ma andu mokwe mini ombani ai eyo noniro azi agwe ngari lii, di adusiku okwe manio andu mokwe okwe ngwoa aluri miyeri iye inini. ⁷ Iya iwo bwa mani oru, andu nga ileki lii kolu miriru. ⁸ Yesu aka satani keyo ogwe ibebio keyo, mi sana noru osi orini oluri miri azi nonga orini dute ⁹ angwi ozi yesu yerusalema, kideri lagoni lote jorinara oluri oriri, keyo iya mi oriri ngwoa bu miriru bwa. ¹⁰ Ogine odo andu ori kenari malaika ni miri ari, ani kothe mi Osuru, ¹¹ Angwi odo luba andu koko mini oko dsi nondu pani orweku onio, ¹² Yesu aka satani keyo mi sana ika osi ori miri naku ¹³ Dingi oluri Satani imori yesu kweo, azi kiru koyi Yesuni. ¹⁴ Yesu ongwi Galilaya omba oyuru risi. Lagori ara jurusi lii ¹⁵ lago ori rinio jo room mia le; banana lii ori yesuni ifura. ¹⁶ Yesu oki najareta, awiri jurwo awini imbale na, okwi jo Romonia le, ini tuderi oluri nugweri laka airi kaka, yesu ede oru ibebini olwa ¹⁷ Ibebi awiri olwakana ini yisaya okwe anyo yesuni. Lago opi ibebi nani ogwe aka keyo, odo. ¹⁸ oyuru osi oriri kolu mani di, di adusiku, owe mani oriri ari bani oduba nga akori kani. Ozwema ani mena bani ulkana iki netwe kale, angwi rena banana ulkanani mi ako rikani ani kande ande. Ani angwi koyi. Bani Omwekana iki oyile dule ¹⁹ angwi rena kii onyari, ani osi ori rimi kobwa banana si. ²⁰ Yesu umo ibebi ogwe kanani, azi kori ena opigoni, yesu ori bwa oriri eyo nonga, banana lii oduba jo Romomia le iki kori lago nonde ambaru ²¹ Yesu keyo lubaro odo iniisi ari ileki ongario, amiri erikana iki ²² Banani lii keyo odo lago ithana. Luba oru nga kale ari agweba nakisi awiri oykana iki. Azi luba kuziri runi keyo ileni yosepari ngwoa kure? ²³ Yesu azi keyo lubaro odo, ena ta mani rikwi ileni iya mi ridiri modi ldi miriru, obusi neyo odo ama meri ngalii miri ongakana iki na kapera nauma. Iya ile angwi mi nga. Ngaileki miri jurwo, ²⁴ Ma meyo amini modi eyoni nitha nongari kewe oluri ororu awiri jurino, ²⁵ Menari amini eyoni ithani, ana eliya ri dingia iku oduba ago ako abiru yisaraele na, dingi oluri bu ede iyi adi odku kin a al imbaro azia, vi ode twe agwiru juru pi. ²⁶ Ti ori adi ozwe eliya ku juru alar a, ti lago ozwe modi nizi oluri ago ako oluri sarepata sidona ri jurwo, ²⁷ angwi elisa ri dingia mbwe dini uliri ni ri banana abiru yisaraele ri jurwo ala adi ithuku, ti namana suria ri na ithu anyo, dute ²⁸ Airi ari ileki nerisi jo Romomia lena. Banani lii otha twe ²⁹ Luba lii onga oru azi kudori Yesuni kale. Juru nia lelesi. Ozi lago, be di oluri ithithi juru ainaro, ofo na io ani sana kowe yesu bwa ³⁰ Ti lago ofu aini alelesi de airi agaga lelessi azi koki awiro, ³¹ Yesu iluri kapara nauma juru alara Galilaya ri ori banini ini, ini tuderi si, oluri laka ³² banana oru nga kale awiri rinisi, kong arini aga gwisi, ³³ Modi ala oluri oyuru nijwiro kolu jo Romomia le inra, kuzwa oru olile nagwisi ³⁴ Keyo Yesu najareta ri, nondu aduni a mara anyo, nondu amani igweni? Anio iya mi adina, mi modi nosu oriri. ³⁵ Azi Yesu kiruri lago keyo abu ngali, eki kale modi ileni ri rulelesi, azi oyuru nijwi kobu modi nani bwa baniri anda, keyo eki kale runa lelesi aza ako lagora lelesi ³⁶ Banani lii oru nga kale kuziri runi, odo eyo ileki adwi awiri oyo kana ileki? Lago kenari oyuru ninjwini ambambasi ai ombaro, azi oyuru kekwi kale, ³⁷ Olie yesu ri ara twe ofo leli, oduba agakana riki ³⁸ Yesu oyi jo Romomia nani kale, azi koki simona rig aba, simona ri ngoda ombwe twe runa kolu asiru twe. Luba ori Yesu nomi, ani kidi modi nani ombwi lelesi kale. ³⁹ Yesu azi keki kede agana, kiringari ombwe ni titi ruri eme azi koyi modi nanini, modi onga oru tit i ombwe lelesi, ⁴⁰ thekeiri odele banana lii ori airi bani ombwe baro iki dule dule yesu ri anda, azi koba dini bani nari dio ombwe li ovokale bani ra lelesi. ⁴¹ Oyru nijwi ekwi kale’ bani ra lelesi. Kowu keyo mi oriri ngwoa, Yesu iringa luba kale, okwe adi bani eyoku, di adusiku luba onio odo awi oriri ngwoa, ⁴² buri owile Yesu azi konga, oki ofo oluri’ bani akake; banana kondu aini oyiku ⁴³ yesu keyo sana ma angwi moki ofo alukwara oriri eyo nena ba alukwa ni, di adusiku ezwe ma ari ilekisi. ⁴⁴ Yesu onga ari oriri jo banana ri romomia le Yudaya Na