¹ Ile ki muduri imbi thowu, kaisar tiberio opopi na pontio pilato kulu aginiru niyudaya, erode kolu oruri modiru galilaya, awiri adinga pilipo kolu agwiru iturea ri jurwo ai tarakoniti, lusania kolu oruri modiru Abilene. ² Anna pi ai kayapa ro kodu agwiru eyoni ithethena. Ini nakira oriri eyo ori yoane ri dio ngwoa Jakaria ayinia na, ³ Lago ori awe jurusi lii oduba ithithi meri yardene nara, kungari oriri eyoni banini keyo ofu amiri aside, ani nai ru oriri, ani amiri injini oyi kale. ⁴ esu ogwe sonini, ari modi ari noni rina nini yisaya ri ibebio, keyo olile ala kowowu ayinia keyo iyiyiko lethi ori osiri etheru, uzuzu lethi awirina tiriri, ⁵ Esu ogine sonini keyo ofo nalii obusi umumori umo, be lii al ofo aduba kodu ru obusi upari upa bwa, lethi ruleba obusi uzuzuri uzu tiriri, lethi oduba ngayaka uzuzri amudwe ru. ⁶ obusi kiru’ banana konde oriri aini olokani. ⁷ Azi yoane kozi’ bani ogabani evoba runai iki awira iki, keyo odo ami iniri erebisi, adi iru amini otha ekiri nanira ani ipari opa re? ⁸ Inga ta nga odu’ba kenari odo ami unfu aside kaleo. Nondu eyo amiri ruro odo abarayama amari abii menari amini odo ori kejejo, rimba erebi ri erebi, Abarayama ri, ju oni ilekira. ⁹ Ju ilenini tholu idede the gwo, ani oga kweru awiri kwelela lii oluri okaku awiri oka nitha obusi ogakale azi obu asia ¹⁰ Azi bani naki kozi lagoni odo, obusi ama mowe aduni? ¹¹ Azi kakari lubani keyo iya modi ala kolu meke na zoro ri, kokwe ala modi alani, oluri awina kewe ju modi oluri onyaro ileni kowe ile angwi. ¹² Angwi bani odononuba oduba evo runi ai kazi odo modi riniri ama mowe aduni sana anyo?. ¹³ Lago aka luba odo nodu modi alari guru de odoni nepaku ombasi, de lodosi. Ti amiri a, koga guru okwe kana amini iki, ¹⁴ Lesiri ba azi kazi am asana mowe Auni? Lago aka lesiri’ ba odo nondu guru ni epaku modi alari ombasi de lodosi. Ti amiri akoga guru okwekana amini ikisi, ¹⁵ Bani naki oniro twe kuziri airi asidisi odo de yoane kolu masia ru de ngona ala. ¹⁶ yoane aka luba keyo ma mona runi iyisi. Ti alai le oluri ombaro agwiru kope manani ile kekeki. Ma mejoku awiri kamukari ibani ungwi. Obusi kona amiri runi oyuru nithasi azi asii, ¹⁷ Awi kolu erithe ro dina rubizo. Azi kubiri inyani ofo olile. Azi kombu inyani awiri ero. Azi obusi kombu futhini othole asisi oluri odaku. ¹⁸ Iya ile Yoane onga oriri eyo banana olile nitha ai kakoko alukwaro abiru. ¹⁹ Azi Yoane kori erodeni imimdi, eyo Erodia risi, adingari izi. Al oluni injwiro lii oduba lago oweo iki. ²⁰ Azi erode kidiri awiri othani arini injwisi, azi lago lago kokwe yooane ni gilani obale jo. ²¹ Dingi oluri banana lii ai ruo, yesu angwi azi kairi runi, ori romio, azi oru kopiri. ²² Oyuru ofori azi keki bwa awiri dio, runa kede esu gure nini. Olile enga oruna keyo ileni mari ngwoa na lube oluri mive twe mari aside ofo twe misi. ²³ Yesu osa ki mudi nao awiri ebuni ichulule; banana azi koni keyo ini Yosepa ri ngwoa, Eli ri ngwoa. ²⁴ Matata ri ngwoa, Lewi ri ngwoa, meleki ri ngwoa yanai ri ngwoa, yosepa ri ngwoa. ²⁵ Matatia ri ngwoa, Amosa ri ngwoa, Naum ri ngwoa, Eseli ri ngwoa, nagai ri ngwoa. ²⁶ Mata ri ngwoa, Matatia ri ngwoa, Seei ri ngwoa, Yoseke ri ngwoa Yoda ri ngwoa, ²⁷ Yoanan ri ngwoa, Resa ri ngwoa Jerubaela ri ngwoa, Salatiele ri ngwoa, neri ri ngwoa, ²⁸ Meleki ri ngwoa, Adi ri ngwoa, Losam ri ngwoa, elemadan ri ngwoa, Err i ngwoa, ²⁹ Yosua ri ngwoa, eliejer ri ngwoa, yorim ri ngwoa, matata ri Ngwoa, lewi ri ngwoa, ³⁰ Simeona ri ngwoa, Yuda ri ngwoa, Yosepa ri ngwoa, Yoanan ri ngwoa, Eliakim ri ngwoa, ³¹ Melea ri ngwoa, Mena ri ngwoa, Natata ri ngwoa, Natana ri ngwoa, Dawidi ri Ngwoa, ³² Yisai ri Ngwoa, Obede ri ngwoa, Boaja ri ngwoa, salamona ri ngwoa, nasona ri ngwoa, ³³ Adinadaba ri ngwoa Adimin ri ngwoa arni ri ngwoa, keseron ri ngwoa, perese ri ngwoa, yuda ri ngwoa, ³⁴ Yakobo ri ngwoa, Yisaka Ri Ngwoa, Abarayama ri ngwoa, terak ri ngwoa, nakor ri ngwoa, ³⁵ Seruga ri ngwoa reu ri ngwoa, Pelage ri ngwoa, eber rinNgwoa, Sela ri Ngwoa, ³⁶ Kenan ri Ngwoa, Lamek ri Ngwoa ³⁷ Metusela ri ngwoa, Enoka ri ngwoa, Yarder i ngwoa, Malalele ri ngwoa, Kenan ri ngwoa, ³⁸ Enosa ri ngwoa, Sete ri ngwoa, Adama ri ngwoa, oriri ngwoa.