¹ Modi nagwi teopilo; Bani Abiru oduba oba Ambamba o, Eyo leki ni owe oduba ongario amari agaga iki ² Luba ogwe nga oduba anda enao bai’ Bani ondeo Ari ileki Ichulu Rio go, Enao olile nithasi ari ileki. ³ ya ile Modi nagwi teopilo, ma anio nga ileki twe Osuru kidalari richulule ma mengo u, odo osuna ogwele mini lii koviri. ⁴ Ani mi suna noni odo nga ileki oduba inio iki kolu ile. ⁵ eroderi dingia modi nagwi yudayari. Oriri modi ebu nongariruna jakaria. Lago oku banana oduba Ebu nonga’ba o’du’ba abiya. Zina kaka Aronari. Euna Elisabeta. ⁶ Lu’ba ri lii kodu tiri Anda Kovoviri kakokoni Lii odiri injwi ako. ⁷ Ti luba ngwoa Ako, Di Adusiku Elisaeta o thiku, luba ri libithi othotheo. ⁸ olu jakaria biri dula ani lago kidethe ebu oriri anda. ⁹ Esu kaka nini obu ebele ode awini kowi oriri jo neme notho ofo oluri okwi akaku cha, ti modi epekana kokwini, ¹⁰ Banani Lii romyaba, ko’du angwe mukona luba Ori romio, meme nothosi ¹¹ Malaika go osiri efu lagori anda kede dini intha ofo othole. ¹² oru nga twe awiri malaika go nonde si. ¹³ Malaika ori Eyo jakria, Keyo Ru ngaku Miri Romi erio, Elisabethta Modi Izina Mina Obusi Kothi mini ngwoa ni agona, obusi nona runani Yoane. ¹⁴ Obusi nolu onyero Busi banana lii kodu Agusi Yoane Ni Othisi. ¹⁵ obusi lago kolu Agwiru osiri anda, awi obusi ombo iwa nanga ku. Oyuru nosu O’busi koga lagori rwo, idethe anderia,. ¹⁶ Obusi Awi Kufuri yisaraele Bani airi osi orira. ¹⁷ obusi awi kuri awiri andani oyuruni oluri anda okwe Eliya awi amba mbasi. Ani kufu atha ri aside awiri onyuduni, ani kufu asida bani oduba oleku ambamba baniri oduba kofo tiriri, oriri’ bani. Ni uzu oduba kododi lagoni. ¹⁸ azi jakria kozi Malaika go odo, ma obusi moni ari ilekini ingoleni? Ma Matheo, angwi mari izi otheo. ¹⁹ Malaika gokakari lagoni odo. Ma gabariele, aluri kede oriri andanda ini ezwema Eyo miro, angwiminiolile nosu nena. ²⁰ Iya ile inde, mi u’busi nabu ngali, inga arikuothe ari ilekiri efuni mini, di Adusiku Adi neri mari eyoku oluri o’busi kejejo airi inio Epekana iri, ²¹ bani angwe riri ori jakaria nthe, luba orunga twe awiri asisi twe. ²² dingi oluri jakaria ekwi angweo, lago onga ariku lubaro, bani naki onio keyo jakaria onde nga alukwao oriri anda. Oduba enao lagoni. Jakaria ori ari nenena disi nga oduba awi ondeo. ²³ Iya ile dingi oluri ini odio awiri ebu nongazo, Jakaria azi kongwi awiri ofo olule. ²⁴ Ini ilekiri muko Elisabeta jakaria izi koko ani, Elisabeta oriru nambe mbe imba thou keyo odo, ²⁵ ileni ori okweni mani awiri mani ondesi Asidi ofo, onu mani mgu banisi kale baniri agaga. ²⁶ Imba azia ri muko, ori ozwe malaikago oluri gabaraele galiliaya ofo ungwekana najareta. ²⁷ lago owe izongara, oluri aka ralio modisi oluri runa yosepa, kaka dawidi ri. Izong nani riru maria. ²⁸ Malaika go okwi maria ra keyo romisi enjo miri, oluri ithuo twe ouru, osi ori kolu miro, ²⁹ Maria oru nga twe ouru aru ilekisi, ori engo awiri asidio. Iya motho ileni kenari aduni anyo. ³⁰ Azi Malaika go keyo maria ro odo, ori ithu mio twe. ³¹ iya ile mi obusi nook ani oko obusi nothi ngoani agona obusi nona runani yesu. ³² obusi lago kolu agwiru, obusi ungweri awini modi ri nara, awiri abi dawidi nara. ³³ Obusi awi kolu opopi kaka yakobo nara, obusi opopi awiri okku twe nyonyo. ³⁴ Maria ozi malaikago, keyo ari ileki obusi kolu ingoleni. Di adusiku adi ma ani agoku? ³⁵ Malaika go aka Maria odo oyuru oriri obusi kori mira ambamba oruni obusi kumori mini, iya ile lagoni nga oluri obusi nothothi ileni obusi ungweri modi nitharu oriri ngwoa. ³⁶ Angwi Elisabeta miri odi oko ao, ngwoa na agona, awiri otheni alelesi, oluri anda ungweri modi oluri othiku ini, ilenini imbaro aziawo. ³⁷ Di adusiku ngala kewe oluri kope orini ombani. ³⁸ Azim aria keyo odo ma wi miri opizingasi Maria osi. Kwe kolu mani esu miri ochozinini, azi kiru Malaika go koyi Maria ni. ³⁹ Azi Maria konga, kiluri bale oni nara juru yuda nara. ⁴⁰ Azi kokini jakaria raj o kimothori Elisabeta tani ⁴¹ Elisabeta ri rerisa maria ri kamotho, Azi Ngwoa kori rubio Elisabeta ri A, lagori aside oga twe oyuru ri a agwesi, ⁴² Azi keyo olile nagwisi odo mi I’boro mio, ikuri agaga lelesi, angwi ori miri arini I’boro o, ⁴³ ma adi oluri osi Mari nagwi keki mani onde? ⁴⁴ Di adusiku titi mari kamotho nerisi Azi ngwoa kori Rubio Mari A, Asidi ri ofosi. ⁴⁵ Mi oluri naka ari osi ori rikao aside nithasi kwe koolu ile O’busi owowe mini ile. ⁴⁶ Maria azi keyo odo itindi Mari kimbari mari osini. ⁴⁷ Asidi Mari kofofo ori mani Epari nisi. ⁴⁸ Di adusiku lago onde miri amudweo awiri opizinga si, konderi o’busina erebiri ebi kungweri mani modini itharu. ⁴⁹ Di adusiku awioluri ombaro ini owe nga agwikaru awiri ru kolu itharu. ⁵⁰ Awriri mi kobobwa Baniro lii, oluri koru awini oru ileki kidede their onyo duru koki athi alara. ⁵¹ awi ena awiri ambabao awiri dini ambasi. Lago ira bani O’duba dingwero iki, airi oniku asidisi ⁵² Awi ena ingwi bani noruba bwa opopi lelesi, airi opopia ori inga bani awi noruba oru. ⁵³ Awi okwe viri banana ari oga o’duba viro ileki ngani itha. Ori ozwe bani o’duba ukwaro iki kale. ⁵⁴ Awi okwe awiri opigo yisaraele ni esu awiri ombu zonini amari abimani. ⁵⁵ awi engo awiri aside ri obwa abarayama ni ai awiri muroro twe twe. ⁵⁶ Maria olu lago rana imba na, Azi kiru kengwi awiri’ ba. ⁵⁷ dingi Elisabeta ri azi kodi, ngwoa no thizo, azi kothi ngwoa na goni, ⁵⁸ Awiri odi ai awiri banana Ro, keriri odo, osi ori rimi obwa Elisabeta sit we, azi lu’ba kori asidiri ofo Elisabeta si airo ofnalube, ⁵⁹ ini tuderi si azi luba kevo ngwoa ri runona azi Lu’ba kondu sana ru nonani jakaria, awiri atheri Rusi. ⁶⁰ Ti azi ngwoa ri ande keyo odo kewe lagori ruona yoane. ⁶¹ Azi luba keyo andero odo miri kala adi onaku ru ilenisi. ⁶² azi kena nari atheni disi ani eni iya lago kondu runa ona adina. ⁶³ Azi jakariakeziri ngani, ani awi kogogwe, azi kogwe keyo runa yoane. Banana lii orunga kale. ⁶⁴ titi azi thina kopiru, ledana azi kunjwiri, konga arini kifufurari orini. ⁶⁵ awiri’ Banani lii oru orisi, ari ileki ara juru niasl lu yudaya oluri ’BE’ BE. ⁶⁶ Banani reriba iki kambweri airi asidio, kuziri odo, ngwoa ileni O’busi kotha Aduru? Di adusiku osi oriri di kolu lagoro. ⁶⁷ athe Jakaria ri aside oga twe oyuru nagwe si azi kori eyo nengo odo, ⁶⁸ kwe osi yisaraele idufura. Di adusiku awi eki awiri Banani ingaraki angwi epa epa Lubao, ⁶⁹ awi ifu ani lokari modio ombombari. Dawidi ri muko awiri o’nyu’dugo, ⁷⁰ Esu awiri oyozonini. Eyo nengo bari thio, oduba ithaka andarika. ⁷¹ Odo awi obusi kepari epa, banana awika erori dilelesi. Al di banana ri lii, oduba kimaanari ani iki. ⁷² Lago angwi anda eyo odo awi obusiri mi kobobwa aria biro, obusi awi kengori romia awinani oluri ithana awiri banana ni. ⁷³ awi ombombu ari abini abarayama ni ombu. ⁷⁴ odo awi obusi kiloka de kepari epa ani erori di lelesi, ani akonga awiri ebu aru ako. ⁷⁵ Agwe angwi tiriri awiri anda. Ini lii ari oluri ka. ⁷⁶ angwi mi mari ngwoa obusi ungweri eyo noniri kope nga oruri kani lii ⁷⁷ awiri okweni Banani awirkani loka noni. Di adusiku airi injwini oyilelesi. ⁷⁸ di adusiku ori ana riyeri modi, mini kobo bwa. Obusi kowe inini efwa ani di. ⁷⁹ Ani koli banana lii, Oluba inigoriki, oluri oda aka riki. Ani kiwe Lubari palethi nitha ai keyero. ⁸⁰ ngwoa yesu omba oru otha ambaru asido, lago olu ayia Tokojo ini awiri efuzo’ banana yisaraele kani.