¹ iya ile ini nakisi, kaisar augusito okwe olile odo; Banani burika ruka lii mondu ogogwe ibebio. ² ileni kolu ebebi nogweri athirina, owekana dingi oluri kwirino kolu modi nagwiru suria na. ³ iya ile banana lii alube alube kovo airi ofo lelesi runi ogwe. ⁴ yosepa azi konga kale galilaya lelesi najarita ri jurwo, okio yudaya Dawaidi ri Jurino oluri runa kolu beteleme, di adusiku lago kaka lethi Dawidi ri. ⁵ lago oki runi ogwe ai Maria ro oluri aka ruo alile yosepasi ini olu aro ⁶ Airi olusi na, azi inia kodi ngwoa nothizo. Othi awiringwoa athiri ⁷ Azi kumberi mekesi. Azi kola lagoni oboko oluri indi konya aka goro, di adusiku airi ofo kewe omuri jo. ⁸ Ndile alukwa A,juru nanira oduba kololu ayia indini inyale inigosi ⁹ Malaikago osi oriri efu Lubani. Azi opopi osiri kori olia lubani, Indile orunga twe. ¹⁰ Azi Malaikago keyo lubaro odo nondungani oruku. Mezi amini olile nitha ofori agwiru oluri obusi kolu’ baniri liithi ¹¹ Ininsi nodi amini ilokari othio Dawidi ri Jurwo, oluri ungweri masia angwi osi, ¹² Ileni kolu amini ralaru, andu nesuri esu ngwoa umbe mekisi, ola oboko oluri indi konya aka goro. ¹³ Titi azi Malaika nagwi oruna kodu ofo nalube malaikago iniro orini ifufurua keyo . ¹⁴ kwe aru oriri oruna angwi bina wa kwe embi kolu bananiro, oluri oriri aside ofo Lubaro oki ¹⁵ Dingi oluri Malaikago onga lubaro lelesio, ongwia oru azi indile keyo, akovo ta Beteleme na, nga nakini onde, efuba naki, oluri osi ori okwe onile onileo naki. ¹⁶ titi azi indile kinyonyo ngari ovoni azi oboka oluri indi konyaka goro, ¹⁷ airi ondesi. Azi luba kori ena Maria pini ai yoseparo nga oduba ena ainio iki, lagoni ngwoa ileni rika ¹⁸ bani reri baiki lii orunga kale. Ari oduba indile ena Lubanio, ¹⁹ ti Maria ambwe ari naki awiri asidio lii azi kori engo awiri asidio. ²⁰ indile azi kongwi bole kovo on gosi kifufrari orini. Nga airi erikana si azi airi ondekasi. U’duba onga ainio. ²¹ Ini tuderisi azi inina kodi lagoni itawero zo azi ona runani yesu ru oluri anda Malaikago ona akao ini, ru ileni ona ogo kosi adi ande oko aku ²² Dingi oluri yosepai ai Maria Ro ani ka rithuri odio Esu moseri oyozo nini. Azi luba kozi ngwoa ni Yerusalema ani okwe yesu oriri anda. ²³ Esu ogwe zonini oriri eyosi odo onyudu othikana athai oduba opi anderi a, athi ri ileki obusi eperi oriri onyuduru. ²⁴ Ani angwi ozi lago okwe le esu thetheka nini esu osi oriri eyozonini, odo ngwoa sana kozi arini kapiri de erebi ri gureri. ²⁵ Modi ala ana yerusalema runa simeona. Lago kolu tiriri orini oruri modi kothe yisaraele’ bani olokani, oyuru ni thasi ani kolu lagoro, ²⁶ oyuru nitha ena lagoni keyo idaku iya inde masia oriri ngwoa kuna. ²⁷ Oyuru nitha oriri ozi Simeona oriri Jonia dingi oluri athepi ai andero, ezi ngwoa yesu oriri Jo o,esu Mose ri ondu zonini, ²⁸ Simeona azi kengiri ngwoa yesuni awiri dia kifufurari orini odo, ²⁹ Mi osi ori elenini yi mari oyuru miri opigosi, kwe aki keye Esu miri eyo zonini. ³⁰ Ma andeo mari misi loka oluri mi orisi niloka miri baniru. ³¹ Riloka ileni ikwe banana burikani lii ³² Ani kolu oforu oluri kenari ba alukwa ni, angwi agwe miri bani yisaraele rikani. ³³ angwoa ri atha ai anero, orunga twe ari oyokana ikisi. ³⁴ simeona iboro luba lii, azikeyo mariaro ngwoa ri ande odo nde lagoni ngwoa ni epe banini inga abiru yisaraele ka, obusi kolu oviru oluri bani lii kogoga. ³⁵ Ani eyoni engo kolu baniro abiru airi asidio, iki ani ena kale, obusi aza koso miri asidaini esu ilinini. ³⁶ Izonga ala na eyo noniri, runa anna ngwoa panuele ri, kaka aser ri, lago othe kaleo twe, olu agoro ofo nalubi ki tuderi awini alile, muko. ³⁷ Lago olu Ngwoa ako ki mudi aro imbi su, asiku okwia oriri jo, ebu monga ithuta al inigoro lii, onyonya ku ti konga romini. ³⁸ dingi nanira iki azi kori orini ifufura konga ngwoa ri arini’ banana lii loka Yerusalema’ bani. ³⁹ Dingi oluri yosepa pi aim aria roikonga lii o, oduba ongo guikioririeyo. Azilu bakengwigalilaya, air ijurwo Najareta. ⁴⁰ ngwo aoriom baotha ambaru, lagori mi ambana, oririat huolulagoro. ⁴¹ Kolu kio lii athepi ai andero kawe yeruslema nyeni nye pasaka nara. ⁴² Yesu ri olule na.Ki muduri imbi rii na, luba ovo esu thetheka ri nani. Nyeni nye. ⁴³ Dingi oluri nyeni nye oko, airi engwisi bule azi ngwoa Yesu kasi bule yerusalema, ti athepi ai adero adi oniku. ⁴⁴ luba koni odo ni awaeri bania. Luba awe inin alube pi Azi luba kori ngwoa nonduni airi ambwe adiro nia azi bero, ⁴⁵ Adi luba esuku, kiru luba ongwi bule yerusalema ngwoa yesu nondu. ⁴⁶ Iya ile ini nari muko, azi luba kesuri lagoni. Oriri jo, kichaka agwinia oduba kiniri kakokuni ori agwini eri kuziri. ⁴⁷ bani lii reriba iki oru nga kale. Awiri eyo nonisi ai aziro. ⁴⁸ Athepiri ondesi ai anero luba orunga kale azi ande kozi lagoni keyo mari ngwoa adu nowe amani ile. Inde ama athikiro kondu mini asidri azasi twe ouru. ⁴⁹ azi yesu kakari lubani di adwi nondu mani? Adi iniku kure odo ma sana molu athimari eyosi? ⁵⁰ Adi luba oniku ori awiri onyokanaki. ⁵¹ Lago azi komiari athe piro najareta, yesu olu amudweru andepiri anda ande ambwe ari ileki awiri asidio. ⁵² Yesu ori omba rwo awiri olwa athi, ambamba orira ai baniro.